ބްރައިޓަން އަތުން ލީގު ކަޕުން ކަޓައި ޔުނައިޓެޑް 50 އަހަރު ފަހަތަށް

Sep 17, 2026, 8:07 AM
ލީގު ކަޕްގައި ރޭ ބްރައިޓަން އަތުން ބަލިވި މެޗަަށް ފަހު ޔުނައިޓެޑްގެ ކެޕްޓަން ބްރޫނޯ ފެނާންޑޭސް.

ލީގު ކަޕްގައި ރޭ ބްރައިޓަން އަތުން ބަލިވި މެޗަަށް ފަހު ޔުނައިޓެޑްގެ ކެޕްޓަން ބްރޫނޯ ފެނާންޑޭސް.

މެންޗެސްޓާ (ސެޕްޓެމްބަރު 17) - އިނގިރޭސި ލީގު ކަޕްގައި ރޭ ކުޅުނު މެޗުން ބްރައިޓަން ހޯލްްވް އެންޑް އަލްބިއަން އަތުން 3-2 އިން ބަލިވެ، މެންޗެސްޓާ ޔުނައިޓެޑުން މުބާރާތުން ކަޓައި، އެ ކްލަބްގެ 50 އަަަހަރު ފަހަތުގައި އޮތް ރެކޯޑަކާ ހަމަކޮށްފި އެވެ. 

ރޭގެ މެޗުގައި ޔުނައިޓެޑުން ފުރަތަމަ ހާފުގައި ދެ ގޯލުގެ ލީޑެއް ނެގި އެވެ. އެކަމަކު، ބްރައިޓަން އިން ވަނީ ދެ ވަނަ ހާފުގައި ފަހަތުން އަރައި މޮޅުވެފަ އެވެ. މިއީ، މިދިޔަ 50 އަހަރު ތެރޭ ޔުނައިޓެޑުން އަމިއްލަ ދަނޑުގައި މި ގޮތަށް ބަލިވި ފުރަތަމަ ފަހަރެވެ. އެ ގޮތުން، އެންމެ ފަހުން މި ފަދަ ގޮތަކަށް ދެ ގޯލުގެ ލީޑެއް ނަގައި ޔުނައިޓެޑުން އަމިއްލަ ދަނޑުގައި ބަލިވީ، 1976 ވަނަ އަހަރު ޓޮޓެންހަމް ހޮޓްސްޕާސް އަތުން 3-2 އިންނެވެ. 

އޯލްޑް ޓްރެފޯޑްްގައި ރޭ ކުޅުނު މެޗުގައި ޔުނައިޓެޑުން ދެ ގޯލުގެ ލީޑެއް ނެގި 10 މިނިޓް ތެރޭގަ އެވެ. ފުރަތަމަ ލަނޑު އަށް ވަނަ މިނިޓްގައި 19 އަހަރުގެ ޝެއާ ލޭސީ ޖެހި ގޯލުންނެވެ. އޭރިއާތެރެއިން އޭނާ ވަނީ ކައިރީ ކަނަށް ބޯޅަ ވައްދާލައިފަ އެވެ. އޭގެ ދޮޅު މިނިޓް ފަހުން، ޔުނައިޓެޑްގެ މާކަސް ރެޝްފޯޑް ޖެހި ބޯޅައެއް ބްރައިޓަންގެ ކީޕަރު ޖޭސަން ސްޓީލް ފައިގައި ޖެހިފައި ރީބައުންސް ނުކުތް ވަގުތު މޭސަން މައުންޓް ވަނީ ގޯލަށް ބޯޅަ ފޮނުވާލައިފަ އެވެ. 

Advertisement

ބްރައިޓަން އިން ފުރަތަމަ ލަނޑު ޖެހީ ފުރަތަމަ ހާފުގެ އިތުރު ވަގުުތުގެ ތެރޭގަ އެވެ. މިއީ، ޔުނައިޓެޑްގެ އޭރިއާތެރެއިން ހުސްކޮށް ލިބުނު ފުުރުސަތަކުން، ބްރައިޓަންގެ ފޯވާޑް، ޗަރަލަމްޕޯސް ކޮސްޓޫލަސް ޖެހި ލަނޑެކެވެ. ބްރަައިޓަން އިން އެއްވަރުކުރީ 65 ވަނަ މިނިޓްގައި ޔުނައިޓެޑްގެ އޭރިއާތެރޭން ހަމަޖެހިލައިފައި ޕަސްކާލް ގްރޮސް ޖެހި ގޯލެކެވެ. އަދި، ނަތީޖާ ހަމަހަމަކުރިތާ ހަތަރު މިނިޓް ފަހުން، ބްރައިޓަން އިން ވަނީ މެޗުން މޮޅުވި ގޯލު ޖަހައިފަ އެވެ. މިއީ، އޭރިއާތެރެއިން ލިބުނު ފުރުސަތެއްގައި، މެކްސިމް ޑި ކުއިޕާ ޖެހި ގޯލެކެވެ. އޭނާ އަކީ މެޗުގައި ބަދަލަކަށް ކުޅެން އެރި ކުޅުންތެރިއެކެވެ. 

ޔުނައިޓެޑަށް މެޗުގެ ނަތީޖާ ހަމަހަމަކޮށްދޭން ރަޝްފޯޑަށް ހުސްކޮށް ލިބުނު ފުރުސަތުގައި ޖެހި ބޯޅަ ކީޕަރު ސްޓީލް ވަނީ މަތަކޮށްފަ އެވެ. 

އިނގިރޭސި ލީގު ކަޕްގެ ހަތަރު ވަނަ ބުރުގައި، ތިން ވަނަ ޑިވިޝަނުގެ ފްލީޓްވުޑް ޓައުން ކުޅޭނީ އާސެނަލާ އެވެ. މެންޗެސްޓާ ސިޓީ އާއި ނޯވިޗް ސިޓީ ކުޅެގެން މޮޅުވާ ޓީމެއް ބައްދަލުކުރާނީ، ބްރައިޓަންއާ އެވެ. އެވަޓަން އިން ނިއުކާސަލް ޔުނައިޓެޑާ ކުޅޭއިރު، ސަންޑަލެންޑް ބައްދަލުކުރާނީ ބްރެންޓްފޯޑާ އެވެ. ލިވަޕޫލުން ޗެލްސީއާ ކުޅޭއިރު، ބްރެޑްފޯޑުން ޕީޓަބަރާއާ ބައްދަލުކުރާނެ އެވެ. ފުލަމް އިން ކްރިސްޓަލް ޕެލަަސްއާ ދެކޮޅަށް ނުކުންނައިރު، ބޯންމައުތުން ކުޅޭނީ ރޭ ކަވެންޓްރީ ސިޓީ އަތުން 3-1 އިން މޮޅުވި އެސްޓަން ވިލާއާ އެވެ. 

ކޮމެންޓް

ފަހުގެ ޚަބަރު

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

އެފްއޭއެމްގެ އޮފިޝަލެއް ނެތް، ޓްރޮފީއާ ހަވާލުވީ ނޫސްވެރިއެއް!

ބަންގްލަދޭޝްގައި ބޭއްވި ސާފް ޗެމްޕިއަންޝިޕްގެ ފެއާ ޕްލޭ ޓްރޮފީ ރާއްޖެއަށް ލިބުނުއިރު، އެފްއޭއެމްގެ އޮފިޝަލަކު ނެތުމުން އެއާ ހަވާލުވީ ދިވެހި ނޫސްވެރިއެއް. އެފްއޭއެމް އިން ބުނި ގޮތުގައި ޓްރޮފީ ލިބޭކަން ސާފް އިން އެންގީ ވަރަށް ކުޑަ ވަގުތުކޮޅެއް އޮއްވާ ކަމަށާއި، ނޫސްވެރިއަކު ސްޓޭޖަށް އެރީ ސާފްގެ އޮފިޝަލުން އެދިގެން

އިންފަންޓީނޯގެ ޝަރުތު ހަމަވޭތޯ ގާނޫނީ ގޮތުން ބެލި

ފީފާގެ ރައީސްކަމަށް ހަތަރުވަނަ ދައުރަކަށް ކުރިމަތިލައްވާފައިވާ ޖިއާނީ އިންފަންޓީނޯގެ ޝަރުތު ހަމަވޭތޯ އިނގިރޭސި އެފްއޭއިން ގާނޫނީ ގޮތުން ބަލައިފި. ފީފާ ކައުންސިލުން ނިންމާފައިވަނީ އިންފަންޓީނޯގެ ފުރަތަމަ ދައުރަކީ ބާކީ އޮތް މުއްދަތެއް ފުރިހަމަކުރުން ކަމަށްވާތީ، އޭނާއަށް އިތުރު ދައުރަކަށް ކުރިމަތިލެވޭނެ ކަމަށް

އުމުރުން 38 އަހަރުގައި މަޓާ ފުޓްބޯޅަ ކުޅުން ހުއްޓާލައިފި

ސްޕެއިނާއެކު ވޯލްޑް ކަޕާއި ޔޫރޯ ކާމިޔާބުކޮށް، ޗެލްސީ އާއި މެންޗެސްޓާ ޔުނައިޓެޑް ފަދަ ބޮޑެތި ކްލަބްތަކަށް ކުޅުނު ހުއާން މަޓާ އުމުރުން 38 އަހަރުގައި ފުޓްބޯޅަ ކުޅުން ހުއްޓާލައިފިއެވެ. ކުޅުމުން ރިޓަޔާކުރި ނަމަވެސް، ކުރިއަށް އޮތް ތަނުގައިވެސް ފުޓްބޯޅައިގެ ދާއިރާއިން ފެންނާނެ ކަމަށް އޭނާ ވަނީ ބުނެފައެވެ.

ޕާކިސްތާން ފުޓްބޯޅަ ކުރިއަރާނީ ޕްރޮފެޝަނަލް ލީގެއް އޮވެގެން

ޕާކިސްތާން ފުޓްބޯޅަ ކުރިއެރުވުމަށްޓަކައި އެ ގައުމުގައި ވަރުގަދަ ޕްރޮފެޝަނަލް ލީގެއް އޮތުން މުހިންމު ކަމަށް ގައުމީ ކޯޗު ނޮލްބާޓޯ ސޮލާނޯ ބުނެފި. އޭނާ ފާހަގަކުރި ގޮތުގައި ހަމައެކަނި ބޭރުގައި ކުޅޭ ކުޅުންތެރިންނަށް ބަރޯސާވުމުގެ ބަދަލުގައި، ލޯކަލް ކުޅުންތެރިން ކުރިއެރުވޭނީ ގަވާއިދުން ކުޅޭނެ ލީގެއް އޮވެގެން

Newsletter

Get the latest news delivered straight to your inbox