ލިވަޕޫލް (ސެޕްޓެމްބަރު 1) - ލިވަޕޫލާ އެކު ދިގު މުއްދަތުގެ ކޮންޓްރެކްޓެއްގައި ސޮއިކުރި އެންމެ ބޮޑު އަމާޒަކީ އެ ޓީމާ އެކު ބޮޑެތި ކާމިޔާބީތަކެއް ހޯދަން ބޭނުންވާތީ ކަަމަށް ފްރާންސްގެ ފޯވާޑް، ބްރެޑްލީ ބާކޮލާ ބުނެފި އެވެ.
އުމުރުން 22 އަހަރުގެ ބާކޮލާ، ޕީއެސްޖީ ދޫކޮށް ލިވަޕޫލާ ގުޅުނީ ފަސް އަހަރުގެ ކޮންޓްރެކްޓެއްގަ އެވެ. ލިވަޕޫލުން މި ޓްރާންސްފާ އަށް އެންމެ ފުރަތަމަ ދައްކާނީ 143 މިލިއަން ޑޮލަރެވެ. އަދި، ކޮންޓްރެކްޓްގެ މުއްދަތުގައި ހާސިލްކުރާ ކަންކަމަށް ބަލައި، އިތުރު 17 މިިލިއަން ޑޮލަރު ދޭން ވަނީ އެއްބަސްވެފަ އެވެ.
ޕީއެސްޖީގައި ތިން އަހަރު ހޭދަކުރި ލިޔޯނުގެ ކުރިގެ ތަރި، ބާކޮލާ ބުނީ، ލިވަޕޫލަށް ކުުޅުމަކީ އޭނާ އަށް ލިބިގެންދާނެ ވަަރަށް ބޮޑު ފަހުރެއް ކަމަށެވެ. އަދި، ލިވަޕޫލަށް ބަދަލުވުމަށްޓަކައި މި ޓްރާންސްފާގެ ކަންކަން ހަމަޖެހިގެންދާން ދިގު މުއްދަތެއް ނެގި ނަމަވެސް ހުރިހާ ކަމެއް ނިމުުމުން ވަރަށް ހިތްހަަމަޖެހިފައި ހުރި ކަމަށް ބާކޮލާ ވަނީ ބުނެފަ އެވެ.
"ވަރަށް ބޮޑެތި ކާމިޔާބީތަކެއް ހޯދަން ބޭނުން، އެންމެ ފުރަތަމަ ކަމަކަށް އިނގިރޭސި ޕްރިމިއާ ލީގު ކާމިޔާބު ކުރުމަކީ އަހަރެންގެ ވަރަށް ބޮޑު ހުވަފެެނެއް،" ޕީއެސްޖީއާ އެކު މިދިޔަ ދެ ސީޒަނުގައި ޔުއެފާ ޗެމްޕިއަންސް ލީގުގެ ތަށި އުފުލާލި ބާކޮލާ ބުންޏެވެ.
"މި ޓީމުގައި (ލިވަޕޫލްގައި) ދިގު މުއްދަތަކަށް ހުންނަން އަހަރެން ބޭނުން. އެއީ، އަހަރެން ދިގު މުއްދަތުގެ ކޮންޓްރެކްޓެއްގައި ސޮއިކުރި ސަބަބަކީ ވެސް،"
ލިޔޯނުން ބާކޮލާ، ޕީއެސްޖީ އަށް ބަދަލުވީ 55 މިލިއަން ޑޮލަރުގެ ފީ އަކަށެވެ. ބާކޮލާ ވަނީ ޕީއެސްޖީ އަށް ކުޅެދިން 152 މެޗުން އެ ޓީމަށް 39 ލަނޑު ޖަހައި، 35 ލަނޑު ޖަަހަން ފުރުސަތު ތަނަވަސްކޮށްދީފަ އެވެ. ޗެމްޕިއަންސް ލީގު ދެ ފަހަރަށް ހޯދުމުގެ އިތުރުން، ބާކޮލާ ވަނީ ޕީއެސްޖީގައި ހުރެ ފްރެންޗް ލީގުގެ ތަށި ތިން ފަަހަރު އުފުލާލައިފަ އެވެ.
ލިވަޕޫލުން އިތުރު ވިންގް އެއް ހޯދުމުގެ މަސައްކަތް ކުރިއިރު، ކްރިސްޓަލް ޕެލަސްގެ އިސްމާއިލާ ސާ އާއި ބްރައިޓަން ހޯލްވް އެންޑް އަލްބިއަންގެ ޔަންކޫބާ މިންޓޭ ގަންނަން ބިޑްތަކެއް ކުރި އެވެ. އެ ގޮތުން، ކޮންމެ ކުޅުންތެރިއަކަށް ވެސް ކުރި ދެ ބިޑެއް ނާކާމިޔާބުވުމާ އެކު، މި ފަހަރުގެ ޓްރާންސްފާގައި ކޯޑީ ގަކްޕޯ ދޫކޮށްލަން ލިވަޕޫލުން ނިންމި ނިންމުން ބަދަލުކުރި އެވެ. ޓޮޓެންހަމް ހޮޓްސްޕާސް އިން އެންމެ ފުރަތަމަ ގަކްޕޯ އަށް ޝައުގުވެރިކަން ފާޅުކުރިއިރު، ފަހުން މެންޗެސްޓާ ސިޓީން އެ ރޭހަށް ވަނެވެ. އަދި، ސިޓީން 100 މިލިއަން ޑޮލަރުގެ ބިޑެއް ގަކްޕޯ ގަންނަން ކުރި ނަމަވެސް ލިވަޕޫލުން ނިންމީ ބަލައިނުގަންނާށެވެ.
