އެތައް ބިލިއަން ރުފިޔާއެއް ލިބޭ ގްރީން ފަންޑުން އަހަރަކު ހަތް މިލިއަން ރުފިޔާ ތިމާވެއްޓަށް ހަރަދު ކުރަން މުއިއްޒު ނިންމައިފި

Jun 6, 2026, 9:59 PM
ޖޫން 1، 2026 ގައި ރައީސް މުހައްމަދު މުއިއްޒު ބޭއްވި ޕްރެސް ކޮންފަރެންސް

ޖޫން 1، 2026 ގައި ރައީސް މުހައްމަދު މުއިއްޒު ބޭއްވި ޕްރެސް ކޮންފަރެންސް

ތިމާވެއްޓަށް ހަރަދު ކުރަން ގާއިމްކޮށްފައިވާ "މޯލްޑިވްސް ގްރީން ފަންޑް" އިން އަހަރަކު ހަތް މިލިއަން ރުފިޔާ ތިމާވެށި ހިމާޔަތް ކުރުމުގެ ބޭނުމުގައި ހަރަދު ކުރަން ނިންމަވާފައިވާ ކަމަށް ރައީސް މުހައްމަދު މުއިއްޒު ވިދާޅުވެއްޖެ އެވެ. 

ތިމާވެށީގެ ދުވަހުގެ މުނާސަބަތުގައި ރައީސް ދެއްވި ހިތާބެއްގައި ވިދާޅުވީ މުއިއްޒު ވިދާޅުވީ ތިމާވެށި ހިމާޔަތް ކުރަން އޮތް އެންމެ ބޮޑު ގޮންޖެހުމަކީ އެކަމަށް ހަރަދުކުރާނެ ފައިސާ ނެތުން ކަމަށެވެ. ގްރީން ފަންޑުން ކޮންމެ އަހަރަކު ހަތް މިލިއަން ރުފިޔާ ތިމާވެށި ހިމާޔަތް ކުރުމުގެ ބޭނުމަށް ހަރަދު ކުރަން ނިންމީ އެހެންވެ ކަމަށް އެމަނިކުފާނު ވިދާޅުވި އެވެ. 

"މޫސުމަށް އަންނަ ބަދަލުތަކާއި، އަދި ގައުމުގެ ތަރައްގީގެ ދުވެއްޔާއެކު ތިމާވެށްޓަށް އަންނަމުންދާ ބަދަލުތައް ދެނެގަނެ، ލިބޭ ގެއްލުންތައް ކުޑަކޮށް، ތިމާވެށި ހިމާޔަތްކޮށް ރައްކާތެރިކުރުމަށް އަޅަންޖެހޭ ފިޔަވަޅުތައް އެޅުމުގައި ޒަމާނުންސުރެ އޮތް އެންމެ ބޮޑު ހުރަހަކީ، އެކަށީގެންވާ މިންވަރަށް މާލީ ވަސީލަތްތައް ނުލިބުން،" މުއިއްޒު ވިދާޅުވި އެވެ. 

ގްރީން ފަންޑަށް ކޮންމެ މަހަކު ވެސް 100 މިލިއަނަށްވުރެ ގިނަ ރުފިޔާ ލިބެ އެވެ. އެ ފަންޑަށް އަހަރަކު ލިބޭ އަދަދު ބިލިއަނަކަށް ވުރެ އިތުރެވެ. އެކަމަކު، އެ ފަންޑުން އެވްރެޖުކޮށް ހަރަދު ކުރަނީ ވަރަށް މަދުން ކަމަށްވެ އެވެ. ގްރީން ފަންޑަކީ މާލިއްޔަތު ގާނޫނުގެ ދަށުން ޖެނުއަރީ، 2019، ގައި އުފެއްދި ފަންޑެކެވެ. 

ރައީސް ވިދާޅުވީ، ގްރީން ފަންޑުން ތިމާވެށްޓަށް ހަރަދު ކުރާ ފައިސާއަކީ، ތިމާވެށީގެ ދާއިރާއަށް ކޮންމެ އަހަރަކު ކަނޑައަޅާ ބަޖެޓުގެ އިތުރުން ހަރަދު ކުރާނޭ ފައިސާ ކަމަށެވެ. 

"[ތިމާވެށި ހިމާޔަތް ކުރުމުގެ] މި މަސައްކަތަށް، ކޮންމެ އަހަރަކު ހަތް މިލިއަން ރުފިޔާ، މޯލްޑިވްސް ގްރީން ފަންޑުން ހަރަދުކުރުމަށް އަޅުގަނޑު ވާނީ މިއަދު ނިންމާފަ. މިއީ، ކޮންމެ އަހަރަކު އާންމުކޮށް ތިމާވެށީގެ ދާއިރާއަށް ކަނޑައަޅާ ބަޖެޓުގެ އިތުރުން ހަރަދުކުރާނޭ ފައިސާ،" ރައީސް ވިދާޅުވި އެވެ. 

މުއިއްޒު ވިދާޅުވީ ގްރީން ފަންޑުން ނަގާ ފައިސާ މައިގަނޑު ގޮތެއްގައި ހަރަދު ކުރާނީ ހިމާޔަތްކޮށްފައިވާ ސަރަހައްދުތައް ބެލެހެއްޓުމަށް ކަމަށެވެ. އަދި ތިމާވެށީގެ ދިރާސާތައް ކުރުމަށާއި މައުލޫމާތު ހާމަކުރުމަށާއި ދާއިރާގެ ފަންނީ ގާބިލްކަން އިތުރު ކުރަން ވެސް އެ ފައިސާއިން ހަރަދު ކުރާނެ ކަމަށް އެމަނިކުފާނު ވިދާޅުވި އެވެ. 

"މި ފައިސާ ހަރަދުކުރާނީ ހިމާޔަތްކޮށްފައިވާ ސަރަހައްދުތަކާއި ދިރުންތައް ރައްކާތެރިކޮށް ދެމެހެއްޓުމުގެ މަސައްކަތަށް،" ރައީސް ވިދާޅުވި އެވެ. 

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox