ޕެރިސް (އޮގަސްޓް 28) - މި ފަހަރުގެ ޓްރާންސްފާ މާކެޓްގައި ލިވަޕޫލުން އެންމެ ބޮޑަށް ގެންނަން މަސައްކަތް ކުރަމުން އައި ފްރާންސްގެ ފޯވާޑް، ބްރެޑްލީ ބާކޮލާ ގަންނަން އޭނާ ކުޅެމުން އަންނަ ޕީއެސްޖީއާ އެކު އެއްބަސްވުމަކަށް އަތުވެފައިވާ ކަމަށް ރިޕޯޓްތައް ބުނެފި އެވެ.
ކުރިން ލިޔޯނަށް ކުޅުނު ބާކޮލާ، 23، ވިއްކާލަން ޕީއެސްޖީން މި ފަހަރުގެ ޓްރާންސްފާ މާކެޓް ފެށުނުތަނާ ކީ އަގު އުޅެނީ 190 މިލިއަން ޑޮލަރުގަ އެވެ. އެކަމަކު، ލިވަޕޫލުން އެންމެ ބޮޑަށް ވެސް ބާކޮލާ ގެންނަން ހަރަދުކުރަން ނިންމާފައި އޮތީ 140 މިލިއަން ޑޮލަރެވެ. އެތައް ހަފްތާއެއް މަޝްވަރާ ކުރުމަށް ފަހު، ލިވަޕޫލުން ބާކޮލާ ގަންނަން ޕީއެސްޖީއާ އެކު އެއްބަސްވުމަކަށް އައީ ވެސް އެންމެ ފުރަތަމަ ހަރަދުކުރަން ނިންމި އަގުގަ އެވެ.
ބާކޮލާގެ ޑީލުގައި ލިވަޕޫލަށް ދޫދޭން ޕީއެސްޖީން ތައްޔާރުވަނީ: ރިޕޯޓް
ޕީއެސްޖީގެ ފޯވާޑް ބްރެޑްލީ ބާކޮލާ ހޯދުމަށް ލިވަޕޫލުން ކުރާ މަސައްކަތުގައި، ޕީއެސްޖީން ކިޔާ އަގު ކުޑަކޮށް ދޫދޭން ތައްޔާރުވަމުންދާ ކަމަށް ރިޕޯޓްތައް ބުނޭ. ބާކޮލާ ވެސް ލިވަޕޫލާ ގުޅެން ބޭނުންވާއިރު، މި ޑީލުގެ ތެރެއިން ޕީއެސްޖީގެ ޒުވާން ކުޅުންތެރިޔާ އިބްރާހިމް އެމްބާޔޭ ހޯދުމަށް ވެސް ލިވަޕޫލުން އަންނަނީ މަސައްކަތް ކުރަމުން.
ރިޕޯޓްތައް ބުނާގޮތުން، ލިވަޕޫލުން ބާކޮލާ ގަންނަން އެންމެ ފުރަތަމަ ދައްކާނީ، 115 މިލިއަން ޑޮލަރެވެ. ބާކީ 25 މިިލިއަން ޑޮލަރަކީ، ލިވަޕޫލާ އެކު ބާކޮލާ ސޮއިކުރާ ކޮންޓްރެކްޓްގެ މުއްދަތުގެ ތެރޭގައި ފުރިހަމަވާ ކަންކަމަށް ބަލާފައި ދޭނެ އެޑްއޮންސްތަކެވެ.
މި ސީޒަނުގައި ޕީއެސްޖީގެ މެޗުތަކުގައި ބާކޮލާ އަށް ފުރުސަތު ނުލިބެ އެވެ. ލިވަޕޫލާ އެކު ކުރިއަށް އޮތް ދުވަސްތަކުގެ ތެރޭގައި ބާކޮލާ އެއްބަސްވުމުގައި ސޮއިކުރާނެ ކަމަށް ރިޕޯޓްތައް ބުނެ އެވެ.
މި ފަހަރުގެ ޓްރާންސްފާގައި އިތުރު ކުޅުންތެރިން ހޯދަން ވެސް މަސައްކަތް ކުރަމުން އަންނަ ލިވަޕޫލުން، ޕީއެސްޖީ އަށް ކުޅޭ އުމުރުން 18 އަހަރުގެ ސެނެގާލްގެ ފޯވާޑް، އިބްރާހިމް އެމްބާޔޭ ހޯދަން ވެސް މަސައްކަތްކުރަމުން އަންނަ ކަމަށް ފްރާންސްގެ ނޫސްތަކުން ރިޕޯޓްކޮށްފައިވެ އެވެ.
އިތުރު އެޓޭކިން ކުޅުންތެރިއަކު ގަންނަން ޓްރާންސްފާ މާކެޓްގައި ލިވަޕޫލުން ހަރަކާތްތެރިވަމުން އަންނައިރު، ބްރައިޓަން ހޯލްވް އެންޑް އަލްބިއަންގެ ޔަންކޫބާ މިންޓޭ ގަންނަން ކުރި ދެ ބިޑް ވެސް ވީ ނާކާމިޔާބެވެ. އަދި، ކްރިސްޓަލް ޕެލަސްގެ އިސްމާއިލާ ސާ ގަންނަން ހުށަހެޅި އޮފާ ވެސް އެ ކްލަބުން ވަނީ އަނބުރާ ފޮނުވާލައިފަ އެވެ.
އަންގާރަ ދުވަހު ޓްރާންސްފާ މާކެޓް ބަންދުވުމުގެ ކުރިން މިޑްފީލްްޑަރެއް ގެނެވޭތޯ ލިވަޕޫލުން މަސައްކަތް ކުރަމުން އަންނަ ކަމަށް ރިޕޯޓްތައް ބުނެ އެވެ. އެ ގޮތުން، ލިވަޕޫލުން ފާރަލަމުން އަންނަަ ދެ ކުޅުންތެރިންނަކީ، މޮނާކޯ އަށް ކުޅެމުން އަންނަ ލަމީން ކަމަރާ އާއި ރޯމާގައި މޮޅު ކުޅުމެއް ދައްކާ މަނޫ ކޯނޭ އެވެ.
ސްޕެއިނުގެ ކޯޗު އަންޑޯނީ އިރައޯލާގެ ކޯޗުކަމުގައި މި ސީޒަނަށް ތައްޔާރުވަމުން އަންނަ ލިވަޕޫލުން ވަނީ 50 މިިލިއަން ޑޮލަރުގެ ޕެކޭޖެއްގައި އޮސަސޫނާ އަށް ކުޅެމުން އައި 23 އަހަރުގެ ފޯވާޑް ވިކްޓަ މުނޯޒް ގަނެފަ އެވެ.
