މެޑްރިޑް (އޮގަސްޓް 27) - ކީލިއަން އެމްބާޕޭގެ ހެޓްރިކާ އެކު، 4-1 އިން ސްޕެނިޝް ލީގުގައި ރޭ ރެއާލް މެޑްރިޑުން މޮޅެއް ހޯދައިފި އެވެ.
ދެ ވަނަ ފަހަރަށް ރެއާލްގެ ކޯޗުކަމާ ހަވާލުވި ހޯސޭ މޮރީނިއޯގެ އިރުޝާދުގެ ދަށުން، ސްޕެނިޝް ލީގުގައި ރެއާލުން ކުޅުނު ފުރަތަމަ މެޗުގައި ފަހު ވަގުތު މޮޅުވީ އެސްޕަންޔޯލް އަތުން 2-1 އިންނެވެ. ރޭގެ މެޗުގެ ފުރަތަމަ ހާފު ނިމުނުއިރު، އަމިއްލަ ދަނޑުގަައި ރެއާލް އޮތީ 1-1 އިން އެއްވަރުވެފަ އެވެ. ރެއާލް މޮޅުވީ ދެ ވަނަ ހާފުގައި ޖެހި ލަނޑުތަކާ އެކު އެވެ.
ރެއާލްގެ ސަންޓިއާގޯ ބާނަބައުގައި ރޭ ކުޅުނު މެޗުގެ ހަ ވަނަ މިނިޓްގައި ވިނީޝިއުސް ޖޫނިއާ ދިން ބޯޅައަކުން އޭރިއާތެރެއިން އެމްބާޕޭ ފޮނުވާލި ހަަމަލާ ސޮސިއެޑާޑްގެ ކީޕަރު، އަލެކްސް ރެމީރޯ ވަނީ މަތަކޮށްފަ އެވެ. މެޗުގެ 40 ވަނަ މިނިޓްގައި ރެއާލުން ލީޑުނެގިއިރު، އެ ގޯލުގައި ފެނުނީ އެމްބާޕޭ އާއި ފެޑެރީކޯ ވަލްވޭޑޭގެ ކޮމްބިނޭޝަން އެވެ. ވަލްވޭޑޭ، ދިން ބޯޅަ، އެމްބާޕޭ ވަނީ ގޯލުގެ މަތީ ކަނަށް އަމާޒުކޮށްލައިފަ އެވެ.
ކުރިހޯދި ނަމަވެސް، ރެއާލަށް ލީޑުގައި އޮވެ، ފުރަަތަމަ ހާފު ނިންމައެއް ނުލެވުނެވެ. އެ ގޮތުން، މެޗުގެ 44 ވަނަ މިނިޓްގައި އުފެއްދި ކައުންޓަ އެޓޭކަކުން، ސޮސިއެޑާޑުން ލަނޑު ޖަހައި އެއްވަރުކުރި އެވެ. މިއީ، ރެއާލްގެ އޭރިއާތެރެއިން ލިބުނު ފުރުސަތަކުން، ލޫކާ ސުޗިޗް ޖެހި ގޯލެކެވެ.
މެޗުގެ 60 ވަނަ މިނިޓްގައި އެމްބާޕޭ ވަނީ ރެއާލަށް މި މެޗުގައި ދެ ވަނަ ފަހަރަށް ލީޑުނަގައިދީފަ އެވެ. މިއީ، ޖޫޑް ބެލިންހަމް ދިން ބޯޅައަކުން އޭރިއާތެރެއިން އެމްބާޕޭ ޖެހި ގޯލެކެވެ. އޭގެ އަށް މިނިޓް ފަހުން، ބެލިންހަމް އޭރިއާތެރެއިން ބޯޅައެއް ހޯދައި ހުސްކޮށްލާފައި ތަނަވަސްކޮށްދިން ފުރުސަތަކުން ވިނީޝިއުސް ވަނީ ރެއާލްގެ ލީޑުފުޅާކޮށްދީފަ އެވެ. އަދި، މެޗުގެ 80 ވަނަ މިނިޓްގައި، ވިނީޝިއުސް ދިން ބޯޅައަކަށް އަރައި، އެމްބާޕޭ ގޯލު ޖަހައި ހެޓްރިކް ފުރިހަމަކުރި އެވެ.
ރެއާލުން ވަނީ އިތުރު ވަަގުތުގެ ފުރަތަމަ މިނިޓްގައި ލަނޑެއް ޖަހައިފަ އެވެ. އެކަމަކު، ބްރަހިމް ޑިއާޒް ޖެހި މި ގޯލު ވީޑިއޯ އެސިސްޓަންޓް ރެފްރީ (ވީއޭއާރް) އިން ބަލާފައި ނިންމީ އޮފްސައިޑް ކަމަށެެވެ.
ރެއާލްގެ ކޯޗު، މޮރީނިއޯ ވަނީ މެޗަށް ފަަހު، އެމްބާޕޭ އަށް ވަރަށް ބޮޑަށް ތައުރީފުކޮށްފަ އެވެ. އަދި، ފީފާ ވޯލްޑް ކަޕްގައި ލަނޑު ޖެހުމުގެ ރަަނގަޅު ރެކޯޑެއް އޮތް އެމްބާޕޭ އަކީ ރެއާލް މެެޑްރިޑްގައި ވެސް ތާރީހުގައި ލިޔެވޭނެ ކަންތައްތަކެއް ހާސިލްކުރާނެ ކުޅުންތެރިއެއް ކަމަށާއި ލަނޑު ޖެހުމުގެ އިތުރުން ވެސް އެމްބާޕޭ އަކީ މުޅި ޓީމުގެ ކޮމްބިނޭޝަނަށް ވެސް މުހިންމު ކުޅުންތެރިއެއް ކަމަށް މޮރީނިއޯ ފާހަގަކުރި އެެވެ.
