ބަޔާނާއި ޔުނައިޓެޑް އަދި ކޯމޯ އިން މޮޅަކުން ޗެމްޕިއަންސް ލީގު ފަށައިފި

Sep 11, 2026, 9:04 AM
ޔުއެފާ ޗެމްޕިއަންސް ލީގުގައި ބަޔާންގެ އޮލީސޭ ލަނޑު ޖެހުމަށް ފަހު އުފާފާޅުކުރަނީ.

ޔުއެފާ ޗެމްޕިއަންސް ލީގުގައި ބަޔާންގެ އޮލީސޭ ލަނޑު ޖެހުމަށް ފަހު އުފާފާޅުކުރަނީ.

މެންޗެސްޓާ (ސެޕްޓެމްބަރު 11) - ޔުއެފާ ޗެމްޕިއަންސް ލީގުގައި ރޭ ކުޅުނު މެޗުތަކުން ބަޔާން މިއުނިކާއި މެންޗެސްޓާ ޔުނައިޓެޑް އަދި ކޯމޯ އިން މޮޅުވެއްޖެ އެވެ. 

ހަތަރު ކޮލިފައިން ބުރުގައި ކުޅެގެން، ޗެމްޕިއަންސް ލީގުގެ މައި މުބާރާތަށް އައި އަޒަރުބައިޖާންގެ ލީގު ޗެމްޕިއަން، ސަބާ އަތުން ޔުނައިޓެޑް ވަނީ 4-0 އިން މޮޅުވެފަ އެވެ. މިދިޔަ އަހަރުގެ ޗެމްޕިއަންސް ލީގުގައި ތަފާތު ނަތީޖާތަކެއް ނެރުނު ބޯޑޯ/ގިލްމް އަތުން ބަޔާން 5-0 އިން މޮޅުވިއިރު، މުޅިން އަލަށް ޗެމްޕިއަންސް ލީގުގައި ކުޅުނު އިޓަލީގެ ކޯމޯ އިން ވަނީ އާރްބީ ލައިޕްޒިގު އަތުން 4-1 އިން މޮޅުވެފަ އެވެ. 

މިދިޔަ ހަ އަހަރު ތެރޭ ޗެމްޕިއަންސް ލީގުގައި ޔުނައިޓެޑުން ހޯދި އެންމެ ބޮޑު މޮޅު ހާސިލްކުރި މެޗުގައި އެ ޓީމުން ފުރަތަމަ ހާފުގައި ތިން ގޯލުގެ ލީޑެއް ނެގި އެވެ. ފުރަތަމަ ލަނޑު ޖެހީ ޕެޓްރިކް ޑޯގޫ ނެގި ހުރަހަކަށް އަރައި މަޓެއުސް ކޫންޏާ އެވެ. އަދި، ޔޫރީ ޓީލަމަންސް ދިން ބޯޅައަކަުން ޔުނައިޓެޑްގެ ކެޕްޓަން، ބްރޫނޯ ފެނާންޑޭސް އެ ޓީމުގެ ލީޑުފުޅާކޮށްދިންއިރު، ބެންޖަމިން ސެސްކޯ ވަނީ ސަބާގެ ކީޕަރު، ސްޓަސް ޕޮލަޓިލޯވް ކައިރިން ނައްޓާފައި ގޯލު ޖަހައިފަ އެވެ. 

ޔުއެފާ ޗެމްޕިއަންސް ލީގުގައި މެންޗެެސްޓާ ޔުނައިޓެޑްގެ ސެސްކޯ (ކ) އާއި ފެނާންޑޭސް ލަނޑު ޖެހުމަށް ފަހު އުފާފާޅުކުރަނީ.
ޔުއެފާ ޗެމްޕިއަންސް ލީގުގައި މެންޗެެސްޓާ ޔުނައިޓެޑްގެ ސެސްކޯ (ކ) އާއި ފެނާންޑޭސް ލަނޑު ޖެހުމަށް ފަހު އުފާފާޅުކުރަނީ.

ދެ ވަނަ ހާފުގައި ޔުނައިޓެޑްގެ ލަނޑު ޖެހީ، ލިސަންދްރޯ މާޓިނޭޒް އެވެ. 

ބަޔާނުން ރޭގެ މެޗުގައި ފަސް ލަނޑު ޖެހީ ވެސް ދެ ވަނަ ހާފުގަ އެވެ. ފުރަތަަމަ ލަނޑު 47 ވަނަ މިނިޓްގައި ޖެހީ ޖަމާލް މުސިއާލާ އެވެ. ނާރުގެ ބައްޔަކަށް ފަރުވާ ހޯދުމަށް ފަހު، އެނބުރި ކުޅުމަށް އައިސް މުސިއާލާ އަންނަނީ ކުރީގެ ފޯމަށް އެޅުމަށްޓަކައި ރަނގަޅަށް މަސައްކަތްކުރަމުންނެވެ. 

ބަޔާނުން ލީޑުފުޅާކުރީ، 61 ވަނަ މިނިޓްގައި މައިކަލް އޮލީސޭ ދިން ބޯޅައަކުން ހެރީ ކޭން ޖެހި ގޯލުންނެވެ. އަލްފަންސޯ ޑޭވިސް، 77 ވަނަ މިނިޓްގައި ބަޔާންގެ ތިން ވަނަ ލަނޑު ޖެހިއިރު، އޭގެ ހަ މިނިޓް ފަހުން އޮލީސޭ ވަނީ ބަޔާންގެ ހަތަރު ވަނަ ލަނޑު ޖަހައިފަ އެވެ. 

މެޗުގެ 87 ވަނަ މިނިޓްގައި ބޯޑޯ/ގިލްމްގެ އޮޑިން ބިޔޯޓޯފަށް ވަނީ ރަތެއް ދައްކައިފަ އެވެ. އެއީ، އޮލީސޭ އަށް ކުރި ނުރައްކާތެރި ފައުލަކަށެެވެ. އޭގެ ފަހުން، ބަޔާންގެ ފަހު ލަނޑު ޖެހީ އޮލީސޭ އެވެ.

ސެސެކް ފަބްރިގާސްގެ ކޯޗުކަމުގައި ކުޅޭ ކޯމޯ އިން އެ ކްލަބްގެ 119 އަހަރުވީ ތާރީހުގައި ޗެމްޕިއަންސް ލީގުގައި ކުޅުނު ފުރަަތަަމަ މެޗުގައި ކާމިޔާބު ހޯދިއިރު، ކޮންމެ ހާފެއްގައި ދެ ގޯލު ޖެހި އެވެ. އެ ގޮތުން، އެ ޓީމުގެ ފުރަތަމަ ލަނޑު ކްރޮއޭޝިއާގެ މާޓިން ބަޓުރީނާ ޖެހިއިރު، ޓަސޯސް ޑޫވިކަސް ވަނީ ލީޑުފުޅާކޮށްދީފަ އެވެ. ދެ ވަނަ ހާފުގައި އަނެއް ދެ ލަނޑު ޖެހީ، އަސާނޭ ޑިއާއޯ އާއި މެކްސިމޯ މެރޯން އެވެ. 

މެޗުގައި ލައިޕްޒިގުގެ ހަމައެކަނި ލަނޑު ޖެހީ، އަންޑްރިޖާ މެކްސިމޯވިޗް އެވެ. 

ކޮމެންޓް

ފަހުގެ ޚަބަރު

މާޒިޔާ އާއި ނިއު ރޭޑިއަންޓް ވަރުގަދަ ފެށުމާ އެކު ކުރިއަށް

އެފްއޭއެމް ވިމެންސް ލީގުގައި ކުޅުނު ފުރަތަމަ ދެ މެޗުން މޮޅުވެ، މާޒިޔާ އާއި ނިއު ރޭޑިއަންޓުން މުބާރާތުގެ ވަރުގަދަ ފެށުމެއް ދަމަހައްޓައިފިއެވެ. މިހާތަނަށް ކުޅުނު މެޗުތަކުން ދެ ޓީމަށްވެސް ހަ ޕޮއިންޓް ލިބިފައިވާއިރު، ލަނޑުގެ ތަފާތުން ތާވަލުގެ އެއްވަނައިގައި އޮތީ ނިއު ރޭޑިއަންޓެވެ. މި މުބާރާތުގެ ފޯރިގަދަ މެޗެއްގައި އަންނަ އާދިއްތަ ދުވަހު ނިއު އާއި މާޒިޔާ ބައްދަލުކުރާނެއެވެ.

ސިޓީއާ ޔުނައިޓެޑުން އަރާހަމަކުރާނެ ކަމަށް ޕޮޗެޓީނޯ ބުނެފި

މެންޗެސްޓާ ޔުނައިޓެޑްގެ ކޯޗުކަމާ ހަވާލުވެ، މައުރީސިއޯ ޕޮޗެޓީނޯ ބުނީ އެ ސަރަހައްދުގެ އެންމެ ކާމިޔާބު ޓީމަކަށް އަލުން ޔުނައިޓެޑް ހަދައި، ސިޓީގެ ކުރި ހޯދާނެ ކަމަށް. ލީގުގެ 18 ވަނައިގައި އޮތް ޔުނައިޓެޑްގެ ހާލަތު ބަދަލުކުރަން ވަގުތު ބޭނުންވާނެ ކަމަށާއި، ނަމަވެސް ފުރަތަމަ ދުވަހުން ފެށިގެން އެ މަސައްކަތް ކުރާނެ ކަމަށް އޭނާ ވަނީ ބުނެފައި.

އެމްއައިބީން ގައުމީ ބިލިއާޑު ޗެމްޕިއަންކަން ހޯދައިފި

ޤައުމީ ބިލިއާޑް މުބާރާތުގެ ފައިނަލުގައި ދިވެހި ސިފައިންގެ ކްލަބް 3-2 އިން ބަލިކޮށް، މޯލްޑިވްސް އިސްލާމިކް ބޭންކް (މިބްސާ) އިން މުބާރާތުގެ ޗެމްޕިއަންކަން ހޯދައިފި. ޖުމްލަ 10 ޓީމު ވާދަކުރި މި މުބާރާތުގެ ޗެމްޕިއަން ޓީމަށް 30,000 ރުފިޔާގެ ފައިސާގެ އިނާމެއް ވަނީ ދީފައި.

ލުކާކޫ، 16 އަހަރަށް ފަހު ބެލްޖިއަމް ޓީމުން ރިޓަޔާކޮށްފި

ބެލްޖިއަމްގެ ގައުމީ ޓީމަށް 16 އަހަރު ކުޅެދިނުމަށްފަހު، އެ ގައުމަށް އެންމެ ގިނަ ލަނޑު ޖަހައިދިން ރޮމެލޫ ލުކާކޫ ބައިނަލްއަގުވާމީ ފުޓްބޯޅައިން ރިޓަޔާކޮށްފި. ޖުމްލަ 135 މެޗުން 94 ލަނޑު ކާމިޔާބުކޮށްފައިވާ ލުކާކޫ އަކީ ބައިނަލްއަގުވާމީ ފުޓްބޯޅައިގައި ފަސްވަނައަށް އެންމެ ގިނަ ލަނޑު ޖެހި ކުޅުންތެރިޔާގެ އިތުރުން ޔޫރޯ ކޮލިފައިންގެ ރެކޯޑް އޮތް ކުޅުންތެރިޔާ

ލިބުނީ މަދު ވަގުތުކޮޅެއް، ޝަކުވާނުކޮށް ހޯދައިދިނީ ސާފްގެ ތަށި!

މި އަހަރުގެ ސާފް ޗެމްޕިއަންޝިޕް ކާމިޔާބުކުރި އިންޑިއާ ޓީމަށް ތައްޔާރުވާން މަދު ވަގުތުކޮޅެއް ލިބުނުއިރު، މުބާރާތުގެ ތެރެއިން މުހިންމު ކުޅުންތެރިންތަކެއް ޓީމުން ވަކިވުމުން ގިނަ ގޮންޖެހުންތަކަކާ ކުރިމަތިލާން ޖެހުނު. ނަމަވެސް ކޯޗު ނައުޝާދުގެ އިރުޝާދުގެ ދަށުން، ޒުވާން ކުޅުންތެރިންނަށް އިތުބާރުކޮށްގެން އިންޑިއާ އިން ވަނީ ޝަކުވާއެއް ނެތި ތަށި ހޯދާފައި

ސާފް ޗެމްޕިއަންޝިޕްގެ ފެއާ ޕްލޭ އެވޯޑް ރާއްޖެ އަށް

ބަންގްލަދޭޝްގައި ނިމުނު ސާފް ޗެމްޕިއަންޝިޕްގައި ރާއްޖެ ކުޅުނު ދެ މެޗުން ބަލިވެ، މުބާރާތުން ކެޓި ނަމަވެސް، މުޅި މުބާރާތުގެ ފެއާޕްލޭ އެވޯޑް ރާއްޖެއަށް ވަނީ ލިބިފައި. މިއީ ލަނޑެއް އަދި ޕޮއިންޓެއް ނުލިބި ރާއްޖެ މި މުބާރާތުން ކެޓި ފުރަތަމަ ފަހަރު ކަމަށްވާއިރު، މިއީ ސާފް ޗެމްޕިއަންޝިޕްގެ ތާރީޚުގައި ރާއްޖެއަށް ލިބުނު އެންމެ ދަށް ނަތީޖާއ

ރިވައިވަލް ބެޑްމިންޓަން ޗެލެންޖް ތަށި ހައިޝަމް އާއި ނަބާ އަށް

އެމްއައިބީ ރިވައިވަލް ބެޑްމިންޓަން ޗެލެންޖުގެ ފިރިހެން ސިންގަލްސް ތަށި ހައިޝަމް އިބްރާހިމް އަލީ ހޯދިއިރު، އަންހެން ސިންގަލްސް ތަށި ކާމިޔާބުކުރީ ފާތިމަތު ނަބާހާ އެވެ. މި މުބާރާތުގެ ފިރިހެން ޑަބަލްސް ޒަޔާން އާއި ނިބާލް ކާމިޔާބުކުރިއިރު، އަންހެން ޑަބަލްސް ތަށި ހޯދީ ނަބާ އާއި ނަބީހާގެ ޕެއާ އިންނެވެ.

Newsletter

Get the latest news delivered straight to your inbox