ދިއްދޫން ދިވެހި ފުޓްބޯޅައިގެ ބޮޑު ކްލަބްތަކާ ދެކޮޅަށް ވެސް ހިތްވަރު ދައްކާނެ: މުސްތަޓޭ

Sep 15, 2026, 8:31 PM
ނޫސްވެރިންގެ ބައްދަލުވުމުގެ ތެރެއިން ދިއްދޫގެ ކޯޗު މުސްތަޓޭ.--- ފޮޓޯ: ޕީއެސްއެމް ނިއުސް

ނޫސްވެރިންގެ ބައްދަލުވުމުގެ ތެރެއިން ދިއްދޫގެ ކޯޗު މުސްތަޓޭ.--- ފޮޓޯ: ޕީއެސްއެމް ނިއުސް

ދިރާގު ދިވެހި ޕްރިމިއާ ލީގުގައި މި ފަހަރު ވާދަކުރާ ހއ. ދިއްދޫ ފުޓްބޯޅަ ޓީމުން ރާއްޖޭގެ ބޮޑު ކްލަބްތަކާ ދެކޮޅަށް ވެސް ހިތްވަރު ދައްކައި، ތަފާތު ފުޓްބޯޅައެއް ކުޅެން މަސައްކަތްކުރާނެ ކަމަށް އެ ޓީމުގެ ކޯޗު، މޫސާ އިބްރާހިމް (މުސްތަޓޭ) ބުނެފި އެވެ.

ހއ. އަތޮޅުގެ ޗެމްޕިއަންކަމާއި ސައުތު ރީޖަން ލީގުގެ ޗެމްޕިއަންކަން ހޯދައި، ދިވެހި ޕްރިމިއާ ލީގުގެ ކޮލިފިކޭޝަންގެ ގަދަ ހަތަރެއްގައި ހިމެނިގެން، ދިވެހި ޕްރިމިއާ ލީގަށް އައި ދިއްދޫން ލީގުގައި ކުޅުނު ފުރަތަމަ މެޗުން، މިދިޔަ އަހަރުގެ ލީގުގެ ހަތަރެއްގައި ނިންމި ބުރު ސްޕޯޓްސް ކްލަބް އަތުން ވަނީ 1-0 އިން މޮޅުވެފަ އެވެ. 

ދިއްދޫން ލީގުގައި ކުޅޭ ދެ ވަނަ މެޗުގައި މާދަމާ ހަވީރު ބައްދަލުކުރާނީ، ލީގުގެ ފުރަތަމަ ހަފްތާގައި އެންމެ ބޮޑު މޮޅު ހޯދި ވިކްޓަރީ ސްޕޯޓްސް ކްލަބާ ދެކޮޅަށެވެ. ވިކްޓަރީން ވަނީ ފުރަތަމަ މެޗުގައި 5-1 އިން ޓީސީ ސްޕޯޓްސް ކްލަބް ބަލިކޮށްފަ އެވެ. 

ވިކްޓަރީއާ ދެކޮޅަށް ކުޅޭ މެޗުގެ ކުރިން މިއަދު ބޭއްވި ނޫސްވެރިންގެ ބައްދަލުވުމުގައި މުސްތަޓޭ ބުނެފައިވަނީ، ދިއްދޫގެ ކުޅުންތެރިންނާއި މެނޭޖްމަންޓުން ގުޅިގެން ފުރަތަމަ މެޗުގައި ހޯދި ނަތީޖާ އަކީ ޔަގީނުން ވެސް ވިކްޓަރީ ފަދަ ތާރީހީ ކްލަބަކާ ދެކޮޅަށް ނުކުންނައިރު ވަރަށް މުހިންމު ކަމެއް ކަމަށެވެ. އަދި، ހާއްސަކޮށް ރަށުންބޭރުގައި ކުޅެގެން ބުރު އަތުން ތިން ޕޮއިންޓް ހޯދުން އެއީ ވަރަށް މުހިންމު ކަމަކަށްވާ ސަބަބަކީ، ލީގުގައި ކުރިއަށްދާން ލިބޭ ފުރުސަތު ބޮޑުވާތީކަން މުސްތަޓޭ ފާހަގަކުރި އެވެ. 

މުސްތަޓޭ ބުނީ، ވިކްޓަރީ  އަކީ އެންމެ ކުޑަ އިރުއްސުރެން އަޑުއަހާ، ދިވެހި ރާއްޖޭގެ އެތަކެއް ފުޓްބޯޅަ ކުޅުންތެރިންނެއް އުފައްދާފައި ތާރީހީ އެތަކެއް ކާމިޔާބީތަކެއް ހޯދާފައިވާ ކްލަބެއް ކަމަށެވެ. އަދި، އެ ފަދަ ތާރީހީ ކްލަބަކާ ދެކޮޅަށް ދިއްދޫ ފަދަ ރަށެއް ނުކުންނައިރު ޔަގީނުން ވެސް ޕްރެޝަރުތަކެއް ހުންނާނެ ކަމަށް އޭނާ ވަނީ ބުނެފަ އެވެ..

"މިހާރު (ވިކްޓަރީގެ) ސްކޮޑު އެކުލަވާލައިފައި އޮތްގޮތުން، ރާއްޖޭގެ ހުނަރުވެރި އެތަކެއް ކުޅުންތެރިންނެއް އެބަ ފެނޭ ސްކޮޑުގައި ދެން ހަަމަ މި ދާއިރާ އަށް މިހާ ހިސާބަށް އައުމުގައި ވަރަށް ބޮޑު އެހީތެރިކަމެއް އެކި ގޮތްގޮތުން ވެދެއްވި ކޯޗެއް އެ ހުރީ ވިކްޓަރީގައި އެހެންވީމަ އަޅުގަނޑަށް ވެސް އެހާ ފަސޭހަ މެޗަކަށް ނޫން މި ނުކުންނަނީ، އެހެންވީމަ، އަޅުގަނޑުގެ ކޯޗިންގެ މިހާ ޅަފަތުގައި ހުންނާނެ ދޯ ޕްރެޝަރެއް،" މުސްތަޓޭ ބުންޏެވެ. 

"އެކަމަކު، ދޭން އޮތް ޔަގީންކަމަކީ ތަފާތު ފުޓްބޯޅައެއް މި މެޗުގައި ދައްކާނެއޭ، އަތޮޅުތެރޭގެ ކްލަބަކުން އައިސް ގަލޮޅު ދަނޑުގައި ފުރަތަމަ ޑިވިޝަން ތާރީހީ ކްލަބްތަކާ ދެކޮޅަށް ޖެހިލުމެއް ނެތި އެ ހިތްވަރު ދިއްދޫން ދައްކާނެއޭ، ނަތީޖާ އަކީ މެޗުގެ އޮއެވަރާއި ބަދަލާ އެކު ބަދަލުވެގެން އައިސްދާނެ އެއްޗެއް އެހެން ނަމަވެސް އަޅުގަނޑު ކުރިން ދުވަހު ދެންނެވިހެން ދިއްދޫ ހަމަ ލީގުގައި ތަފާތު ނަތީޖާތަކެއް، ތަފާތު ފުޓްބޯޅަ އެއް ދިވެހި ފުޓްބޯޅަ އަށް ދައްކާނެ،" 

ދިއްދޫ އަށް އޮތް އެންމެ ބޮޑު ޗެެލެންޖަކީ، ސްކޮޑުގެ 50 ޕަސެންޓަށް ވުރެން ވެސް ގިނަ ކުޅުންތެރިންނަކީ ރިސޯޓްތަކުގައި މަސައްކަތްކުރާ މުވައްޒަފުން ކަމަށް ވެފައި، ގަވާއިދުން ޕްރެކްޓިސް ކުރަން ހުރިހާ ކުޅުންތެރިން ލިބުމުގެ ދަތިކަމެވެ. ކޮންމެ ފަަހަރަކު ވެސް ޓީމު އެއްކޮށް ރަނގަޅު ޕްރެކްޓިހެއް ކުރެވެނީ މެޗުގެ ކުރީ ދުވަހު ކަމަށް ވިޔަސް ކޯޗިން ޓީމުން ޓެކްނިކަލީ ކުރަން ޖެހޭ ކަންކަން ފުރިހަމަ އަށް އަދާކުރާކަން މުސްތަޓޭ ފާހަގަކުރި އެވެ.

ވިކްޓަރީ ޓީމުގައި ދިއްދޫގެ ކައުންސިލް މުބާރާތުގައި ގިނަ އަހަރުތަކެއް ކުޅެފައި ތިބި ކުޅުންތެރިން ތިބުމުން، ވާދަވެރި މާހައުލެއްގައި އެ ކުޅުންތެރިން ކަންކަން ކުރާނެ ނޫނީ ހުނަރުގެ ބޭނުންކުރާ ގޮތް ކޮންމެ ވެސް ވަރަކަށް އެނގޭނެ ކަަމަށް މުސްތަޓޭ ވަނީ ބުނެފަ އެވެ. އެކަމަކު، ޖުމްލަކޮށް ވިކްޓަރީ ޓީމަށް ބަލާނަމަ، އެ ކްލަބްގެ ހައިބަތަކީ، ރަށެއްގެ ޓީމަކާ އަޅާކިޔާއިރު ބޮޑު ތަފާތެއް އޮތް ކަމެކެވެ. 

"އެހެންވީމަ އަޅުގަނޑު ގަބޫލުކުރަނީ، އެ ޕްރެޝަރު ކުޑަވެގެންދޭ އަޅުގަނޑުމެން ކުރީ ދުވަހު ހޯދި ނަތީޖާއާ ހެދި، އެހެން ނަމަވެސް ވިކްޓަރީ ސްޕޯޓްސް ކްލަބަކީ ބޮޑު ނަމެއް. މިސާލަކަށް ރެއާލް މެޑްރިޑާ ކުޅެން ދުނިޔޭ ކޮންމެ ޓީމެއް ވެސް އަދިވެސް ޖެހިލުންވާނެ، އެހެން ނަމަވެސް އަޅުގަނޑުމެން ސަޕޯޓަރުންގެ ހިތްވަރާއި ކުޅުންތެރިންގެ އަޒުމާ އެކު، ލީގުގައި ކުރިއަށް ދިއުމަށްޓަކައި ހުރިހާ ކުޅުންތެރިންގެ ފަރާތުން ދެއްކެން ހުރި ހުރިހާ ޕާފޯމަންސެއް ދެއްކޭތޯ މަސައްކަތް ކުރާނަން،" އުންމީދާ އެކު މުސްތަޓޭ ބުންޏެވެ. 

ދިވެހި ޕްރިމިއާ ލީގުެގެ ކޮލިފިކޭޝަނަށް ފަހު، ދިއްދޫ ޓީމާ ދުރަށް ޖެހިލީ އަމިއްލަ ދިރިއުޅުމުގެ ބައެއް ކަންކަމަށް ވަގުތު ދިނުމަށް ކަމަށް މުސްތަޓޭ ވަނީ ބުނެފަ އެވެ.

އޭނާ ބުނީ، ހައެއްކަ އަހަރު ދިއްދޫ ކައުންސިލް ކަޕްގައި މަސައްކަތްކޮށް، މި ފަހަރުގެ ޕްރިމިއާ ލީގަށް އަންނަން އަތޮޅު ބުރުން ފެށިގެން ރީޖަން ލީގާއި ދިވެހި ޕްރިމިއާ ލީގުގެ ކޮލިފިކޭޝަނުގައި ކުރެވުނު މަސައްކަތްތަކާ އެކު ގަބޫލުކުރެވުނީ، ދިއްދޫ ޓީމާއި މެނޭޖްމަންޓާ އެކު ޕްރިމިއާ ލީގުގައި ހުރުމަކީ މުހިންމު ކަމެއްގެ ގޮތުގައި ކަމަށެވެ. 

ގަލޮޅު ދަނޑުގައި ދިއްދޫ އާއި ވިކްޓަރީ ކުޅޭ މެޗު ފަށާނީ މާދަމާ ހަވީރު 4 ޖަހާއިރު އެވެ. 

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox