ބީއެމްއެލްއިން ޑޮލަރު ސަޕޯޓު ހޯދަން ވަރަށް ދަތި، ގިނަ ވިޔަފާރިތަކަށް ނުލިބޭ

ބީއެމްއެލްގެ މެނޭޖިން ޑިރެކްޓަރު މުހައްމަދު ޝަރީފް: ޑޮލަރު މައްސަލަ ހައްލުކުރަން ބޭންކުން ވަރަށް ކަންކަން ކުރާ ކަމަށް އަންނަނީ ބުނަމުން --- ފޮޓޯ: ބީއެމްއެލް

ބީއެމްއެލްގެ މެނޭޖިން ޑިރެކްޓަރު މުހައްމަދު ޝަރީފް: ޑޮލަރު މައްސަލަ ހައްލުކުރަން ބޭންކުން ވަރަށް ކަންކަން ކުރާ ކަމަށް އަންނަނީ ބުނަމުން --- ފޮޓޯ: ބީއެމްއެލް

ބޭރުން މުދާ ގެންނަ ގިނަ ވިޔަފާރިތަކުން ބޭންކް އޮފް މޯލްޑިވްސް (ބީއެމްއެލް) މެދުވެރިކޮށް ފޮނުވާ އެއްވެސް ޓީޓީއަކަށް ނިމުނު ހަފުތާގެ ތެރޭގައި ޑޮލަރު ސަޕޯޓު ލިބުން އިތުރަށް ދަތިވެ، އިންވޮއިސްގައި ބުނާ އަދަދަށް އެކައުންޓުގައި ޑޮލަރު ނެތް ނަމަ ޓީޓީ ބާތިލުވާނެ ކަމަށް އެ ބޭންކުގެ ކަސްޓަމަރުންނަށް އަންގައިފި އެވެ. 

ބީއެމްއެލްއިން ވަނީ އެ ބޭންކުގެ އޮންލައިން ޕޯޓަލް ތެރެއިން ޓީޓިތައް ފޮނުވާއިރު، މިކަން ކަސްޓަމަރުންނަށް އަންގައި ދިނުމުގެ ގޮތުން ޕޮޕްއަޕް މެސެޖެއް އަރާ ގޮތަށް ހަދާފަ އެވެ.

އެ މެސެޖުގައި ވަނީ، ބޭރު ފައިސާގެ އެހީ (ޑޮލަރު ސަޕޯޓު ނުވަތަ އެފްއެކްސް ސަޕޯޓު) ލިބުން ބިނާ ވަނީ ލިބެން ހުުރި މިންވަރަށް ކަމަށެވެ. އަދި، ޑޮލަރު އެކައުންޓުގައި އެ ވަރަށް ފައިސާ ހުރެއްޖެ ނަމަ ޓީޓީ ޕްރޮސެސް ވާނެ ކަމަށާއި، އެ ވަރަށް ފައިސާ ނެތް ނަމަ އިތުރު އެންގުމަކާ ނުލާ ޓީޓީ ބާތިލުވާނެ ކަމަށް ވެސް ބީއެމްއެލްއިން ބުންޏެވެ. 

ބޭންކާ އޮންނަ ގުޅުން ގޯސްވާން ބޭނުން ނުވާތީ ނަން ނުޖާ ގޮތަށް އަދަދު ނޫހާ ވާހަކަ ދެއްކި އެއް ވިޔަފާރިވެރިޔަކު ބުނީ، އޭނާ ބުދަ ދުވަހު ހެދި ޓީޓީ ރިޖެކްޓުވީ ކަން އެނގުނީ ޖެހިގެން އައި ދުވަހު ކަމަށެވެ. ހަފުތާ ބަންދު ބޯމަތިވެފައި އޮއްވާ މިހެން ވުމުން، ވިޔަފާރިވެރިޔާ ބުނީ، ބާކީ ހުރި ޑޮލަރުތައް ގަނެގެން، ސަޕްލަޔަރުގެ ހަފުތާ ބަންދު އައުމުގެ ކުރިން މުދާ ލޯޑު ނުކުރެވުނު ކަމަށެވެ.

އެ ވިޔަފާރިވެރިޔާ ބުނީ އޭނާގެ އެކައުންޓުގައި ބޭނުންވާ ވަރަށް ޑޮލަރު ނެތީ ވެސް، އޭގެ ކުރިން ފޮނުވި ޓީޓީއަަކަށް ޑޮލަރު ސަޕޯޓު ނުލިބޭކަން އަންގައި ނުލައި، ޑޮލަރު އެކައުންޓުން ބޮޑު އަދަދެއް ކެނޑީމަ ކަމަށެވެ.

މި ޓީޓީއަކީ ޗައިނާގެ ކުންފުންޏަކަށް ކުރި ޓީޓީއެކެވެ. މި ނޫހާ ވާހަކަ ދެއްކި ވިޔަފާރިވެރިޔާ ބުނީ ޗައިނާގެ ޔުއާންއިން ޑިޕޮސިޓުވާ ގޮތަށް ފޮނުވާ ޓީޓީތަކަށް 30 ޕަސެންޓާ 50 ޕަސެންޓާ ދެމެދުގެ އަދަދަކަށް އެފްއެކްސް ސަޕޯޓު ލިބޭ ކަމަށެވެ. ނަމަވެސް އެ ފަހަރު އޭނާ ފޮނުވި އަދަދު އެއްކޮށް ކެނޑީ ޑޮލަރު އެކައުންޓުންނެވެ. 

"ވަރަށް ދެރަ ކަމެއް، އެހާ ބޮޑު އެއްޗެއް ކެނޑުމުގެ ކުރިން އަންގާލަން ވާނެ. ލިބެންޏާ ލިބެއޭ ވެސް ނުލިބެންޏާ ނުލިބެއޭ ވެސް. މިހާ ޑޮލަރު ތާށިއިރެއްގައި ކިހާ އުނދަގޫ ވާނެ،" އެ މީހާ ބުންޏެވެ.

ބީއެމްއެލްގެ ޑޮލަރު ހާލަތާ ގުޅިގެން މިހާތަނަށް އަދަދު ނޫހާ ވާހަކަ ދެއްކި ހުރިހާ ވިޔަފާރިތަކުން ބުނަނީ މިދިޔަ ހަފުތާގައި ފޮނުވި އެއްވެސް ޓީޓީއަކަށް ޑޮލަރު ސަޕޯޓު ނުލިބޭ ކަަމަށެވެ. 

"ދޭހާ ވެސް މައުލޫމާތަކީ ބޮޑު ބެކްލޮގެއް އެބައޮތޭ. ބުއްދިވެރީ ޑޮލަރު އެއްކޮށް ހުރެގެން ޓީޓީ ކުރެމޭ. ޑޮލަރު ސަޕޯޓަށް އެދިއްޖެއްޔާ ޖަވާބު ލިބެން ވާނެ އިރެއް ވެސް ނޭނގެއޭ ބުނީ،" އެހެން ވިޔަފާރިވެރިޔަކު ބުންޏެވެ. 

ބީއެމްއެލްގެ ޓީޓީތަކުގެ ބެކްލޮގް އޮތް ވަރެއް، އަދި ފެށުނީ ސީދާ ކޮން ތާރީހަކުން ފެށިގެން ކަން ނޭނގުނު ނަމަވެސް މި ޝަކުވާ ވިޔަފާރިވެރިން ކުރާތާ ދުަވަސްތަކެއް ވެއްޖެ އެވެ. އަދި، ވިޔަފާރިތަކަށް ލިބޭނެ ކަމަށް ސަރުކާރުން ކަނޑައަޅާފައިވާ ނިސްބަތާ ގާތަށް ވެސް މިހާރު ޑޮލަރު ސަޕޯޓު ނުލިބޭ ކަމުގެ ޝަކުވާ ކުރާތާ ވެސް ދުވަސްތަކެއް ވެއްޖެ އެވެ.

ބީއެމްއެލްގެ ޑޮޮލަރު ތާށިކަމުގެ މައްސަލަ ގޮސް ވެގެން ގޮސް، އެ ބޭންކުގައި ޑިޕޮސިޓުކޮށްފައި ހުރި ޑޮލަރުތައް ރާއްޖޭގެ އެހެން ބޭންކަކަށް ވެސް ނުފޮނުވޭ ކަމަށް ވިޔަފާރިވެރިން އަންނަނީ ބުނަމުންނެވެ. ބޭންކުން ވަނީ މިހެން ފޮނުވާ ފައިސާގެ ބެކްލޮގެއް އޮތް ކަމަށް ވެސް އެ ވިޔަފާރިވެރިންނަށް އަންގާފަ އެވެ.

ކޮމެންޓް

ފަހުގެ ޚަބަރު

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

Newsletter

Get the latest news delivered straight to your inbox