ބައްޕަ އަކަށް ވި ފަހުން ހާލަންޑް ތަފާތުވެއްޖެ: މަރެސްކާ

Sep 8, 2026, 12:23 PM
މެންޗެސްޓާ ސިޓީ އާއި ފުލަމް ކުޅުނު މެޗެއްގެ ތެރެއިން ހާލަންޑް (ކ) ފުލަމްގެ ކެއަނީގެ ދަރިފުޅާ އެކު

މެންޗެސްޓާ ސިޓީ އާއި ފުލަމް ކުޅުނު މެޗެއްގެ ތެރެއިން ހާލަންޑް (ކ) ފުލަމްގެ ކެއަނީގެ ދަރިފުޅާ އެކު

މެންޗެސްޓާ (ސެޕްޓެމްބަރު 8) - މެންޗެސްޓާ ސިޓީގެ ފޯވާޑް، އާލިން ބްރައުޓް ހާލަންޑް، ބައްޕަ އަކަށް ވި ފަހުން ތަފާތުވެފައިވާ ކަމަށް އެ ޓީމުގެ ކޯޗުކަމާ ހަވާލުވެހުރި އެންޒޯ މަރެސްކާ ބުނެފި އެވެ. 

ހާލަންޑަށް ދަރިއަކު ލިބުނުކަން މީޑިއާގައި ހާމަކުރީ 2024 ވަނަ އަހަރުގެ ޑިސެމްބަރު މަހުގެ ތެރޭގައި އޭރު އެ ޓީމުގެ ކޯޗު ޕެޕް ގާޑިއޯލާ އެވެ. 

ޔުއެފާ ޗެމްޕިއަންސް ލީގުގެ އާ ސީޒަނުގައި މެންޗެސްޓާ ސިޓީން ކުޅޭ ފުރަތަމަ މެޗުގައި ޕޯޓޯއާ ދެކޮޅަށް ނުކުތުމުގެ ކުރިން ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަމުން މަރެސްކާ ބުނީ، ފުޓްބޯޅައިގައި ހާލަންޑްގެ ހުނަރު ވަރަށް ފުރިހަމަ އަށް ކުރިއަރަމުން ގޮސް އަމިއްލަ ދިރިއުޅުމުގައި ޒިންމާދާރުކަން އިތުރުކުރަން ލިބިގެންދިޔަ ފުރުސަތަކީ، ބައްޕަ އަކަށް ވީ ފަހުން އައި ކަމެއް ކަމަށެވެ. 

Advertisement
މި ސީޒަނުގައި ސިޓިގެ މެޗެއްގެ ތެރެއިން ހާލަންޑް
މި ސީޒަނުގައި ސިޓިގެ މެޗެއްގެ ތެރެއިން ހާލަންޑް

"މިހާރު އޭނާ އަކީ ފިރިހެނެއްގެ އިތުރުން ބައްޕައެއް. މި ތަނަށް (މެންޗެސްޓާ ސިޓީ އަށް) އައިއިރު އޭނަ އަކީ ބައްޕައެއް ނޫން. މިހާރު އޭނާގެ ދިރިއުޅުން ވަރަށް ބަދަލުވެއްޖެ. ދިރިއުޅުމުގައި ކަންކަން ނިންމުމުގެ ޕްރިއޯރިޓީ ބަދަލުވެއްޖެ. އަހަރެން އޭނަ އަށް ޓަކައި ވަރަށް އުފާކުރަން. މިހާރު، ހާލަންޑް ފެންނަނީ ވަރަށް ޒިންމާދާރުކޮށް،" މި ސީޒަނުގައި ކުޅުނު ފުރަތަމަ ތިން މެޗުން ތިން ގޯލު ޖެހި ހާލަންޑާ ބެހޭގޮތުން މަރެސްކާ ބުންޏެވެ. 

"އާއިލާ އަކަށް ޓަކައި މަސައްކަތް ކުރަމުން ހިތްހަަމަ ޖެހިގެން ހުރެ މިހާރު އެ ކުޅެނީ،" 

އިނގިރޭސި ޕްރިމިއާ ލީގުގައި އެންމެ ފަހުން މެންޗެސްޓާ ސިޓީން ކުޅުނު މެޗުގައި ކަވެންޓްރީ ސިޓީ ބަލިކުރަން ޖެހި ހަމައެކަނި ލަނޑު ކާމިޔާބުުކުރީ ހާލަންޑް އެވެ. އެއީ، ހާލަންޑަށް ތާރީހީ ގޯލެކެވެ. އެއީ، ކްލަބް ކެރިއަރުގައި ހާލަންޑް ޖެހި 300 ވަނަ ގޯލެވެ. 

ކްލަބް ކެރިއަރުގައި ހާލަންޑް ޖެހި ގޯލުތަކުގެ ތަފްސީލަށް ބަލާއިރު، ނޯވޭގެ މޯލްޑާ އަށް އޭނާ ވަނީ 50 މެޗުން 20 ލަނޑު ޖަހައިފަ އެވެ. އޮސްޓްރިއާގެ ރެޑްބުލް ސަލްޒްބާގަށް 27 މެޗުން 29 ލަނޑު ޖެހިއިރު، ޖަރުމަނުގެ ބޮރޫޝިއާ ޑޯޓްމަންޑަށް 89 މެޗުން 86 ލަނޑު ޖެހި އެވެ. އަދި، މިހާރު ކުޅެމުން އަންނަ އިންގްލެންޑްގެ މެންޗެސްޓާ ސިޓީ އަށް 202 މެޗުން 165 ލަނޑު ޖަހާފައިވެ އެވެ.

ކޮމެންޓް

ފަހުގެ ޚަބަރު

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

އެފްއޭއެމްގެ އޮފިޝަލެއް ނެތް، ޓްރޮފީއާ ހަވާލުވީ ނޫސްވެރިއެއް!

ބަންގްލަދޭޝްގައި ބޭއްވި ސާފް ޗެމްޕިއަންޝިޕްގެ ފެއާ ޕްލޭ ޓްރޮފީ ރާއްޖެއަށް ލިބުނުއިރު، އެފްއޭއެމްގެ އޮފިޝަލަކު ނެތުމުން އެއާ ހަވާލުވީ ދިވެހި ނޫސްވެރިއެއް. އެފްއޭއެމް އިން ބުނި ގޮތުގައި ޓްރޮފީ ލިބޭކަން ސާފް އިން އެންގީ ވަރަށް ކުޑަ ވަގުތުކޮޅެއް އޮއްވާ ކަމަށާއި، ނޫސްވެރިއަކު ސްޓޭޖަށް އެރީ ސާފްގެ އޮފިޝަލުން އެދިގެން

އިންފަންޓީނޯގެ ޝަރުތު ހަމަވޭތޯ ގާނޫނީ ގޮތުން ބެލި

ފީފާގެ ރައީސްކަމަށް ހަތަރުވަނަ ދައުރަކަށް ކުރިމަތިލައްވާފައިވާ ޖިއާނީ އިންފަންޓީނޯގެ ޝަރުތު ހަމަވޭތޯ އިނގިރޭސި އެފްއޭއިން ގާނޫނީ ގޮތުން ބަލައިފި. ފީފާ ކައުންސިލުން ނިންމާފައިވަނީ އިންފަންޓީނޯގެ ފުރަތަމަ ދައުރަކީ ބާކީ އޮތް މުއްދަތެއް ފުރިހަމަކުރުން ކަމަށްވާތީ، އޭނާއަށް އިތުރު ދައުރަކަށް ކުރިމަތިލެވޭނެ ކަމަށް

އުމުރުން 38 އަހަރުގައި މަޓާ ފުޓްބޯޅަ ކުޅުން ހުއްޓާލައިފި

ސްޕެއިނާއެކު ވޯލްޑް ކަޕާއި ޔޫރޯ ކާމިޔާބުކޮށް، ޗެލްސީ އާއި މެންޗެސްޓާ ޔުނައިޓެޑް ފަދަ ބޮޑެތި ކްލަބްތަކަށް ކުޅުނު ހުއާން މަޓާ އުމުރުން 38 އަހަރުގައި ފުޓްބޯޅަ ކުޅުން ހުއްޓާލައިފިއެވެ. ކުޅުމުން ރިޓަޔާކުރި ނަމަވެސް، ކުރިއަށް އޮތް ތަނުގައިވެސް ފުޓްބޯޅައިގެ ދާއިރާއިން ފެންނާނެ ކަމަށް އޭނާ ވަނީ ބުނެފައެވެ.

ޕާކިސްތާން ފުޓްބޯޅަ ކުރިއަރާނީ ޕްރޮފެޝަނަލް ލީގެއް އޮވެގެން

ޕާކިސްތާން ފުޓްބޯޅަ ކުރިއެރުވުމަށްޓަކައި އެ ގައުމުގައި ވަރުގަދަ ޕްރޮފެޝަނަލް ލީގެއް އޮތުން މުހިންމު ކަމަށް ގައުމީ ކޯޗު ނޮލްބާޓޯ ސޮލާނޯ ބުނެފި. އޭނާ ފާހަގަކުރި ގޮތުގައި ހަމައެކަނި ބޭރުގައި ކުޅޭ ކުޅުންތެރިންނަށް ބަރޯސާވުމުގެ ބަދަލުގައި، ލޯކަލް ކުޅުންތެރިން ކުރިއެރުވޭނީ ގަވާއިދުން ކުޅޭނެ ލީގެއް އޮވެގެން

Newsletter

Get the latest news delivered straight to your inbox