ރެކޯޑް އަގަކަށް ޗެލްސީގެ އެންޒޯ ގަންނަން ސިޓީން އެއްބަސްވުމަކަށް

Sep 2, 2026, 1:05 AM
ޗެލްސީ މެޗެއްގެ ތެރެއިން އެންޒޯ ފެނާންޑޭސް.

ޗެލްސީ މެޗެއްގެ ތެރެއިން އެންޒޯ ފެނާންޑޭސް.

މެންޗެސްޓާ (ސެޕްޓެމްބަރު 2) - ޗެލްސީ އަށް ކުޅެމުން އައި އާޖެންޓީނާގެ ގައުމީ ޓީމުގެ މިޑްފީލްޑަރު، އެންޒޯ ފެނާންޑޭސް، އިނގިރޭސި ރެކޯޑް ޓްރާންސްފާ ފީ އަކަށް މެންޗެސްޓާ ސިޓީ އަށް ބަދަލުވާން އެއްބަސްވެއްޖެ އެވެ. 

އުމުރުން 25 އަހަރުގެ އެންޒޯ، ސިޓީ އަށް ބަދަލުވާނީ، 169 މިލިއަން ޑޮލަރުގެ ފީ އަކަށެވެ. ބީބީސީން ރިޕޯޓްކުރާ ގޮތުގައި، މިއީ، މިދިޔަ ސީޒަން ފެށުމުގެ ކުރިން، ލިވަޕޫލުން ނިއުކާސަލް ޔުނައިޓެޑްގެ އަލެކްސަންޑަ އިސާކް ގަންނަން ހަރަދުކުރި ވަރުގެ މިންވަރެކެވެ. އެހެން ކަމުން، އިސާކް އާއި އެންޒޯގެ ޑީލަކީ ޕްރިމިއާ ލީގުގެ ޖޮއިންޓް ރެކޯޑެކެވެ. 

ގަތަރުގައި 2022 ވަަނަ އަހަރު ބޭއްވި ވޯލްޑް ކަޕްގެ ޗެމްޕިއަންކަން އާޖެންޓީނާ އިން ހޯދިއިރު، އެ މުބާރާތުގެ އެންމެ މޮޅު ޒުވާން ކުޅުންތެރިޔާ، އެންޒޯ، އެ މުބާރާތަށް ފަހު، ދެން އައި، ޖެނުއަރީ ޓްރާންސްފާ މާކެޓްގައި، ބެންފީކާ ދޫކޮށް ޗެލްސީ އަށް ސޮއިކުރީ ބޮޑު އަގުގަ އެވެ. އެ ގޮތުން، އެންޒޯގެ ސޮއި ހޯދަން ޗެލްސީންް 130 މިލިއަން ޑޮލަރު ދެއްކި އެވެ. އެއީ، އޭރުގެ ޓްރާންސްފާ ރެކޯޑެވެ. 

ސިޓީއާ އެކު ދިގު މުއްދަތުގެ ކޮންޓްރެކްޓެއްގައި އެންޒޯ ސޮއިކުރާއިރު، އޭނާ ހޯދަން ސިޓީ އަށް އެންމެ ބޮޑަށް ބާރު އެޅީ ކުރިން ޗެލްސީގައި ހުރުމަށް ފަހު މިހާރު ސިޓީގެ ކޯޗުކަމާ ހަވާލުވެ ހުރި އެންޒޯ މަރެސްކާ އެވެ. 

ޗެލްސީއާ އެކު، ޔުއެފާ ކޮންފަރެންސް ލީގާއި ފީފާ ކްލަބް ވޯލްޑް ކަޕް ކާމިޔާބުުުކުރި އެންޒޯ ވަނީ އެ ޓީމަށް ކުޅެދިން 170 މެޗުން 31 ލަނޑު ޖަހައި، 30 ލަނޑު ޖަހަން ފުރުސަތު ހޯދައިދީފަ އެވެ. 

ޗެލްސީ މެޗެއްގެ ތެރެއިން އެންޒޯ ފެނާންޑޭސް: އެންޒޯ އަކީ ސިޓީން ރޮޑްރީގެ މަގާމު ފޫބައްދަން ގެނައި ކުޅުންތެރިޔާ.
ޗެލްސީ މެޗެއްގެ ތެރެއިން އެންޒޯ ފެނާންޑޭސް: އެންޒޯ އަކީ ސިޓީން ރޮޑްރީގެ މަގާމު ފޫބައްދަން ގެނައި ކުޅުންތެރިޔާ.

އެންޒޯގެ ޑީލް ނިންމާއިރު، ސިޓީން މި ފަހަރުގެ ޓްރާންސްފާ މާކެޓްގައި ތިން މިޑްފީލްޑަރުން ގަންނަން ބޮޑު ހޭދައެއް މި ވަނީ ކޮށްފަ އެވެ. ސިޓީން ވަނީ މި ފަހަރުގެ ޓްރާންސްފާ މާކެޓްގައި ނޮޓިންހަމް ފޮރެސްޓަށް ކުޅޭ އިނގިރޭސި މިޑްފީލްޑަރު، އެލިއަޓް އެންޑަސަން، 116 މިލިއަން ޑޮލަރު ދީފައި ގަނެފަ އެވެ. އެކަމަކު، އެ ޑީލްގެ އަގު ޖުމްލަ އެކު، 145 މިލިއަން ޑޮލަރަށް އެރުމުގެ ފުރުސަތު އެބައޮތެވެ. އަދި، އޭގެ ފަހުން، ސިޓީން ވަނީ، ފްރާންސްގެ ލިލްއާ އެކު މަޝްވަރާކޮށް، ޖުމްލަ އެކު 116 މިލިއަން ޑޮލަރުގެ ފީއެއް އަރާ ޕެކޭޖެއްގެ ތެރެއިން، މޮރޮކޯގެ މިޑްފީލްޑަރު، އައްޔޫބް ބުއާދީގެ ސޮއި ހޯދައިފަ އެވެ. މާނަ އަކީ މި ތިން މިޑްފީލްޑަރުންނަށް ސިޓީން، ޖުމްލަ އެކު، ޓްރާންސްފާ ފީގެ ގޮތުގައި، 430 މިލިއަން ޑޮލަރު ދައްކަން ޖެހުމުގެ ފުރުސަތު އެބައޮތެެވެ. 

ސިޓީން ވަނީ އެވަޓަން އަށް ކުޅޭ ސެނެގާލްގެ ވިންގް، އިލިމަން އެންޑިއާޔޭ، 88 މިލިއަން ޑޮލަރަށް ގެންނަން ނިންމައިފަ އެވެ. އެއާ އެކު، މި ފަހަރުގެ ޓްރާންސްފާގައި ސިޓީން ކުޅުންތެރިން ގެންނަން ކުރި ހަރަދު ޖުމްލަ އެކު، 600 މިިިލިއަން ޑޮލަރަށް ވުރެން އިތުރުވާނެ އެވެ. 

ކުޅުންތެރިން ގަތުމަށްޓަކައި، ސިޓީން މި ފަަހަރުގެ ޓްރާންސްފާގައި ގިނަ ކުޅުންތެރިންތަކެއް ވަނީ ވިއްކައިފަ އެވެ. އެ ގޮތުން، ސިޓީން ދޫކޮށްލި ކުޅުންތެރިންގެ ތެރޭގައި، ރޮޑްރީ، ސަވިއޯ، ނިކޯ ގޮންޒާލޭޒް، ޓިޖާނީ ރައިންޑާސް އަދި ޖޭމްސް ޓްރަފޯޑް ހިމެނެ އެެވެ. މި ކުޅުންތެރިން ވިއްކައިގެން ސިޓީން، 400 މިލިއަން ޑޮލަރަށް ވުރެން ބޮޑު އާމްދަނީއެއް ވަނީ ހޯދައިފަ އެވެ. 

ކޮމެންޓް

ފަހުގެ ޚަބަރު

މާޒިޔާ އާއި ނިއު ރޭޑިއަންޓް ވަރުގަދަ ފެށުމާ އެކު ކުރިއަށް

އެފްއޭއެމް ވިމެންސް ލީގުގައި ކުޅުނު ފުރަތަމަ ދެ މެޗުން މޮޅުވެ، މާޒިޔާ އާއި ނިއު ރޭޑިއަންޓުން މުބާރާތުގެ ވަރުގަދަ ފެށުމެއް ދަމަހައްޓައިފިއެވެ. މިހާތަނަށް ކުޅުނު މެޗުތަކުން ދެ ޓީމަށްވެސް ހަ ޕޮއިންޓް ލިބިފައިވާއިރު، ލަނޑުގެ ތަފާތުން ތާވަލުގެ އެއްވަނައިގައި އޮތީ ނިއު ރޭޑިއަންޓެވެ. މި މުބާރާތުގެ ފޯރިގަދަ މެޗެއްގައި އަންނަ އާދިއްތަ ދުވަހު ނިއު އާއި މާޒިޔާ ބައްދަލުކުރާނެއެވެ.

ސިޓީއާ ޔުނައިޓެޑުން އަރާހަމަކުރާނެ ކަމަށް ޕޮޗެޓީނޯ ބުނެފި

މެންޗެސްޓާ ޔުނައިޓެޑްގެ ކޯޗުކަމާ ހަވާލުވެ، މައުރީސިއޯ ޕޮޗެޓީނޯ ބުނީ އެ ސަރަހައްދުގެ އެންމެ ކާމިޔާބު ޓީމަކަށް އަލުން ޔުނައިޓެޑް ހަދައި، ސިޓީގެ ކުރި ހޯދާނެ ކަމަށް. ލީގުގެ 18 ވަނައިގައި އޮތް ޔުނައިޓެޑްގެ ހާލަތު ބަދަލުކުރަން ވަގުތު ބޭނުންވާނެ ކަމަށާއި، ނަމަވެސް ފުރަތަމަ ދުވަހުން ފެށިގެން އެ މަސައްކަތް ކުރާނެ ކަމަށް އޭނާ ވަނީ ބުނެފައި.

އެމްއައިބީން ގައުމީ ބިލިއާޑު ޗެމްޕިއަންކަން ހޯދައިފި

ޤައުމީ ބިލިއާޑް މުބާރާތުގެ ފައިނަލުގައި ދިވެހި ސިފައިންގެ ކްލަބް 3-2 އިން ބަލިކޮށް، މޯލްޑިވްސް އިސްލާމިކް ބޭންކް (މިބްސާ) އިން މުބާރާތުގެ ޗެމްޕިއަންކަން ހޯދައިފި. ޖުމްލަ 10 ޓީމު ވާދަކުރި މި މުބާރާތުގެ ޗެމްޕިއަން ޓީމަށް 30,000 ރުފިޔާގެ ފައިސާގެ އިނާމެއް ވަނީ ދީފައި.

ލުކާކޫ، 16 އަހަރަށް ފަހު ބެލްޖިއަމް ޓީމުން ރިޓަޔާކޮށްފި

ބެލްޖިއަމްގެ ގައުމީ ޓީމަށް 16 އަހަރު ކުޅެދިނުމަށްފަހު، އެ ގައުމަށް އެންމެ ގިނަ ލަނޑު ޖަހައިދިން ރޮމެލޫ ލުކާކޫ ބައިނަލްއަގުވާމީ ފުޓްބޯޅައިން ރިޓަޔާކޮށްފި. ޖުމްލަ 135 މެޗުން 94 ލަނޑު ކާމިޔާބުކޮށްފައިވާ ލުކާކޫ އަކީ ބައިނަލްއަގުވާމީ ފުޓްބޯޅައިގައި ފަސްވަނައަށް އެންމެ ގިނަ ލަނޑު ޖެހި ކުޅުންތެރިޔާގެ އިތުރުން ޔޫރޯ ކޮލިފައިންގެ ރެކޯޑް އޮތް ކުޅުންތެރިޔާ

ލިބުނީ މަދު ވަގުތުކޮޅެއް، ޝަކުވާނުކޮށް ހޯދައިދިނީ ސާފްގެ ތަށި!

މި އަހަރުގެ ސާފް ޗެމްޕިއަންޝިޕް ކާމިޔާބުކުރި އިންޑިއާ ޓީމަށް ތައްޔާރުވާން މަދު ވަގުތުކޮޅެއް ލިބުނުއިރު، މުބާރާތުގެ ތެރެއިން މުހިންމު ކުޅުންތެރިންތަކެއް ޓީމުން ވަކިވުމުން ގިނަ ގޮންޖެހުންތަކަކާ ކުރިމަތިލާން ޖެހުނު. ނަމަވެސް ކޯޗު ނައުޝާދުގެ އިރުޝާދުގެ ދަށުން، ޒުވާން ކުޅުންތެރިންނަށް އިތުބާރުކޮށްގެން އިންޑިއާ އިން ވަނީ ޝަކުވާއެއް ނެތި ތަށި ހޯދާފައި

ސާފް ޗެމްޕިއަންޝިޕްގެ ފެއާ ޕްލޭ އެވޯޑް ރާއްޖެ އަށް

ބަންގްލަދޭޝްގައި ނިމުނު ސާފް ޗެމްޕިއަންޝިޕްގައި ރާއްޖެ ކުޅުނު ދެ މެޗުން ބަލިވެ، މުބާރާތުން ކެޓި ނަމަވެސް، މުޅި މުބާރާތުގެ ފެއާޕްލޭ އެވޯޑް ރާއްޖެއަށް ވަނީ ލިބިފައި. މިއީ ލަނޑެއް އަދި ޕޮއިންޓެއް ނުލިބި ރާއްޖެ މި މުބާރާތުން ކެޓި ފުރަތަމަ ފަހަރު ކަމަށްވާއިރު، މިއީ ސާފް ޗެމްޕިއަންޝިޕްގެ ތާރީޚުގައި ރާއްޖެއަށް ލިބުނު އެންމެ ދަށް ނަތީޖާއ

ރިވައިވަލް ބެޑްމިންޓަން ޗެލެންޖް ތަށި ހައިޝަމް އާއި ނަބާ އަށް

އެމްއައިބީ ރިވައިވަލް ބެޑްމިންޓަން ޗެލެންޖުގެ ފިރިހެން ސިންގަލްސް ތަށި ހައިޝަމް އިބްރާހިމް އަލީ ހޯދިއިރު، އަންހެން ސިންގަލްސް ތަށި ކާމިޔާބުކުރީ ފާތިމަތު ނަބާހާ އެވެ. މި މުބާރާތުގެ ފިރިހެން ޑަބަލްސް ޒަޔާން އާއި ނިބާލް ކާމިޔާބުކުރިއިރު، އަންހެން ޑަބަލްސް ތަށި ހޯދީ ނަބާ އާއި ނަބީހާގެ ޕެއާ އިންނެވެ.

Newsletter

Get the latest news delivered straight to your inbox