ހައިޝަމް ތަފާތު ދައްކައި ގައުމީ ބެޑްމިންޓަން ޗެމްޕިއަންކަން ހޯދައިފި

Sep 16, 2026, 7:12 PM
50 ވަނަ ގައުމީ މުބާރާތުގެ މެޗެއްގެ ތެެރެއިން ރިވައިވަލްގެ ހައިޝަމް.---- ފޮޓޯ: ރިވައިވަލް ސްޕޯޓްސް / އަދަދު ސްޕޯޓްސް

50 ވަނަ ގައުމީ މުބާރާތުގެ މެޗެއްގެ ތެެރެއިން ރިވައިވަލްގެ ހައިޝަމް.---- ފޮޓޯ: ރިވައިވަލް ސްޕޯޓްސް / އަދަދު ސްޕޯޓްސް

މިހާރު ކުރިއަށްދާ 50 ވަނަ ގައުމީ ބެޑްމިންޓަން މުބާރާތުގެ ފިރިހެން ސިންގަލްސް ޗެމްޕިއަންކަން މި ފަހަރުގެ މުބާރާތުގައި ތަފާތު ފޯމެއްގައި ކުޅުނު ހައިޝަމް އިބްރާހިމް އަލީ ހޯދައިފި އެވެ. 

ގައުމީ މުބާރާތުގެ އެންމެ ފަަހުގެ ޗެމްޕިއަން، ޒަޔާން ޒަކީ އަށް ސެމީ ފައިނަލުގައި ނާކާމިޔާބުވީ ހައިޝަމް އަތުންނެވެ. ކުރިން އަތޮޅު ލީގުގެ ފިރިހެން ސިންގަލްސް ޗެމްޕިއަންކަން ހޯދާފައިވާ، ވ. ކެޔޮދޫ އަށް ނިސްބަތްވާ ހައިޝަމް ބްރޭކަކަށް ފަހު އަލުން ކުޅުމުގެ ތެރެއަށް އައިސް މި ވަނީ ދޮޅު އަހަރެއްހާ ދުވަސް ތެރޭ ގައުމީ ޗެމްޕިއަންކަން ހޯދައިފަ އެވެ. ހައިޝަމް، އަތޮޅު ލީގުގެ ޗެމްޕިއަންކަން ހޯދީ 2022 ވަނަ އަހަރު އެވެ. 

ބެޑްމިންޓަން އަތޮޅު ލީގުގެ ތަށި ހޯދައި ކެޔޮދޫ ހައިޝަމްގެ ހުވަފެން ހަގީގަތަކަށް

އައްޑޫގައި ކުރިއަށްދިޔަ ލިޓަސް 13 ވަނަ އަތޮޅު ލީގު ބެޑްމިންޓަން މުބާރާތުގެ ފިރިހެން ސިންގަލްސް ޗެމްޕިއަންކަން ހޯދައި، ވ. ކެޔޮދޫ އަށް އުފަން އުމުރުން 19 އަހަރުގެ ހައިޝަމް އިބްރާހިމް އަލީ ވަނީ އޭނާގެ ހުވަފެނެއް ހަގީގަތަކަށް ހަދާފައި.

ރިވައިވަލްގެ ސްކޮލަޝިޕެއް ލިބި ރަނގަޅު ކެރިއަރެއް ބިނާކުރަން، ފެށި ދަތުރުގައި، ހައިޝަމް ރަނގަޅު ފޯމެއްގައި ހުއްޓައި ކުޅުން ހުއްޓާލަން ޖެހުނީ، 2023 ވަނަ އަހަރުގެ އައިއޯއައިޖީ އަށް ނެގި ގައުމީ ސްކޮޑަށް ނޭރުމުންނެވެ. ވ. ކެޔޮދޫ އަށް އުފަން، ހައިޝަމް ވަނީ މިދިޔަ އަހަރުގެ ޖުލައި މަހު އަލުން ބެޑްމިންޓަން ކެރިއަރު ފަށަން ނިންމައި، އެނބުރި އައިސް ގައުމީ ސިލެކްޝަނުގައި ބައިވެރިވެ، ގައުމީ ސްކޮޑަށް ވެސް އަރައިފަ އެވެ. 

Advertisement

މި ފަަހަރުގެ ގައުމީ މުބާރާތުގެ ފިިރިހެން ސިންގަލްސްގެ ސެމީ ފައިނަލުގައި، އެންމެ ފަހުން ގައުމި މުބާރާތް ބޭއްވި ފަހަރު، 2023 ވަނަ އަހަރު ޗެމްޕިއަންކަން ހޯދި ޒަޔާން ޒަކީ އަތަުން ހައިޝަމް މޮޅުވި އެވެ. ދެ ފަހަރު ގައުމީ ޗެމްޕިއަންކަން ހޯދި ޒަޔާން ޒަކީ އަތުން ހައިޝަމް މޮޅުވިއިރު މެޗުގެ ސެޓުތައް ދިޔައީ، 15-6، 11-15، 15-4 އިންނެވެ. 

މިއަދު މެންދުރު ފަހު ކުޅުނު ފައިނަލް މެޗުގައި، ކުރިން ގައުމީ ފައިނަލުގައި ހަތަރު ފަހަރު ކުޅެ، ތަށި ވެސް ހޯދާފައިވާ ނިބާލް އަހުމަދާ ކުޅެގެން ހައިޝަމް އަށް މޮޅުވެވުނީ ތިން ސެޓު ކުޅެގެންނެވެ. ފުރަތަމަ ސެޓުން ފެށިގެން ވެސް ހިތްވަރު ގަދަ ކުޅުމެއް ހައިޝަމްގެ ފަރާތުން ފެނިގެންދިޔައިރު، ތަޖުރިބާގެ ބޭނުންހިފައި، ނިބާލް ދިޔައީ ހައިޝަމް އަށް ޕްރެޝަރު ދެމުންނެވެ. އެކަމަކު، ހަމަޖެހިގެން ކުޅެވޭތޯ ބަލަމުންދިޔަ ހައިޝަމް ޗެލެންޖުތަކާ ކުރިމަތިލައި، ފުރަތަމަ ސެޓުގެ މުހިންމު ހިސާބުގައި ދެއްކި ހިތްވަރާ އެކު، 17-15 އިން ފުރަތަމަ ސެޓު ގެންދިޔަ އެވެ. 

އެކަމަކު، ދެ ވަނަ ސެޓުގައި ނިބާލްގެ އެނބުރި އައުން ފެނިގެންދިޔައީ ވަރުގަދަ ކޮށެވެ. ނިބާލް ވަނީ މި ސެޓުގައި ހައިޝަމް އަށް މާ ބޮޑު ފުރުސަތެއް ވެސް ނުދީ 8-15 އިން މޮޅުވެ، ނަތީޖާ ނެރެން ޖެހޭ ސެޓަކަށް މެޗު ގެންގޮސްފަ އެވެ. ނަތީޖާ ނެރެން ކުޅުނު ސެޓުގައި، ނިބާލް އާއި ހައިޝަމް ވެސް ވަނީ ރެލީތައް ނިންމާ ޕޮއިންޓް ހޯދައި، ސެޓުގެ ކޮންޓްރޯލެއް ލިބޭތޯ މަސައްކަތްކޮށްފަ އެވެ. 11-9 އިން ހައިޝަމް ކުރީގައި އޮއްވައި، ނިބާލް މެޑިކަލް އެހީ ހޯދަން ޖެހުނެވެ. އަދި، ފަރުވާ އަށް ފަހު، ނިބާލް އެނބުރި ކުޅުމަށް އައިއިރު ވެސް، ފޯކަސް ރަނގަޅަށް ބަހައްޓައިގެން ކުޅުނު ހައިޝަމް ފެނުނީ ސެޓުގެ މި ހިސާބުގައި ރަނގަޅަށެވެ. އަދި، 15-12 އިން ސެޓު ނިންމައި، ފުރަަތަމަ ފަހަރަށް ގައުމި ޗެމްޕިއަންގެ ޝަރަފް ހޯދީ އެވެ. 

ގައުމީ މުބާރާތުގެ އެއް ވަނަ އާއި ދެ ވަނަ ޑިވިޝަނުގެ ފައިނަލް މެޗުތައް ކުޅުނުއިރު، އެއް ވަނަ ޑިވިޝަނުގެ ފަސް ފައިނަލުގަައި މުޅިން ވެސް ކުޅުނީ ރިވައިވަލް ސްޕޯޓްސްގެ ކުޅުންތެރިންނެވެ. އެހެން ކަމުން، ހުރިހާ އިވެންޓެއްގެ ރަން މެޑަލާއި ރިހި މެޑަލް ލިބުނީ ރިވައިވަލް ކުޅުންތެރިންނަށެވެ. 

ހައިޝަމް ވަނީ ފިރިހެން ޑަބަލްސް ފައިނަލުގައި ވެސް ކުޅެފަ އެވެ. ހައިޝަމް އާއި ހަލަފް އިމްރާންގެ ޕެއާ އިން ފައިނަލުގައި ކުޅުނީ ނިބާލް އާއި ޒަޔާން ޒަކީގެ ޕެއާއާ އެެވެ. ނިބާލް އާއި ޒަޔާންގެ ޕެއާ ވަނީ އެ މެޗުން، 15-7، 15-7 އިން މޮޅުވެފަ އެވެ. 

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox