މެންޗެސްޓާ (ސެޕްޓެމްބަރު 14) - އިނގިރޭސި ޕްރިމިއާ ލީގުގައި ރޭ މެންޗެސްޓާ ޔުނައިޓެޑް ދަނޑުގައި މެންޗެސްޓާ ސިޓީން 1-0 އިން މޮޅުވިއިރު، މި މެޗުގައި ސިޓީގެ އާލިން ބްރައުޓް ހާލަންޑް ޖެހި ގޯލު ބަލައިގަންނަން ނިންމި ނިންމުން ގޯސް ކަމަށް ޕްރިމިއާ ލީގުގެ ރެފްރީ ޖަމިއްޔާ، ޕްރޯ ރެފް އިން ބުނެފި އެވެ.
މެޗުގެ 23 ވަނަ މިނިޓްގައި ސިޓީގެ ފިލް ފޯޑެން އަށް ރަތް ކާޑެއް ދެއްކުމުން، ކުޅުންތެރިއަކު މަދުކޮށް ކުޅެމުން، 60 ވަނަ މިނިޓްގައި ސިޓީން ލީޑުނެގި އެވެ. މި ލަނޑު ޖެހީ، ހާލަންޑް އެވެ. މިއީ، ޖޮސްކޯ ގްވާޑިއޯލް ނެގި ހުރަހަކުން ހާލަންޑް ޖެހި ލަނޑެކެވެ. އެންމެ ފުރަތަމަ އޮފްސަައިޑް ކަމަށް ނިންމި މި ގޯލު ބަލައިގަންނަން ނިންމީ، ވީޑިއޯ އެސިސްޓަންޓް ރެފްރީ (ވީއޭއާރް) އިން ބަލައިފަ އެވެ. ވީއޭއާރް އިން މި ގޮތަށް ނިންމީ، ޔުނައިޓެޑްގެ ޕެޓްރިކް ޑޯގޫ ހުރި ހިސާބުން ބަލާއިރު، ހާލަންޑް އޮފްސައިޑް ކަމަށް ވީއޭއާރަށް ނުފެންނާތީ އެވެ.
މެންޗެސްޓާ ސިޓީން ކުޅުންތެރިއަކު މަދުކޮށް ކުޅެ މެންޗެސްޓާ ޔުނައިޓެޑް ބަލިކޮށްފި
މެންޗެސްޓާ ސިޓީން އެއް ކުޅުންތެރިއަކު މަދުކޮށް ކުޅެ 1-0 އިން މެންޗެސްޓާ ޔުނައިޓެޑް ބަލިކޮށްފި. މި މޮޅާއެކު ސިޓީން ލީގުގައި ސައްތަ އިން ސައްތަ ރެކޯޑް ދަމަހައްޓާފައިވާއިރު، މިއީ މި ސީޒަނުގައި ޔުނައިޓެޑް ބަލިވި ދެވަނަ މެޗު. ސިޓީ އަށް ދެ ވަނަ ހާފުގައި ހާލަންޑް ލަނޑު ޖަހައިދިންއިރު، އެ ޓީމުގެ ފޯޑެން އަށް ފުރަތަމަ ހާފުގައި ރަތެއް ދެއްކި،
މި ގޯލު އޮފްސައިޑް ކަމަށް ބެލެވުނު އެންމެ ބޮޑު ސަބަބަކީ، އޮފްސައިޑް މަގާމެއްގައި ހުރެ، ސިޓީގެ އެންޒޯ ފެނާންޑޭސް ބޮލުން ޖަހަން މަސައްކަތް ކުރުމުންނެވެ.
ޕްރޯ ރެފް އިން ބުނީ، ވީއޭއާރް އިން ފުރަތަމަ މި ކަން ބެލިއިރު، އެންޒޯ، އޮފްސައިޑް މަގާމެއްގައި ހުރެ ބޯޅައިގައި ޖައްސާފައި ނުވާއިރު، ލަނޑު ޖެހީ އޮންސައިޑް މަގާމެއްގައި ހުރި ހާލަންޑް ކަމަށްވާތީވެ، ގޯލު ބަލައިގަންނަން ނިންމީ އެވެ. އެކަމަކު، ގަވާއިދުގައިވާ ގޮތަށް ޖުމްލަކޮށް ބަލަން ޖެހޭ ހާލަތެއްގައި ރެފްރީ އާއި ވީއޭއާރް އަށް ވެސް ގޯސްކޮށް ކަންކަން ކުރެވިފައިވާ ކަމަށާއި ހަގީގަތުގައި އޮފްސައިޑްގައި ހުރެ، އެންޒޯ މި ބޯޅަ ހޯދަން ކުރި މަސައްކަތް ވެސް ބަލައި، މިއީ، އޮފްސައިޑެއް ކަމަށް ކަނޑައަޅަން ޖެހޭ ކަމަށް ޕްރޯ ރެފް އިން ވަނީ ބުނެފަ އެވެ.
"މި ނިންމުން ގޯސްކަން، އަދި މި ކަމުގެ ފުރިހަމަ ރިވިއު އެއް ކުރާނެކަން، މެންޗެސްޓާ ޔުނައިޓެޑަށް ވެސް ވާނީ އަންގާފައި،" ޕްރޯ ރެފްގެ ބަޔާނުގައިވެ އެވެ.
ރޭގެ މެޗަށް ފަހު، ޔުނައިޓެޑްެގެ ކޯޗު މައިކަލް ކެރިކް އާއި ޔުނައިޓެޑްގެ ޑިފެންޑަރު، ލިސަންދްރޯ މާޓިނޭޒް ވެސް ވަނީ މެޗުގެ ރެފްރީ މައިކަލް އޮލިވާ އާއި ވީއޭއާރް އިން އެ ގޯލު ބަލައިގަންނަން ނިންމުމުން ހައިރާންކަން ލިބުނު ކަމަށް ބުނެފަ އެވެ.
