ހާލަންޑްގެ 300 ވަނަ ގޯލާ އެކު ސިޓީން ރެކޯޑް ދަމަހައްޓައިފި

Sep 5, 2026, 10:04 PM
ކަވެންޓްރީ ކޮޅަށް ސިޓީގެ ލަނޑު ޖެހުމަށް ފަހު ހާލަންޑް އުފާފާޅުކުރަނީ

ކަވެންޓްރީ ކޮޅަށް ސިޓީގެ ލަނޑު ޖެހުމަށް ފަހު ހާލަންޑް އުފާފާޅުކުރަނީ

މެންޗެސްޓާ (ސެޕްޓެމްބަރު 5) - އާލިން ބްރައުޓް ހާލަންޑް، ކްލަބް ކެރިއަރުގައި ޖެހި 300 ވަނަ ގޯލާ އެކު، މެންޗެސްޓާ ސިޓީން 1-0 އިން ކަވެންޓްރީ ސިޓީ ބަލިކޮށް، އިނގިރޭސި ޕްރިމިއާ ލީގުގެ އާ ސީޒަނުގައި ސައްތަ އިން ސައްތަ ރެކޯޑް ދަމަހައްޓައިފި އެވެ. 

ސިޓީން ވަނީ މި ފަހަރުގެ ސީޒަނުގަައި އެންޒޯ މަރެސްކާގެ ކޯޗުކަމުގައި ކުޅޭއިރު، އިނގިރޭސި ޕްރިމިއާ ލީގުގައި މިހާތަނަށް ކުޅުނު ތިން މެޗުން ވެސް މޮޅުވެފަ އެވެ. 

ސިޓީގެ ދަނޑު އިއްތިހާދު ސްޓޭޑިއަމްގައި މިރޭ ކުޅުނު މެޗުގައި ކަވެންޓްރީން މެޗު ފަށައިގެން ކުޅެ ލަނޑު ޖަހާނެ ފުރުސަތުތަކެއް ހޯދި އެވެ. އެ ގޮތުން، ކަވެންޓްރީގެ ފޯވާޑް، ޓައިވޯ އަވޮޔިނީ އަށް ލިބުނު ހުސް ފުރުސަތެއްގައި ފޮނުވާލި ބޯޅަ ދިޔައީ ދަނޑިކައިރިން ބޭރުންނެވެ. 

މެޗުގައި ސިޓީ ޓީމުން ޖެހި ހަަމައެކަނި ލަނޑު ކާމިޔާބުކުރީ، 26 ވަނަ މިނިޓްގައި ހާލަންޑް އެވެ. މިއީ، ސިޓީގެ އަންޓުއާން ސެމެންޔޯ ނެގި ހުރަހަކުން ހާލަންޑް ބޮލުން ޖެހި ގޯލެކެވެ. މި ލަނޑާ އެކު ހާލަންޑް މި ވަނީ ކްލަބް ކެރިއަރުގައި 300 ގޯލު ޖަހައިފަ އެވެ. އެ ގޮތުން، މޯލްޑާ އަށް އޭނާ ވަނީ 50 މެޗުން 20 ލަނޑު ޖަހައިފަ އެވެ. ރެޑްބުލް ސަލްޒްބާގަށް 27 މެޗުން 29 ލަނޑު ޖެހިއިރު، ބޮރޫޝިއާ ޑޯޓްމަންޑަށް 89 މެޗުން 86 ލަނޑު ޖެހި އެވެ. އަދި، މެންޗެސްޓާ ސިޓީ އަށް 202 މެޗުން 165 ލަނޑު ޖަހާފައިވެ އެވެ.

މި މެޗުގައި ހާލަންޑަށް އިތުރު ލަނޑެއް ޖަހަން ރަނގަޅު ފުރުސަތުތައް ލިބި ބޭނުމެއް ނުކުރެވުނުއިރު، ސިޓީގެ ރަޔާން ޗާކީ ފޮނުވާލި ޝޮޓެއް ވަނީ ގޯލުގެ ދަނޑިއަށް އަމާޒުވެފަ އެވެ. މި މެޗުގައި ކަވެންޓްރީން ފޮނުވާލި ގިނަ ހަމަލާތަކެއް ސިޓީގެ ގޯލްކީޕަރު، އިޓަލީގެ ޖިއަންލުއީޖީ ޑޮނަރުންމާ ވަނީ މަތަކޮށްފަ އެވެ. 

ސިޓީ އޮތީ ކުޅުނު ތިން މެޗުން ނުވަ ޕޮއިންޓާ އެކު އެއް ވަނައިގަ އެވެ. 

ލީގުގައި މިރޭ ނިއުކާސަލް ޔުނައިޓެޑުން ވަނީ ފަހު ވަގުތު ލަނޑު ޖަހައި، 2-2 އިން ބޯންމައުތާ އެއްވަރުކޮށްފަ އެވެ. ރޮބާޓޯ ޑި ޒާބީގެ ކޯޗުކަމުގައި ބޮޑު ހަރަދުކޮށް މި ސީޒަނަށް ތައްޔާރުވި ޓޮޓެންހަމް ހޮޓްސްޕާސް އިން އަދި މި ސީޒަނުގައި މޮޅެއް ނުހޯދަ އެވެ. އެ ޓީމުން މިރޭ ކުޅުނު މެޗުގައި، އޮލިވާ ގްލާޒްނާ ހަވާލުވެހުރި، ނޮޓިންހަމް ފޮރެސްޓާ  ވަނީ ލަނޑެއް ނުޖެހި އެއްވަރުވެފަ އެވެ. 

ބްރެންޓްފޯޑާއި ސަންޑަލެންޑް 1-1 އިން އެއްވަރުވިއިރު، ލީޑްސް ޔުނައިޓެޑާއި ބްރައިޓަން ހޯލްވް އެންޑް އަލްބިއަން އެއްވަރުވީ ވެސް އެ ނަތީޖާ އިންނެވެ. އަދި، ކްރިސްޓަލް ޕެލަސް އިން ވަނީ 3-2 އިން ފުލަމްގެ މައްޗަށް ކުރިހޯދައިފަ އެވެ.

ކޮމެންޓް

ފަހުގެ ޚަބަރު

މާޒިޔާ އާއި ނިއު ރޭޑިއަންޓް ވަރުގަދަ ފެށުމާ އެކު ކުރިއަށް

އެފްއޭއެމް ވިމެންސް ލީގުގައި ކުޅުނު ފުރަތަމަ ދެ މެޗުން މޮޅުވެ، މާޒިޔާ އާއި ނިއު ރޭޑިއަންޓުން މުބާރާތުގެ ވަރުގަދަ ފެށުމެއް ދަމަހައްޓައިފިއެވެ. މިހާތަނަށް ކުޅުނު މެޗުތަކުން ދެ ޓީމަށްވެސް ހަ ޕޮއިންޓް ލިބިފައިވާއިރު، ލަނޑުގެ ތަފާތުން ތާވަލުގެ އެއްވަނައިގައި އޮތީ ނިއު ރޭޑިއަންޓެވެ. މި މުބާރާތުގެ ފޯރިގަދަ މެޗެއްގައި އަންނަ އާދިއްތަ ދުވަހު ނިއު އާއި މާޒިޔާ ބައްދަލުކުރާނެއެވެ.

ސިޓީއާ ޔުނައިޓެޑުން އަރާހަމަކުރާނެ ކަމަށް ޕޮޗެޓީނޯ ބުނެފި

މެންޗެސްޓާ ޔުނައިޓެޑްގެ ކޯޗުކަމާ ހަވާލުވެ، މައުރީސިއޯ ޕޮޗެޓީނޯ ބުނީ އެ ސަރަހައްދުގެ އެންމެ ކާމިޔާބު ޓީމަކަށް އަލުން ޔުނައިޓެޑް ހަދައި، ސިޓީގެ ކުރި ހޯދާނެ ކަމަށް. ލީގުގެ 18 ވަނައިގައި އޮތް ޔުނައިޓެޑްގެ ހާލަތު ބަދަލުކުރަން ވަގުތު ބޭނުންވާނެ ކަމަށާއި، ނަމަވެސް ފުރަތަމަ ދުވަހުން ފެށިގެން އެ މަސައްކަތް ކުރާނެ ކަމަށް އޭނާ ވަނީ ބުނެފައި.

އެމްއައިބީން ގައުމީ ބިލިއާޑު ޗެމްޕިއަންކަން ހޯދައިފި

ޤައުމީ ބިލިއާޑް މުބާރާތުގެ ފައިނަލުގައި ދިވެހި ސިފައިންގެ ކްލަބް 3-2 އިން ބަލިކޮށް، މޯލްޑިވްސް އިސްލާމިކް ބޭންކް (މިބްސާ) އިން މުބާރާތުގެ ޗެމްޕިއަންކަން ހޯދައިފި. ޖުމްލަ 10 ޓީމު ވާދަކުރި މި މުބާރާތުގެ ޗެމްޕިއަން ޓީމަށް 30,000 ރުފިޔާގެ ފައިސާގެ އިނާމެއް ވަނީ ދީފައި.

ލުކާކޫ، 16 އަހަރަށް ފަހު ބެލްޖިއަމް ޓީމުން ރިޓަޔާކޮށްފި

ބެލްޖިއަމްގެ ގައުމީ ޓީމަށް 16 އަހަރު ކުޅެދިނުމަށްފަހު، އެ ގައުމަށް އެންމެ ގިނަ ލަނޑު ޖަހައިދިން ރޮމެލޫ ލުކާކޫ ބައިނަލްއަގުވާމީ ފުޓްބޯޅައިން ރިޓަޔާކޮށްފި. ޖުމްލަ 135 މެޗުން 94 ލަނޑު ކާމިޔާބުކޮށްފައިވާ ލުކާކޫ އަކީ ބައިނަލްއަގުވާމީ ފުޓްބޯޅައިގައި ފަސްވަނައަށް އެންމެ ގިނަ ލަނޑު ޖެހި ކުޅުންތެރިޔާގެ އިތުރުން ޔޫރޯ ކޮލިފައިންގެ ރެކޯޑް އޮތް ކުޅުންތެރިޔާ

ލިބުނީ މަދު ވަގުތުކޮޅެއް، ޝަކުވާނުކޮށް ހޯދައިދިނީ ސާފްގެ ތަށި!

މި އަހަރުގެ ސާފް ޗެމްޕިއަންޝިޕް ކާމިޔާބުކުރި އިންޑިއާ ޓީމަށް ތައްޔާރުވާން މަދު ވަގުތުކޮޅެއް ލިބުނުއިރު، މުބާރާތުގެ ތެރެއިން މުހިންމު ކުޅުންތެރިންތަކެއް ޓީމުން ވަކިވުމުން ގިނަ ގޮންޖެހުންތަކަކާ ކުރިމަތިލާން ޖެހުނު. ނަމަވެސް ކޯޗު ނައުޝާދުގެ އިރުޝާދުގެ ދަށުން، ޒުވާން ކުޅުންތެރިންނަށް އިތުބާރުކޮށްގެން އިންޑިއާ އިން ވަނީ ޝަކުވާއެއް ނެތި ތަށި ހޯދާފައި

ސާފް ޗެމްޕިއަންޝިޕްގެ ފެއާ ޕްލޭ އެވޯޑް ރާއްޖެ އަށް

ބަންގްލަދޭޝްގައި ނިމުނު ސާފް ޗެމްޕިއަންޝިޕްގައި ރާއްޖެ ކުޅުނު ދެ މެޗުން ބަލިވެ، މުބާރާތުން ކެޓި ނަމަވެސް، މުޅި މުބާރާތުގެ ފެއާޕްލޭ އެވޯޑް ރާއްޖެއަށް ވަނީ ލިބިފައި. މިއީ ލަނޑެއް އަދި ޕޮއިންޓެއް ނުލިބި ރާއްޖެ މި މުބާރާތުން ކެޓި ފުރަތަމަ ފަހަރު ކަމަށްވާއިރު، މިއީ ސާފް ޗެމްޕިއަންޝިޕްގެ ތާރީޚުގައި ރާއްޖެއަށް ލިބުނު އެންމެ ދަށް ނަތީޖާއ

ރިވައިވަލް ބެޑްމިންޓަން ޗެލެންޖް ތަށި ހައިޝަމް އާއި ނަބާ އަށް

އެމްއައިބީ ރިވައިވަލް ބެޑްމިންޓަން ޗެލެންޖުގެ ފިރިހެން ސިންގަލްސް ތަށި ހައިޝަމް އިބްރާހިމް އަލީ ހޯދިއިރު، އަންހެން ސިންގަލްސް ތަށި ކާމިޔާބުކުރީ ފާތިމަތު ނަބާހާ އެވެ. މި މުބާރާތުގެ ފިރިހެން ޑަބަލްސް ޒަޔާން އާއި ނިބާލް ކާމިޔާބުކުރިއިރު، އަންހެން ޑަބަލްސް ތަށި ހޯދީ ނަބާ އާއި ނަބީހާގެ ޕެއާ އިންނެވެ.

Newsletter

Get the latest news delivered straight to your inbox