ފަހު ވަގުތު އެސްޕީ ޖެހި ގޯލުން ރެއާލް ފެށީ މޮޅަކުން

Aug 23, 2026, 8:46 AM
އެސްޕަންޔޯލް ކޮޅަށް ލަނޑު ޖެހުމަށް ފަހު ރެއާލްގެ އެސްޕީ އުފާފާޅުކުރަނީ.

އެސްޕަންޔޯލް ކޮޅަށް ލަނޑު ޖެހުމަށް ފަހު ރެއާލްގެ އެސްޕީ އުފާފާޅުކުރަނީ.

ބާސެލޯނާ (އޮގަސްޓް 23) - މެޗުގެ ފަހު ވަގުތު، ކާލޯސް އެސްޕީ ޖެހި ގޯލުން 2-1 އިން އެސްޕަންޔޯލް ބަލިކޮށް ރެއާލް މެޑްރިޑުން ސްޕެނިޝް ލަލީގާގެ އާ ސީޒަނުގައި ކުޅުނު ފުރަތަމަ މެޗުން މޮޅުވެއްޖެ އެވެ. 

ދެ ވަނަ ފަހަރަށް ރެއާލްގެ ކޯޗުކަމާ ހަވާލުވި ހޯސޭ މޮރީނިއޯގެ އިރުޝާދުގެ ދަށުން މި ސީޒަނަށް ތައްޔާރުވި، ރެއާލުން ރޭގެ މެޗު ފަށައިގެން މާ ލަސްތަކެއް ނުވެ ލީޑުނެގި އެވެ. އެ ގޮތުން، އެސްޕަންޔޯލް ދަނޑުގައި ކުޅުނު މި މެޗުގެ ނުވަ ވަނަ މިނިޓްގައި ރެއާލަށް ލީޑުނަގައިދިން ލަނޑު ޖެހީ އިނގިރޭސި މިޑްފީލްޑަރު، ޖޫޑް ބެލިންހަމް އެވެ. މިއީ، ރެއާލަށް ކުޅޭ ތުރުކީގެ ތަރި، އާޑާ ގުލާ، ހިލޭ ޖެހުމަކުން ނެގި ބޯޅައަކުން ބެލިންހަމް ބޮލުން ޖެހި ގޯލެކެވެ. 

އެކަމަކު، ރެއާލަށް ފުރަތަމަ ހާފު ނިމެންދެން ވެސް ލީޑުގައި އޮވެވޭ ގޮތެއްނުވި އެވެ. މެޗުގެ 30 ވަނަ މިނިޓްގައި އެސްޕަންޔޯލުން ވަނީ ލަނޑު ޖަހައި ނަތީޖާ އެއްވަރުކޮށްފަ އެވެ. މި ލަނޑު އެ ޓީމަށް ޖަހައިދިނީ، މި ފަހަރުގެ ޓްރާންސްފާގައި އެ ޓީމާ ގުޅުނު ކާލާ އެެވެ. ރެއާލް އޭރިއާތެރެއިން ހުސްކޮށް އަރައި، އޭނާ މި ލަނޑު ޖެހިއިރު، ރެއާލްގެ ޑިފެންޑަރުން ތިބީ ބަލަހައްޓައިގެންނެވެ. ކާލާ، މި ލަނޑު ޖަހަން ފުރުސަތު ތަނަަަސްކޮށްދިނީ ޖަވީ ހެނާންޑޭޒް އެވެ. 

ރެއާލުން މެޗު ޑޮމިނޭޓްކޮށްގެން ކުޅުނުއިރު، ދެ ވަނަ ފަހަރަށް ލީޑުނެގޭތޯ ކުރި މަސައްކަތުގައި ފޮނުވާލި ދެ ހަމަލާއެއް ވަނީ ގޯލުގެ ދަނޑިއަށް އަމާޒުވެފަ އެވެ. އެއީ، ބެލިންހަމް ބޮލުން ފޮނުވާލި ބޯޅައަކާއި ފެޑެރީކޯ ވަލްވޭޑޭ ޖެހި ޝޮޓެކެވެ. 

ރެއާލް މޮޅުވި ލަނޑު ޖެހި ގޯލަކީ، އޭރިއާތެރެއިން އެސްޕީ އަށް ލިބުނު ފުރުަސަތެއްގައި ކާމިޔާބުކުރި ލަނޑެކެވެ. އެންމެ އަގުބޮޑު އެފްރިކާ ކުޅުންތެރިޔާގެ ގޮތުގައި ރެއާލުން ގަތް، ޔަން ޑިއޮމަންޑޭ، އެ ޓީމުގެ ކީލިއަން އެމްބާޕޭ އަށް ދިން ބޯޅައަކުން، ތަނަވަސްވި ފުރުސަތެއްގައި، އެސްޕީ އަށް ލިބުމާ އެކު، އޭނާ ވަނީ ހަމަޖެހިލައިފައި ގޯލަށް ފޮނުވާލައިފަ އެވެ. އެސްޕީ އަކީ، ރެއާލުން، 24 މިލިއަން ޑޮލަރަށް ލެވަންޓޭ އިން ގަތް ސްޕެއިނުގެ ފޯވާޑެކެވެ. 

ތިން އަހަރުގެ ކޮންޓްރެކްޓެއްގައި ރެއާލާ ހަވާލުވި މޮރީނިއޯ އެ ޓީމާ އެކު މޮޅަކުން ސީޒަން ފެށިއިރު، ރޭގެ މެޗަށް ފަހު އޭނާ ވަނީ ވަރަށް ގިނަ ކަންކަން ރެއާލުން ރަނގަޅުކުރަން ޖެހޭ ކަމަށް ބުނެފަ އެވެ. މޮރީނިއޯ ވަނީ މީގެ ކުރިން، 2010 އިން 2013 އަށް ރެއާލަށް އިރުޝާދުދީފަ އެވެ. 

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox