ހިމާޔަތްކޮށްފައިވާ ރީތި ގަހުގެ ބައެއް ގޮފިތައް ކަނޑާލަންޖެހިއްޖެ

ހިމާޔަތްކޮށްފައިވާ ރީތި ގަހުގެ ބައެއް ބައިތައް ކެނޑުން

ހިމާޔަތްކޮށްފައިވާ ރީތި ގަހުގެ ބައެއް ބައިތައް ކެނޑުން

ހިތްފަސޭހަކޮށްލަން ވަރަށް ގިނަ ބަޔަކު ބޭނުން ކުރި، މާލޭ މިއުޒިއަމް ކުރިމަތީގައި އޮންނަ ކުޑަ ހިއްތަން މައިޒާނުގައި ހުންނަ، ހިމާޔަތްކޮށްފައިވާ ރީތި ގަހުގެ ބައެއް ބައިތައް އެންވަޔަރަމަންޓް ރެގިއުލޭޓަރީ އޮތޯރިޓީ (އީއާރްއޭ) ގެ ހާޒިރުގައި ސިޓީ ކައުންސިލުން ކަނޑާލައިފި އެވެ. 

މާލެ ސިޓީގެ މޭޔަރު އާދަމް އާޒިމް އަދަދު އަށް ވިދާޅުވީ 100 އަށްވުރެ ގިނަ އަހަރުވެފައިވާ އެ ގަހުގެ ހިކިފައިވާ ގޮފިތައް ކެނޑުމުގެ މަސައްކަތް ކުރިއަށް ގެންދިޔައީ އީއާރްއޭ އިން ނަގަންޖެހޭ ހުއްދަތައް ނަގައިގެން އެ އޮތޯރިޓީގެ ހާޒިރުގައި ދިން ލަފަޔާ އެއްގޮތަށް ކަމަށެވެ. 

މޭޔަރު ވިދާޅުވީ ގަހުގެ ހިކިފައި ހުރި ބައިތައް ކަނޑަން ޖެހުނީ އެ ބައިތައް ގަހުން ވެއްޓި އެ ސަރަހައްދުން ހިނގާބިނގާވެ އުޅޭ ރައްޔިތުންނަށް އަނިޔާވަމުންދާތީ ކަމަށެވެ. 

ހިއްތަން މައިޒާނުގެ ރީތި ގަހަށް ގެއްލުންވާ ގޮތަށް ހުއްދަ ނުހޯދައި ފުޑް ކިއޯސްކެއް ހެދުމުގެ މަސައްކަތް ކުރުމުން މީގެ ކުރިން އެ މަސައްކަތް ހުއްޓުވާފައިވެ އެވެ. ނަމަވެސް ފަހުން އެ މަސައްކަތް ނަގަންޖެހޭ ހުއްދަތައް ނަގައިގެން ވަނީ ނިންމާލާފަ އެވެ. 

ހިމާޔަތްކޮށްފައިވާ ރީތިގަސް ހުރި ހިއްތަން މައިޒާން ކުއްޔަށް ދީފައި އޮތީ މުއިއްޒުގެ މޭޔަރުކަމުގައި އެންމެ 2000ރ. އަށް!

ކުއްޔަށް ދޫކޮށްފައިވާ ބިންތަކުގެ ލިސްޓު މާލެ ސިޓީ ކައުންސިލުން އާންމުކުރީ މިދިޔަ ބުރާސްފަތި ދުވަހު އެވެ. އެ ލިސްޓުން އެނގޭ ގޮތުން، ހިއްތަން މައިޒާން ކޮށްފައި ދީފައި ވަނީ ގޯލްޑް ކޮމްޕެނީ ޕްރައިވެޓް ލިމިޓެޑަށް ކުއްޔާއި މެއިންޓެނެންސް ފީގެ ގޮތުގައި މަހަކު 2000ރ. އަށެވެ.

ހިއްތަން މައިޒާނުގައި ކެފޭއެއް ހަދަން ހަވާލުކުރީ ރައީސް މުހައްމަދު މުއިއްޒުގެ މޭޔަރުކަމުގައި މާލޭ ސިޓީ ކައުންސިލުންނެވެ. އެ ތަނުގައި ކެފޭއެއް އަޅަން ހަވާލުކުރީ ކައުންސިލުން ފާސް ކުރުމެއް ނެތި އެވެ.

ހިއްތަން މައިޒާން ގޯލްޑް ކޮމްޕެނީ ނަމަކަށް ކިޔާ ކުންފުންޏަކަށް ކުއްޔަށް ދީފައިވަނީ މަހަކު 2000ރ. އަށް 10 އަހަރުގެ މުއްދަތަކަށެވެ. އެ ކުންފުންޏާ ހަވާލުކޮށްފައި ވަނީ އަމިއްލަ ތަކެތީގައި ޒަމާނާ އެއްގޮތަށް އެ ސަރަހައްދު މަރާމާތުކޮށް ބެލެހެއްޓުމަށެވެ. 

މިގޮތުން އެތަން ހުޅުވާފައިވަނީ ދެ ފުޑް ޓްރަކް ބަހައްޓައި އިށީނދެ ތިބެވޭ ގޮތަށް ބައެއް ބެންޗުތައް ހަދައިގެންނެވެ. 

ގަހަށް ގެއްލުންވެދާނެ ގޮތަކަށް އަދި އެ ހިސާބުގެ މާހައުލު ބަދަލުވާ ގޮތަށް ކެފޭއެއް ހަދަން ކުއްޔަށް ދިނުމުން ކުރީގެ ހެރިޓޭޖް މިނިސްޓަރު ޔުމްނާ މައުމޫން ކުރިން ކަންބޮޑުވުން ފާޅުކުރި އެވެ. އޭގެއިތުރުން ތާރީހު ދިރާސާކުރާ ބޭފުޅުންވެސް އެކަމާ ކަންބޮޑުވުން ފާޅުކުރެއްވި އެވެ. 

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox