ނިބާލް، ޒަޔާން ޒަކީ، ހަސަން ޒަޔާން އަދި ހައިޝަމް ގައުމީ މުބާރާތުގެ ސެމީ އަށް

Sep 15, 2026, 7:52 AM
ގައުމީ ބެޑްމިންޓަން މުބާރާތުގެ އެންމެ ފަހުގެ ފިރިހެން ސިންގަލްސް ޗެމްޕިއަން، ޒަޔާން ޒަކީ މި ފަހަރުގެ މުބާރާތުގެ މެޗެއްގެ ތެރެއިން.---- ފޮޓޯ: ރިވައިވަލް ސްޕޯޓްސް / އަދަދު ސްޕޯޓްސް

ގައުމީ ބެޑްމިންޓަން މުބާރާތުގެ އެންމެ ފަހުގެ ފިރިހެން ސިންގަލްސް ޗެމްޕިއަން، ޒަޔާން ޒަކީ މި ފަހަރުގެ މުބާރާތުގެ މެޗެއްގެ ތެރެއިން.---- ފޮޓޯ: ރިވައިވަލް ސްޕޯޓްސް / އަދަދު ސްޕޯޓްސް

މިހާރު ކުރިއަށްދާ 50 ވަނަ ގައުމީ ބެޑްމިންޓަން މުބާރާތުގެ ފިރިހެން ސިންގަލްސް ބައިގެ ސެމީ ފައިނަލުން ރިވައިވަލް ސްޕޯޓްސްގެ ހަތަރު ކުޅުންތެރިން ކަމަށްވާ ޒަޔާން ޒަކީ، ހަސަން ޒަޔާން، ނިބާލް އަހުމަދު އަދި ހައިޝަމް އިބްރާހިމް އަލީ ޖާގަ ހޯދައިފި އެވެ. 

މި ހަަތަރު ކުޅުންތެރިންނަކީ، މި އަހަރު ކުރިއަށްދިޔަ ބެޑްމިންޓަން އެސޯސިއޭޝަން ޗެމްޕިއަންޝިޕްގެ ވެސް ސެމީ ފައިނަލުގައި ވާދަކުރި ހަތަރު ކުޅުންތެރިންނެވެ. 

މި މަހުގެ 11 ވަނަ ދުވަހުން ފެށިގެން ކުޅިވަރު އެކުވެނި ބެޑްމިންޓަން ކޯޓުގައި ކުރިއަށްދާ ގައުމީ މުބާރާތުގައި އިއްޔެ ފިރިހެން ސިންގަލްސްގެ ގަދަ 16 ކުޅުންތެރިންގެ ބުރާއި ކުއާޓާ ފައިނަލް މެޗުތައް ވަނީ ކުޅެފަ އެވެ. އެ ގޮތުން، ގަދަ 16 ބުރުގައި އެންމެ ފަހުގެ ޗެމްޕިއަން، ޒަޔާން ޒަކީ ވަނީ އަހުމަދު އާކިލް މައްސޫދު އަތުން 15-7، 15-10 އިން މޮޅުވެފަ އެވެ. އަދި، ކުއާޓާ ފައިނަލުގައި ޒަޔާން ޒަކީ ވަނީ އައްޔޫބު އަޒްހަރު މުހައްމަދު އަތުން 15-4، 15-9 އިން މޮޅުވެފަ އެވެ. 

Advertisement

ޒަޔާންއާ ދެކޮޅަށް ކުއާޓާ ފައިނަލުގައި ކުޅޭ ހައިޝަމް ވަނީ ގަދަ 16 ބުރުގައި އައުފް ބިން ފަޒްލޫން އަތުން 15-4، 15-13 އިން މޮޅުވެފަ އެވެ. އަދި، ކުއާޓާ ފައިނަލުގައި އަހުމަދު އަޒާން އާދަމް ފައިސަލް އަތުން 15-8، 15-7 އިން މޮޅުވި އެވެ. 

ނިބާލް ވަނީ ގަދަ 16 ބުރުގައި ރިޝާމް އަބްދުލް ފައްތާހު އަތުން 15-6، 15-6 އިން މޮޅުވެފަ އެވެ. ކުއާޓާ ފައިނަލުގައި ނިބާލް ވަނީ މީގެ ކުރިން އޭނާ އަތުން ގައުމީ ފައިނަލުގައި މޮޅުވެފައިވާ ކުރީގެ ގައުމީ ޗެމްޕިއަން، މުހައްމަދު އަޖުފާން ރަޝީދު ބަލިކޮށްފަ އެވެ. އަޖުފާން އަތުން ނިބާލް މޮޅުވިއިރު، ސެޓުތައް ގެންދިޔައީ، 15-11، 15-7 އިންނެވެ. 

ހަސަން ޒަޔާން ވަނީ ގަދަ 16 ބުރުގައި، މުހައްމަދު އައިދިން އަންވަރު އަތުން 15-8، 15-3 އިން މޮޅުވެފަ އެވެ. އަދި، ކުއާޓާ ފައިނަލުގައި ރިވައިވަލްގެ އާދަމް މަހީން މުހައްމަދު އަތުން ހަސަން ޒަޔާން މޮޅުވީ 15-6، 15-6 އިންނެވެ. 

އަންހެން ސިންގަލްސް ކުއާޓާ ފައިނަލުގައި، ރިވައިވަލްގެ އައިމިނަތު ނަބީހާ (ނަބީ) ވަނީ ޔަލްވީ ހުސެއިން ޒުހުރީ އަތުން 15-9، 15-8 އިން މޮޅުވެފަ އެވެ. ނަބާ ވަނީ ކުއާޓާ ފައިނަލުގައި އައިމިނަތު އަމްރާ އަލީ އާމިރު އަތުން 15-10، 15-3 އިން މޮޅުވެފަ އެވެ. ސެމީ ފައިނަލުގައި ނަބާ ކުޅެނީ ކިޔާން އާދިލް މުހައްމަދުއާ ދެކޮޅަށެެވެ. އަދި، ނަބީ ބައްދަލުކުރާނީ ލައިބާ އަހުމަދު މަހުލޫފްއާ އެވެ. 

ސިންގަލްސް ކެޓަގަރީގެ ސެމީ ފައިނަލް މެޗުތަކުގެ އިތުރުން، ޑަބަލްސް ކެޓަގަރީތަކުގެ ކުއާޓާ ފައިނަލާއި ސެމީ ފަައިނަލް މެޗުތައް މިއަދު ކުޅިވަރު އެކުވެނި ބެޑްމިންޓަން ކޯޓުގައި އޮންނާނެ އެވެ. 

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox