ރިބަކީނާ އަށް ތަށި، ސަބަލެންކާ ހަތަރު އަހަރު ފަހަތަށް

Sep 13, 2026, 11:00 AM
ރިބަކީނާ، ޔޫއެސް އޯޕަންގެ އަންހެން ސިންގަލްސް ތަށި ހިފައިގެން.

ރިބަކީނާ، ޔޫއެސް އޯޕަންގެ އަންހެން ސިންގަލްސް ތަށި ހިފައިގެން.

ނިއު ޔޯކް ސިޓީ، ޔުނައިޓެޑް ސްޓޭޓްސް (ސެޕްޓެމްބަރު 13) - ޔޫއެސް އޯޕަން އަންހެން ސިންގަލްސް ފައިނަލުގައި ބެލަރޫސްގެ އަރީނާ ސަބަލެންކާ ބަލިކޮށް، ކަޒަކްސްތާންގެ އެލީނާ ރިބަކީނާ މުބާރާތުގެ ތަށި އުފުލާލައިފި އެވެ. 

މިއީ، ރިބަކީނާ އަށް ކެރިއަރުގައި ލިބުނު ތިން ވަނަ ގްރޭންޑް ސްލޭމް ޓެނިސް މުބާރާތެވެ. އަނެއްކޮޅުން، މިއީ، ދުނިޔޭގެ ރޭންކިންގެ އެއް ވަނައިގައި އޮތް ސަބަލެންކާ އަށް 2022 ވަނަ އަހަރުގެ ފަހުން، ގްރޭންޑް ސްލޭމް ޓެނިސް މުބާރާތެއް ނުލިބި ނިންމާލަން ޖެހުނު ފުަރަތަމަ ފަހަރެެވެ. 

ޓެނިހުގެ ގްރޭންޑް ސްލޭމް ހަތަރު ގްރޭންޑް ސްލޭމް ކާމިޔާބު ކޮށްފައިވާ ސަބަލެންކާ ވަނީ ދެ ފަހަރެއްގެ މަތިން ޔޫއެސް އޯޕަން ކާމިޔާބުކޮށްފަ އެވެ. އެއީ، 2024 އާއި 2025 ވަނަ އަހަރު އެވެ. މި ފަަހަރުގެ މުބާރާތަށް ސަބަލެންކާ ނުކުންނާނީ ޖެހިޖެހިގެން ތިން ފަހަރު މި މުބާރާތް ކާމިޔާބު ކުރުމުގެ އަޒުމުގަ އެވެ. އެކަމަކު، ފައިނަލް މެޗުގައި ވަނީ ރިބަކީނާ އަތުން، 6-4، 5-7، 6-2 އިން ބަލިވެފަ އެވެ. 

Advertisement

ސަބަލެންކާ ވަނީ މި އަހަރުގެ އޮސްޓްރޭލިއަން އޯޕަން ފައިނަލުގައި ވެސް ރިބަކީނާ އަތުން ބަލިވެފަ އެވެ. އަދި، އޭގެ ފަހުން، ސަބަލެންކާ ވަނީ، ފްރެންޗް އޯޕަން ޓެނިސް މުބާރާތުގެ ކުއާޓާ ފައިނަލުން އަދި ވިމްބަލްޑަން ޓެނިސް މުބާރާތުގެ ހަތަރު ވަނަ ބުރުން ކަޓައިފަ އެވެ. 

ޔޫއެސް އޯޕަން ފައިނަލް މެޗުގެ ތެރެއިން ސަބަލެންކާ.
ޔޫއެސް އޯޕަން ފައިނަލް މެޗުގެ ތެރެއިން ސަބަލެންކާ.

މި ފަހަރުގެ ޔޫއެސް އޯޕަން ފައިނަލުން ސަބަލެންކާ ބަލިވިއިރު، ރިބަކީނާ އަށް މުބާރާތުގެ ތަށި ލިބުމުން، އޭނާ އަށް ދުނިޔޭގެ ރޭންކިން އެއް ވަަނަ ލިބޭނެ އެވެ. ސަބަލެންކާ އަށް ދުނިޔޭގެ ރޭންކިން އެއް ވަނަ މި ގެއްލެނީ، އެ މަގާމުގައި 99 ހަފްތާ ހޭދަކުރި ފަހުންނެވެ. 

ސަބަލެންކާ ބުނީ، މި ފަހަރުގެ ޔޫއެސް އޯޕަން ކާމިޔާބުކުރަން ހާއްސަ އަމާޒެއް އޮތް ކަމަށެވެ. އެއީ، ޖެހިޖެހިގެން ތިން އަހަރު އެއް މުބާރާތެއް ކާމިޔާބު ކުރުމަކީ އާދަޔާހިލާފު ކާމިޔާބަަކަށްވާނެތީ ކަމަށެވެ. އެހެން ނަމަވެސް، ފާއިތުވި އަހަރުތަކުގައި ގިނަ ފަހަރުތަކެއްގެ މަތިން ދިމާވި ކަންކަން މި ފަހަރުގެ ޔޫއެސް އޯޕަން ފައިނަަލުގައި ވެސް ކުރިމަތިވެ، ނާކާމިޔާބުވީ ކަމަށެވެ. 

މި އަަހަރުގެ ޔޫއެސް އޯޕަން އާއި އޮސްޓްރޭލިއަން އޯޕަން ކާމިޔާބު ކުރުމުގެ ކުރިން، ރިބަކީނާ، 27، ހޯދި ފުރަތަމަ ގްރޭންޑް ސްލޭމް ޓެނިސް މުބާރާތަކީ، 2022 ވަނަ އަހަރުގެ ވިމްބަލްޑަން ޓެނިސް މުބާރާތެވެ. ކެރިއަރުގެ ކުރީކޮޅުގައި، ރަޝިއާ ތަމްސީލްކުރި ނަމަވެސް، 2018 ވަނަ އަހަރުގެ ފަަހުން، ރިބަކީނާ ވަނީ ކަޒަކްސްތާނަށް ރަށްވެހިކަން ބަދަލުކޮށްފަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox