ޔުނައިޓެޑާއި ސިޓީ މެޗުގެ ވީއޭއާރް ޓީމަށް މެޗެއް ނުދޭން ނިންމައިފި

Sep 15, 2026, 8:14 AM
އިނގިރޭސި ޕްރިމިއާ ލީގުގައި މެންޗެސްޓާ ސިޓީ އާއި މެންޗެސްޓާ ޔުނައިޓެޑް ކުޅުނު މެޗުގެ ތެރެއިން،

އިނގިރޭސި ޕްރިމިއާ ލީގުގައި މެންޗެސްޓާ ސިޓީ އާއި މެންޗެސްޓާ ޔުނައިޓެޑް ކުޅުނު މެޗުގެ ތެރެއިން،

މެންޗެސްޓާ (ސެޕްޓެމްބަރު 15) - އިނގިރޭސި ޕްރިމިއާ ލީގުގައި ރޭ މެންޗެސްޓާ ޔުނައިޓެޑް ދަނޑުގައި މެންޗެސްޓާ ސިޓީން 1-0 އިން މޮޅުވި މެުޗުގައި ހުރި ވީޑިއޯ އެސިސްޓަންޓް ރެފްރީ (ވީއޭއާރް) ޓީމަށް މި ހަފްތާގައި މެޗެއް ނުދޭން ޕްރިމިއާ ލީގުގެ ރެފްރީ ޖަމިއްޔާ، ޕްރޯ ރެފް އިން ނިންމައިފި އެވެ. 

ސިޓީން މޮޅުވި މި މެޗުގައި އެ ޓީމުގެ ހަމައެކަނި ލަނޑު ޖެހި، އާލިން ބްރައުޓް ހާލަންޑް ޖެހި ގޯލު ބަލައިގަންނަން ނިންމި ނިންމުން ގޯސް ކަމަށް ޕްރިމިއާ ލީގުގެ ރެފްރީ ޖަމިއްޔާ، ޕްރޯ ރެފް އިން ވަނީ ބުނެފަ އެވެ.

މެޗުގެ 23 ވަނަ މިނިޓްގައި ސިޓީގެ ފިލް ފޯޑެން އަށް ރަތް ކާޑެއް ދެއްކުމުން، ކުޅުންތެރިއަކު މަދުކޮށް ކުޅެމުން، 60 ވަނަ މިނިޓްގައި ސިޓީން ލީޑުނެގި އެވެ. މި ލަނޑު ޖެހީ، ހާލަންޑް އެވެ. މިއީ، ޖޮސްކޯ ގްވާޑިއޯލް ނެގި ހުރަހަކުން ހާލަންޑް ޖެހި ލަނޑެކެވެ. އެންމެ ފުރަތަމަ އޮފްސަައިޑް ކަމަށް ނިންމި މި ގޯލު ބަލައިގަންނަން ނިންމީ، ވީޑިއޯ އެސިސްޓަންޓް ރެފްރީ (ވީއޭއާރް) އިން ބަލައިފަ އެވެ. ވީއޭއާރް އިން މި ގޮތަށް ނިންމީ، ޔުނައިޓެޑްގެ ޕެޓްރިކް ޑޯގޫ ހުރި ހިސާބުން ބަލާއިރު، ހާލަންޑް އޮފްސައިޑް ކަމަށް ވީއޭއާރަށް ނުފެންނާތީ އެވެ.  މި ގޯލު އޮފްސައިޑް ކަމަށް ބެލެވުނު އެންމެ ބޮޑު ސަބަބަކީ، އޮފްސައިޑް މަގާމެއްގައި ހުރެ، ސިޓީގެ އެންޒޯ ފެނާންޑޭސް ބޮލުން ޖަހަން މަސައްކަތް ކުރުމުންނެވެ. 

Advertisement

ހާލަންޑްގެ ގޯލު އޮފްސައިޑް ކަމަށް ޕްރޯ ރެފުން އެއްބަސްވެއްޖެ

މެންޗެސްޓާ ސިޓީ އާއި ޔުނައިޓެޑް ބައްދަލުކުރި މެޗުގައި ހާލަންޑް ޖެހި ގޯލަކީ އޮފްސައިޑް ގޯލެއް ކަމަށް ރެފްރީންގެ ޖަމިއްޔާ، ޕްރޯ ރެފް އިން އެއްބަސްވެއްޖެ. ވީއޭއާރް އިން ބަލައި ބަލައިގަތް މި ގޯލަކީ، އޮފްސައިޑް މަގާމެއްގައި ހުރި އެންޒޯ ފެނާންޑޭސް ބޯޅަ ހޯދަން މަސައްކަތް ކޮށްފައިވާތީ ގަވާއިދުން ބޭރު ނިންމުމެއް ކަމަށް އެ ޖަމިއްޔާ އިން ވަނީ ބުނެފައި.

ޕްރޯ ރެފް އިން ބުނީ، ވީއޭއާރް އިން ފުރަތަމަ މި ކަން ބެލިއިރު، އެންޒޯ، އޮފްސައިޑް މަގާމެއްގައި ހުރެ ބޯޅައިގައި ޖައްސާފައި ނުވާއިރު، ލަނޑު ޖެހީ އޮންސައިޑް މަގާމެއްގައި ހުރި ހާލަންޑް ކަމަށްވާތީވެ، ގޯލު ބަލައިގަންނަން ނިންމީ އެވެ. އެކަމަކު، ގަވާއިދުގައިވާ ގޮތަށް ޖުމްލަކޮށް ބަލަން ޖެހޭ ހާލަތެއްގައި ރެފްރީ އާއި ވީއޭއާރް އަށް ވެސް ގޯސްކޮށް ކަންކަން ކުރެވިފައިވާ ކަމަށާއި ހަގީގަތުގައި އޮފްސައިޑްގައި ހުރެ، އެންޒޯ މި ބޯޅަ ހޯދަން ކުރި މަސައްކަތް ވެސް ބަލައި، މިއީ، އޮފްސައިޑެއް ކަމަށް ކަނޑައަޅަން ޖެހޭ ކަމަށް ޕްރޯ ރެފް އިން ވަނީ ބުނެފަ އެވެ. 

އެ މައްސަލަ ހިނގައިދިޔަ ގޮތް ބެލުމަށް ފަހު ޕްރޯ ރެފް އިން ވަނީ ސިޓީ އާއި ޔުނައިޓެޑް ބައްދަލުކުރި މެޗުގައި ވީއޭއާރް ޓީމުގައި މަސައްކަތްކުރި، ދެ ރެފްރީ، މެޓް ޑޮނޫހާ އާއި ބްލޭކް އަންޓްރޯބަސް ކުރިއަށް އޮތް ހަފްތާގެ ޕްރިމިއާ ލީގުގެ މެޗުތަކުން ބާކީކޮށްފަ އެވެ. 

މެޓް ޑޮނޫހާ އާއި ބްލޭކް އަންޓްރޯބަސް އަށް ދެން، ޕްރިމިއާ ލީގުގެ މެޗެއްގައި ވީއޭއާރް އޮފިޝަލުންގެ ގޮތުގައި މަސައްކަތް ކުރަން ފުރުސަތު ލިބޭނީ ހިނގައިދިޔަ ކަންކަމުގެ ފުރިހަމަ ރިވިއު އަކަށް ފަހު އެވެ. 

ކޮމެންޓް

ފަހުގެ ޚަބަރު

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

އެފްއޭއެމްގެ އޮފިޝަލެއް ނެތް، ޓްރޮފީއާ ހަވާލުވީ ނޫސްވެރިއެއް!

ބަންގްލަދޭޝްގައި ބޭއްވި ސާފް ޗެމްޕިއަންޝިޕްގެ ފެއާ ޕްލޭ ޓްރޮފީ ރާއްޖެއަށް ލިބުނުއިރު، އެފްއޭއެމްގެ އޮފިޝަލަކު ނެތުމުން އެއާ ހަވާލުވީ ދިވެހި ނޫސްވެރިއެއް. އެފްއޭއެމް އިން ބުނި ގޮތުގައި ޓްރޮފީ ލިބޭކަން ސާފް އިން އެންގީ ވަރަށް ކުޑަ ވަގުތުކޮޅެއް އޮއްވާ ކަމަށާއި، ނޫސްވެރިއަކު ސްޓޭޖަށް އެރީ ސާފްގެ އޮފިޝަލުން އެދިގެން

އިންފަންޓީނޯގެ ޝަރުތު ހަމަވޭތޯ ގާނޫނީ ގޮތުން ބެލި

ފީފާގެ ރައީސްކަމަށް ހަތަރުވަނަ ދައުރަކަށް ކުރިމަތިލައްވާފައިވާ ޖިއާނީ އިންފަންޓީނޯގެ ޝަރުތު ހަމަވޭތޯ އިނގިރޭސި އެފްއޭއިން ގާނޫނީ ގޮތުން ބަލައިފި. ފީފާ ކައުންސިލުން ނިންމާފައިވަނީ އިންފަންޓީނޯގެ ފުރަތަމަ ދައުރަކީ ބާކީ އޮތް މުއްދަތެއް ފުރިހަމަކުރުން ކަމަށްވާތީ، އޭނާއަށް އިތުރު ދައުރަކަށް ކުރިމަތިލެވޭނެ ކަމަށް

އުމުރުން 38 އަހަރުގައި މަޓާ ފުޓްބޯޅަ ކުޅުން ހުއްޓާލައިފި

ސްޕެއިނާއެކު ވޯލްޑް ކަޕާއި ޔޫރޯ ކާމިޔާބުކޮށް، ޗެލްސީ އާއި މެންޗެސްޓާ ޔުނައިޓެޑް ފަދަ ބޮޑެތި ކްލަބްތަކަށް ކުޅުނު ހުއާން މަޓާ އުމުރުން 38 އަހަރުގައި ފުޓްބޯޅަ ކުޅުން ހުއްޓާލައިފިއެވެ. ކުޅުމުން ރިޓަޔާކުރި ނަމަވެސް، ކުރިއަށް އޮތް ތަނުގައިވެސް ފުޓްބޯޅައިގެ ދާއިރާއިން ފެންނާނެ ކަމަށް އޭނާ ވަނީ ބުނެފައެވެ.

ޕާކިސްތާން ފުޓްބޯޅަ ކުރިއަރާނީ ޕްރޮފެޝަނަލް ލީގެއް އޮވެގެން

ޕާކިސްތާން ފުޓްބޯޅަ ކުރިއެރުވުމަށްޓަކައި އެ ގައުމުގައި ވަރުގަދަ ޕްރޮފެޝަނަލް ލީގެއް އޮތުން މުހިންމު ކަމަށް ގައުމީ ކޯޗު ނޮލްބާޓޯ ސޮލާނޯ ބުނެފި. އޭނާ ފާހަގަކުރި ގޮތުގައި ހަމައެކަނި ބޭރުގައި ކުޅޭ ކުޅުންތެރިންނަށް ބަރޯސާވުމުގެ ބަދަލުގައި، ލޯކަލް ކުޅުންތެރިން ކުރިއެރުވޭނީ ގަވާއިދުން ކުޅޭނެ ލީގެއް އޮވެގެން

Newsletter

Get the latest news delivered straight to your inbox