50 ވަނަަ ގައުމީ ބެޑްމިންޓަން މުބާރާތް އަންނަ މަހު ބާއްވަނީ

Aug 23, 2026, 11:25 AM
މިދިޔަ މެއި މަހު ބޭއްވި ބެޑްމިންޓަން އެސޯސިއޭޝަން ޗެމްޕިއަންޝިޕްގެ މެޗެއްގެ ތެރެއިން ޒަޔާން: ޒަޔާން ވަނީ 2023 ވަނަ އަހަރު ބޭއްވި ގައުމީ މުބާރާތުގެ ފިރިހެން ސިންގަލްސް، ފިރިހެން ޑަބަލްސް އަދި މިކްސް ޑަބަލްސް ޗެމްޕިއަންކަން ހޯދައިފައި.--- ފޮޓޯ: އިސްމާއިލް ތޯރިގު (އިއްސެ)

މިދިޔަ މެއި މަހު ބޭއްވި ބެޑްމިންޓަން އެސޯސިއޭޝަން ޗެމްޕިއަންޝިޕްގެ މެޗެއްގެ ތެރެއިން ޒަޔާން: ޒަޔާން ވަނީ 2023 ވަނަ އަހަރު ބޭއްވި ގައުމީ މުބާރާތުގެ ފިރިހެން ސިންގަލްސް، ފިރިހެން ޑަބަލްސް އަދި މިކްސް ޑަބަލްސް ޗެމްޕިއަންކަން ހޯދައިފައި.--- ފޮޓޯ: އިސްމާއިލް ތޯރިގު (އިއްސެ)

ބެޑްމިންޓަން އެސޯސިއޭޝަން އޮފް މޯލްޑިވްސް (ބީއޭއެމް) އިން ބާއްވާ، ގައުމީ ބެޑްމިންޓަން މުބާރާތުގެ 50 ވަނަ މުބާރާތް އަންނަ މަހު ބާއްވަން ނިންމާފައިވާކަން އެ އެސޯސިއޭޝަނުން އިއުލާނުކޮށްފި އެވެ. 

ބެޑްމިންޓަން އެސޯސިއޭޝަނުން އެންމެ ފަހުން ގައުމީ ބެޑްމިންޓަން މުބާރާތް ބާއްވާފައިވަނީ، 2023 ވަނަ އަހަރުގެ ޖުލައި މަހު އެވެ. އެއީ، 49 ވަނަ އެޑިޝަން އެވެ. އޭގެ ތިން އަހަރު ފަހުން، ގައުމީ ބެޑްމިންޓަން މުބާރާތެއް ބާއްވަން ތާވަލުކޮށްފައި މި ވަނީ، އަންނަ މަހުގެ 11-20 އަށް މާލެ، ކުޅިވަރު އެކުވެނި ބެޑްމިންޓަން ކޯޓުގަ އެވެ. 

ބީއޭއެމް އިން ވަނީ މި މުބާރާތުގައި ބައިވެރިވުމަށް އެދޭ ފޯމު ފުރިހަމަަ ކުރުމަށް ފަހު، އަންނަ މަހުގެ އެއް ވަނަ ދުވަހު 16:00 ކުރިން ބެޑްމިންޓަން އެސޯސިއޭޝަނަށް ހުށަހެޅުމަށް އެދިފަ އެވެ. ބައިވެރިވުމުގެ އިވެންޓް ފީ އަކީ، ސިންގަލްސް އިވެންޓަކަށް 200 ރުފިޔާ އާއި ޑަބަލްސް އާއި މިކްސް ޑަބަލްސް އިވެންޓަށް 300 ރުފިޔާ އަދި ޓީމު އިވެންޓަށް 3500 ރުފިޔާ އެވެ. މުބާރާތުގެ އުމުރު ކަނޑައަޅަން ނިންމާފައިވަނީ، ބެޑްމިންޓަން ދުނިޔޭގެ ޖަމިއްޔާ، ބެޑްމިންޓަން ވޯލްޑް ފެޑެރޭޝަން (ބީޑަބްލިއުއެފް)ގެ އުސޫލާ އެއްގޮތަށެވެ. 

Advertisement

މުބާރާތުގެ ކެޓަގަރީތައް، ޑިވިޝަން 1، (ސިންގަލްސް/ ޑަބަލްސް / މިކްސް ޑަބަލްސް (އަންހެން / ފިރިހެން)، ޑިވިޝަން 2، ސިންގަލްސް/ ޑަބަލްސް / މިކްސް ޑަބަލްސް (އަންހެން / ފިރިހެން)، 9  އަހަރުންދަށް، ސިންގަލްސް (އަންހެން / ފިރިހެން )، 11 އަހަރުންދަށް، ސިންގަލްސް/ ޑަބަލްސް (އަންހެން / ފިރިހެން)، 13 އަހަރުންދަށް، ސިންގަލްސް/ ޑަބަލްސް (އަންހެން / ފިރިހެން)، 15 އަހަރުންދަށް، ސިންގަލްސް/ ޑަބަލްސް / މިކްސްޑް ޑަބަލްސް (އަންހެން / ފިރިހެން)، 17 އަހަރުންދަށް، ސިންގަލްސް/ ޑަބަލްސް / މިކްސްޑް ޑަބަލްސް (އަންހެން / ފިރިހެން)، 19 އަހަރުންދަށް، ސިންގަލްސް/ ޑަބަލްސް / މިކްސްޑް ޑަބަލްސް (އަންހެން / ފިރިހެން) އަދި ސްޕެޝަލް އޮލިމްޕިކްސް އާއި ޕެރަ ބެޑްމިންޓަން އެވެ. 

ގައުމީ މުބާރާތުގެ ގަވާއިދުގައިވާ ގޮތުން، 9 އަހަރާއި 19 އަހަރާ ދެމެދުގެ ކޮންމެ ކުޅުންތެރިއަކަށް ވެސް ވާދަކުރެވޭނީ  އިހުތިޔާރު ކުރާ ކޮންމެ ވެސް އެއް އުމުރުފުރާއެއްގަ އެވެ. އެކަމަކު، އެ ކުޅުންތެރިއެއްގެ އުމުރުފުރާ އަށް  ސިންގަލްސް ކުޅެމުން އެ އަށް ވުރެން  މަތީގެ އުމުރުފުރާ އަށް ޑަބަލްސް އާއި މިކްސް ޑަބަަލްސް ކުޅެވިދާނެ އެވެ. އޯޕަންސް އިވެންޓުގެ އެއް ވަނަ ޑިވިޝަނުގައި ކުޅެވޭނީ 13 އަހަރުން މަތީގެ ކުޅުންތެރިންނަށެވެ. ސްކޫލް ދަރިވަރަކު ކުޅޭނަމަ އެސޯސިއޭޝަނަށް ބެލެނިވެރި ފަރާތުގެ އިޢުތިރާޒެއް ނެތްކަމުގެ ލިޔުން ހުށަހަޅަންވާނެ އެވެ. 

ދެ ވަނަ ޑިވިޝަންގައި ވޭތިވެ ދިޔަ ފަސް އަހަރު ތެރޭގައި ބެޑްމިންޓަން އެސޯސިއޭޝަނުން އެކުލަވާލި ގައުމީ ޓީމެއްގައި ހިމެނިފައިވާ ކުޅުންތެރިއަކަށް މި ޑިވިޝަން ގައި ނުކުޅެވޭނެ އެވެ. އަދި، ވޭތު ވެ ފަސް އަހަރު ތެރޭގައި ބެޑްމިންޓަން އެސޯސިއޭޝަނުން އެކުލަވާލި ގައުމީ ޓީމެއްގައި ހިމެނިފައިވާ ކުޅުންތެރިޔާ އަކީ އުމުރުން 40 އަހަރު ވެފައިވާނަމަ، ކުޅެވިދާނެ އެވެ. އެހެން ނަމަވެސް މި ކެޓަގަރީގެ 2 ކުޅުންތެރިން އެކުގައި ޕެއާ ނުކުރެވޭނެ އެވެ، ގަވާއިދުގެ މި ބައިގަައި، އުމުރުން 45 ވެފައިވާ ކުޅުންތެރިން މި އުސޫލުން އިސްތިސްނާވާނެ އެވެ. 

ގައުމީ މުބާރާތުގައި، ރާއްޖޭން ބޭރުގެ ކުޅުންތެރިން / ކުޅުންތެރިއެއް ހިމަނާނަމަ މި ކުޅުންތެރިންނަށް ޤައުމީ ރޭންކިންގް ގެ ސިންގަލްސް ފުރަތަމަ 15 ގައި ރޭންކް ކުރެވިފައިވާ ކުޅުންތެރިއަކާއި / ގައުމީ ޑަބަލްސް ރޭންކިންގް ގެ ފުރަތަމަ ފަހެއްގައި ރޭންކް ކުރެވިފައިވާ ކުޅުންތެރިން ތެރިންނާއި އެކުގައި ޕެއާ ނުކުރެވޭނެ އެވެ. 

އެންމެ ފަހުން ބޭއްވި ގައުމީ ބެޑްމިންޓަން މުބާރާތުގެ ސިންގަލްސް ބައިގެ ޗެމްޕިއަންކަން ހޯދ ހުސައިން ޒަޔާން ޝަހީދު ޒަކީ އާއި އާމިނަތު ނަބީހާ އަބްދުރައްޒާގު (ނަބީ) އެެވެ. 

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox