ބިލްބާއޯ ވެސް ބަލިކޮށް ބާސެލޯނާގެ ފުރިހަމަ ފެށުން ކުރިއަށް

Aug 28, 2026, 8:53 AM
ރޭގެ މެޗުގައި ބިލްބާއޯ ކޮޅަށް ލަނޑު ޖެހުމަށް ފަހު ބާސެލޯނާ އިން އުފާފާޅުކުރަނީ.

ރޭގެ މެޗުގައި ބިލްބާއޯ ކޮޅަށް ލަނޑު ޖެހުމަށް ފަހު ބާސެލޯނާ އިން އުފާފާޅުކުރަނީ.

ބާސެލޯނާ (އޮގަސްޓް 28) - އެތުލެޓިކް ބިލްބާއޯ 2-0 އިން ބަލިކޮށް، ސްޕެނިޝް ލީގުގެ އާ ސީޒަނުގައި ބާސެލޯނާ އިން ކުޅުނު ދެ ވަނަ މެޗުން ވެސް ރަނގަޅު މޮޅެއް ހޯދައި، ފެށުން ވަރުގަދަކޮށްފި އެވެ. 

ބާސެލޯނާ އިން މި ފަަހަރުގެ ލީގުގައި ކުޅުނު ފުރަތަމަ މެޗުން ރަށުންބޭރުގައި އެލްޗޭ އަތުން ވަނީ 5-0 އިން މޮޅުވެފަ އެވެ. ދެ ވަނަ މެޗު އަމިއްލަ ދަނޑުގައި ކުޅުނުއިރު، ޖުމްލަކޮށް ބަލާއިރު، މެޗު ޑޮމިނޭޓްކޮށްގެން ކުޅެ ރަނގަޅު ކުޅުމެއް ދެއްކި އެވެ. 

ރޭގެ މެޗުގައި ބާސެލޯނާގެ ފުރަތަަމަ ހަމަލާ ފެނިގެންދިޔައީ 23 ވަނަ މިނިޓްގަ އެވެ. އޭރިއާތެެރެއަށް ހުރަސްވި ބޯޅައަކުން ރަފިނިއާ ބޮލުން ފޮނުވާލިއިރު އަމާޒުވީ ދަނޑިއަށެވެ. ރީބައުންސަކަށް ނުކުތް ވަގުތު ބާސެލޯނާގެ ލަމީން ޔަމާލް ފޮނުވާލި ޝޮޓް ކުޅުންތެރިއަކު ގައިގައި ޖެހިފައި ދިޔައީ ބޭރުންނެވެ. 

Advertisement

މެޗުގެ 28 ވަނަ މިނިޓްގައި ޕެޑްރީ ވަނީ ބާސެލޯނާ އަށް ލަނޑެއް ޖަހައިދީފަ އެވެ. އެކަމަކު، އެ އެޓޭކް އެންމެ ފުރަތަމަ ފެށިއިރު، ޔަމާލް އޮފްސައިޑް ވުމުން، ގޯލު ބަލައިނުގަންނަން ނިންމީ އެވެ. އެކަމަކު، މެޗުގެ 38 ވަނަ މިނިޓްގައި ބާސެލޯނާ އިން ލަނޑު ޖަހައި ލީޑުނެގި އެވެ. މިއީ، ޕެޑްރީ ދިން ބޯޅައަކަށް އަރައި، ބިލްބާއޯގެ ކީޕަރު، އުނާއި ސިމޯން ކައިރިން ނައްޓާފައި ރަފީނިއާ ޖެހި ގޯލެކެވެ. މިއީ، ލީގުގެ ފުރަތަމަ ދެ މެޗުން ރަފީނިއާގެ ތިން ވަނަ ގޯލެވެ.

ލީޑުފުޅާކުރަން މެޗުގެ 40 ވަނަ މިނިޓްގައި ޔަމާލަށް ލިބުނު ފުރުސަތުގައި ހުސްކޮށް އަރައި ޖެހި ޝޮޓް ކީޕަރު ސިމޯން ވަނީ މަތަކޮށްފަ އެވެ. އެ ބޯޅަ އެންތަނީ ގޯޑަން އަށް ދިން ނަމަ ގޯލަށް ފޮނުވާލަން އޭނާ އަށް މާ ބޮޑު ފުުރުސަތެއް އޮތެވެ. ދެ ވަނަ ހާފުގެ ކުޅުން ފަށައިގެން، ހަތް މިނިޓް ތެރޭ ޔަމާލް ޖެހި ޝޮޓެއް ވަނީ ހުރަސްދަނޑިއަށް އަމާޒުވެފަ އެވެ. 

މެޗުގެ 75 ވަނަ މިނިޓްގައި ބިލްބާއޯ އިން ނަތީޖާ ހަމަހަމަކުރުމާ ގާތަށް ޖެހިލި އެވެ. އޭރިއާ ރޮނގުކައިރިން އޮއިހާން ސަންކޭ ޖެހި ޝޮޓް އަމާޒުވީ ގޯލުގެ އަރިމަތީ ދަނޑިއަށެވެ. އޭގެ ހަ މިނިޓް ފަހުން، ބާސެލޯނާ އިން ވަނީ ދެ ވަނަ ލަނޑު ޖަހައި ލީޑުފުޅާކޮށްފަ އެވެ. މެޗުގެ 81 ވަނަ މިނިޓްގައި ބިލްބާއޯގެ ޑިފެންޑަރުންނަށް ހެދުނު ގޯހެއްގެ ފައިދާނަގައި މި ލަނޑު ޖެހީ ފާމިން ލޮޕޭޒް އެވެ. ލީގުގައި ބާސެލޯނާ އިން ކުޅުނު ފުރަތަމަ މެޗުގައި ވެސް ފާމިން ލޮޕޭޒް ވަނީ ލަނޑު ޖަހައިފަ އެވެ. 

ބާސެލޯނާ އަށް ތިން ވަނަ ލަނޑެއް ޖަހައިދޭން ކަރީމް އަޑެޔޭމީ ޖެހި ޝޮޓް މީޕަރު ސިމޯން ވަނީ ހުއްޓުވައިފަ އެވެ. 

މި ފަހަރުގެ ސީޒަނުގައި ކޮންމެ ޓީމެއް ލީގުގައި ދެ މެޗު ކުޅުނުއިރު، ހަތަރު ޓީމެއް ވަނީ ފުރަތަމަ ދެ މެޗުން މޮޅުވެފަ އެެވެ. އެއީ، އެއް ވަނައިގައި އޮތް ބާސެލޯނާ، ދެ ވަނައިގައި އޮތް ރެއާލް މެޑްރިޑް، ތިން ވަނައިގައި އޮތް ސެވިއްޔާ އަދި ހަތަރެއްގައި އޮތް ރެއާލް ބެޓިސް އެވެ. 

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox