އަނިޔާ އިން އެނބުރި އާދެވޭނެ ދުވަހެއް ޔަގީންނުވުމަކީ އަލްކަރާޒަށް ކުރިމަތިވި އެންމެ ބޮޑު ބިރު

Aug 29, 2026, 8:22 AM
ސްޕެއިނުގެ ޓެނިސް ތަރި، ކާލޯސް އަލްކަރާޒް

ސްޕެއިނުގެ ޓެނިސް ތަރި، ކާލޯސް އަލްކަރާޒް

ސިންސިނާޓީ، ޔުނައިޓެޑް ސްޓޭޓްސް (އޮގަސްޓް 29) - އަނިޔާގެ ސަބަބުން ހަތަރު މަހެއްހާ ދުވަހު ކުޅުމާ ދުރުގައި ހުންނަން ޖެހުނުއިރު، އެންމެ އުނދަގޫވި އެއް ކަމަކީ ކުޅުމަށް އެނބުރި އާދެވޭނެ ސީދާ ދުވަހެއް ޔަގީންކަމާ އެކު ނޭނގޭތީ ކަމަށް ސްޕެއިނުގެ މަޝްހޫރު ޓެނިސް ތަރި، ކާލޯސް އަލްކަރާޒް ބުނެފި އެވެ. 

އަލްކަރާޒް، 23، މި ފަހަރުގެ ޓެނިސް ސީޒަން ފެށީ ރަނގަޅު ފޯމެއްގަ އެވެ. އެ ގޮތުން، އަހަރުގެ ފުރަތަމަ ގްރޭންޑް ސްލޭމް ޓެނިސް މުބާރާތް ކަމަށްވާ އޮސްޓްރޭލިއަން އޯޕަން ޗެމްޕިއަންކަން ހޯދި އެވެ. އެއާއެކު، އޭނާ ވެފައިވަނީ، ހަތަރު ގްރޭންޑް ސްލޭމް ތަށި ހަމަކުރި އެންމެ އުމުރުން ހަގު ކުޅުންތެރިޔާ އަށެވެ. އޭގެ ފަހުން، އޭނާ ވަނީ ގަަތަރު އޯޕަން މުބާރާތް ވެސް ކާމިޔާބުކޮށްފަ އެވެ. އެކަމަކު، އިންޑިއަން ވެލްސްގެ ސެމީ ފައިނަލުން ބަލިވުމަށް ފަހު، މަޔާމީ އޯޕަންގެ ތިން ވަނަ ބުރުން ކެޓީ އެވެ. 

އޭޕްރީލް 14 ވަނަ ދުވަހުގެ ފަަހުން، ޓެނިސް މެޗެއްގައި އަލްކަރާޒް ނުކުޅެ އެވެ. އެއީ، ބާސެލޯނާ އޯޕަންގައި އަތުގެ ކުޑަހުޅަށް ލިބުނު އަނިޔާއެއްގެ ސަބަބުންނެވެ. އޭގެ ކުރިން މޮންޓެ ކާލޯ މާސްޓާސްގެ ފައިނަލުން، އިޓަލީގެ ޖަނިކް ސިނާ އަތުން ބަލިވެ، ދުނިޔޭގެ ރޭންކިން އެއް ވަނަ އަލްކަރާޒަށް ގެއްލުނެވެ. 

Advertisement

ފްރެންޗް އޯޕަން އާއި ވިމްބަލްޑަން ޓެނިސް މުބާރާތް އަނިޔާގެ ސަބަބުން ގެއްލުނު އަލްކަރާޒް، އެނބުރި އަންނަ މުބާރާތަކީ، ޔޫއެސް އޯޕަން އެވެ.  ޔޫއެސް އޯޕަންގެ ސިންގަލްސް އިވެންޓްތައް ފަށަނީ މި މަހު 30 ވަނަ ދުވަހު އެވެ. 

"އެނބުރި އައިސް ފުރަތަމަ ޕްރެކްޓިސްތަކުގައި ބައިވެރިވާން ފެށިއިރު، މި ދަނީ ކޮން މިސްރާބަކުން ކަމެއް ބުނެދޭން އުނދަގޫވި، އެ ވިސްނުންތައް އަންނަ ގޮތުން އުނދަގޫ ވެސް ވި. އަަހަންނަށް ޔަގީނެއް ނޫން އެނބުރި އާދެވޭނީ ކޮން މުބާރާތަކަށް ކަމެއް. ސިންސިނާޓީ އަށް ތޯ، ނޫނީ ޔޫއެސް އޯޕަން އަށް ތޯ. ނޫނީ އެމެރިކާގެ ހުރިހާ މުބާރާތެއްގައި ވެސް އަހަންނަށް ނުކުޅެވޭނެތޯ،" އަލްކަރާޒް ބުންޏެވެ. 

"އާދެވޭނެ ދުވަހެއް ޔަގީންކަމާ އެކު ނޭނގުން. އެ ހިޔާލުތަކުގައި އެ ވިސްނުންތަކުގައި ހުންނަން ޖެހުން ވީ އެންމެ ބޮޑު ބިރަކަށް. އަނިޔާގައި ހޭދަކުރި މުއްދަތުގައި މެންޓަލީ އެ އައި ވިސްނުންތައް، އެއީ ޗެލެންޖު ބޮޑުވި ކަމެއް،" 

ހަތް ގްރޭންޑް ސްލޭމް ތަށި ހޯދާފައިވާ އަލްކަރާޒް، މިދިޔަ އަހަރުގެ ޔޫއެސް ފައިނަލް ކާމިޔާބުކުރީ ސިނާ ބަލިކޮށްފަ އެވެ. އަލްކަރާޒް ރަނގަޅު މޮޅެއް ހޯދި މި މެޗުގެ ސެޓުތައް ދިޔައީ، 6-2 3-6 6-1 6-4 އިންނެވެ. މިއީ، އަލްކަރާޒް، ޔޫއެސް އޯޕަން ކާމިޔާބުކުރި ދެ ވަނަ ފަހަރެވެ. އެންމެ ފުރަތަމަ ފަަހަރަށް އަލްކަރާޒަށް ޔޫއެސް އޯޕަން ތަށި ލިބުނީ، 2022 ވަނަ އަހަރު އެވެ.

އެންމެ ފަހުން ޔޫއެސް އޯޕަން ތަށި ދިފާއުކުރެވުނީ، 2004 އިން 2008 އަށް މި މުބާރާތް ކާމިޔާބުކުރި، ސްވިޒަލެންޑްގެ ލެޖެންޑް، ރޮޖާ ފެޑެރާ އަށެވެ. އަލްކަރާޒް، މި ފަހަރުގެ ޔޫއެސް އޯޕަންގައި އެ ކާމިޔާބީ އަށް އަމާޒުހިފާއިރު، އެންމެ ބޮޑު ގޮންޖެހުމަކަށް ކުރިމަތިވާނީ މެޗު ފިޓްނަސް ހިފެހެއްޓުމުގަ އެވެ. 

އަލްކަރާޒް ވަނީ މި ހަފްތާގައި ޔޫއެސް އޯޕަން މިކްސް ޑަބަލްސް އިވެންޓްގައި ކުޅެފަ އެވެ. އެއީ، 23 ގްރޭންޑް ސްލޭމް ތަށި އުފުލާލާފައިވާ ލެޖެންޑަރީ ތަރި، ސެރީނާ ވިލިއަމްސްއާ އެއް ޕެއާއެއްގަ އެވެ. މިދިޔަ އަހަރުގެ ޔޫއެސް އޯޕަންގައި އަލްކަރާޒް ކުޅުނީ އިނގިރޭސި ކުޅުންތެރިޔާ، އެމާ ރަޑުކާނޫއާ އެއް ޕެއާއެއްގަ އެވެ. 

ޔޫއެސް އޯޕަން ފުރަތަމަ ބުރުގައި އަލްކަރާޒް ކުޅޭނީ ރަޝިއާގެ ރޯމަން ސަފިއުލީންއާ ދެކޮޅަށެެވެ. މިކްސް ޑަބަލްސްގައި އަލްކަރާޒް އާއި ސެރީނާ ކެޓީ ކުއާޓާ ފައިނަލުގައި ސްވިޒަލެންޑްގެ ބެލީންޑާ ބެންޗިޗް އާއި އިޓަލީގެ ފްލަވިއޯ ކޮބޯލީއާ ވާދަކޮށެވެ. 

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox