ފެނަކައިން ވަކިކުރި 189 މުވައްޒަފުންގެ ހައްގުގައި އައްޑޫސިޓީގައި މާދަމާ ހެނދުނު މުޒާހަރާ ކުރަން ނިންމައިފި

އައްޑޫ ސިޓީ ހިތަދޫގެ މަތިން ފެންނަ ފޮޓޯއެއް --

އައްޑޫ ސިޓީ ހިތަދޫގެ މަތިން ފެންނަ ފޮޓޯއެއް --

އައްޑޫ ސިޓީގައި މަސައްކަތްކުރާ ފެނަކަ ކޯޕަރޭޝަންގެ 189 މުވައްޒަފުން ވަކިކުރުމާ ދެކޮޅަށް ހިތަދޫ ފެނަކަ އޮފީސް ދޮރުމަތީގައި މާދަމާ ހެނދުނު މުޒާހަރާއެއް ކުރަން ނިންމައިފި އެވެ.

އައްޑޫ ސިޓީގެ މޭޔަރު، އަލީ ނިޒާރު ސޯޝަލްމީޑިއާގައި ކޮށްފައިވާ ޕޯސްޓެއްގައި ބުނީ އެ މުޒާހަރާ ފަށަން ނިންމާފައި ވަނީ މާދަމާ ހެނދުނު 10:30 ގައި ހިތަދޫ ފެނަކަ އޮފީސް ކުރިމަތީގައި ކަމަށެވެ.

"ސިޔާސީ މަގާމުތައް އިތުރުކޮށް ނިކަމެތި ރައްޔިތުން ވަޒީފާއިން ވަކިކުރުމަކީ އަނިޔާއެއް ތަފާތު ކުރުމެއް، ފެނަކައިގެ އަނިޔާވެރި ސިޔާސަތާއި ދެކޮޅަށް ނިކުންނަވާ. އަވައޭޝުން، އަވަ ހިއްނެށުން،" އަލީ ނިޒާރު ލިޔުއްވާފައިވެ އެވެ.

ފެނަކަ އޮފީސް ދޮރުމަތީގައި ކުރަން ނިންމާފައިވާ އެ މުޒާހަރާއަށް ދީފައިވާ ނަމަކީ 'ބަނޑަފުރާނާއި ނިކޮޅު' އެވެ.

މި ސަރުކާރުގެ ސިޔާސަތުތަކާ ދެކޮޅަށް އައްޑޫ ރައްޔިތުން މުޒާހަރާކުރަން މޭޔަރު ނިޒާރު ގޮވާލައްވައިފި

މޭޔަރު ވިދާޅުވީ މި ނިންމުމުގެ ސަބަބުން އައްޑޫގެ އިގުތިސާދަށް ގެއްލުންވެ އާއިލާތައް ބިކަވާނެ ކަމަށާއި، ގާނޫނީ އިމުގެ ތެރެއިން ކުރާ އިހުތިޖާޖުތަކުގައި އޭނާ ބައިވެރިވެވަޑައިގަންނަވާނެ ކަމަށެވެ.

އައްޑޫ ފެނަކައިގައި މަސައްކަތްކުރާ އެތައް މުވައްޒަފުންނެއް އެ ކުންފުނީގެ ވަޒީފާއިން ވަކިކުރީ މި މަހުގެ 13 ވަނަ ދުވަހު އެވެ. އެ މުވައްޒަފުން ވަޒީފާއިން ވަކިކޮށްފައި ވަނީ އައްޑޫ ސިޓީގެ ތިން ދާއިރާ ތަމްސީލުކުރައްވާ، އަހުމަދު އަޒާން މަރުޒޫގު އާއި އިބްރާހިމް ދީދީ(އައިބީ) އަދި އިސްމާއިލް ނިޒާރުގެ އިރުޝާދުގެ ދަށުން ކަމަށް އައްޑޫ ސިޓީގެ މޭޔަރު، އަލީ ނިޒާރު ތުހުމަތު ކުރައްވަ އެވެ.

އެކަމާ ބެހޭގޮތުން މީގެކުރިން އަދަދުއާ ވާހަކަދައްކަވަމުން ނިޒާރު ވިދާޅުވީ ވަޒީފާއިން ކަނޑާލާފައި ވަނީ އައްޑޫ ފެނަކައިގައި މަސައްކަތްކުރާ ސުޕަވައިޒަރު ލެވެލްއަށް ވުރެ ދަށް ފަންތީގެ މުވައްޒަފުން ކަމަށެވެ.

އެކަމުގެ ކަންބޮޑުވުން އުފެދިފައި ވަނިކޮށް، ފެނަކަ ކޯޕަރޭޝަންގެ 189 މުވައްޒަފުން ވަކިކުރުމާ ގުޅިގެން އެ މުވައްޒަފުންގެ ހައްގުގައި ވަކާލާތުކުރަން ސ. ހިތަދޫ ފެނަކަ ވައިބާ ކޮމިއުނިޓީ ގްރޫޕް ވަނީ މިހާރު ހާއްސަކޮށްފަ އެވެ.

ވަކިކުރި 189 މުވައްޒަފުންގެ ހައްގުގައި ވަކާލާތުކުރަން ހިތަދޫ ފެނަކަ ވައިބާ ކޮމިއުނިޓީ ހާއްސަކޮށްފި

ފެނަކަ ކޯޕަރޭޝަނުން އައްޑޫ ސިޓީގެ 189 މުވައްޒަފުން ވަކިކުރުމާ ގުޅިގެން، އެ މީހުންގެ ހައްގުގައި ވަކާލާތުކުރުމަށް "ހިތަދޫ ފެނަކަ" ވައިބާ ގްރޫޕްގެ ނަމާއި އަމާޒު ވަނީ ބަދަލުކޮށްފައި. މި ނިންމުމަކީ ސިޔާސީ ނުފޫޒުން އާއިލާތަކަށް ދިން ބޮޑު ދެރައެއްގެ ގޮތުގައި އެ ގްރޫޕުގައި ވަނީ ސިފަކޮށްފައި.

ގާތްގަނޑަކަށް 4،000 އަށްވުރެ ގިނަ މީހުން ތިބޭ އެ ވައިބާ ގްރޫޕްގެ ސުޕަ އެޑްމިންއަކު ވަނީ ގްރޫޕްގެ ނަން "ނާއިންސާފުން 189 މުވައްޒަފުން ވަކިކުރުމާ ދެކޮޅަށް" އަށް ބަދަލުކޮށް، ގްރޫޕްގެ އައިކަންވެސް ހައްގުތައް ހޯދުމަށް ހިތްވަރުދޭ ލިޔުމެއް ހިމެނޭ ފޮޓޯއަކަށް ބަދަލުކޮށްފަ އެވެ.  އެ ގްރޫޕަކީ ކުރިން ހިތަދޫ ކޮމިއުނިޓީއަށް ބޭނުންވާ މެސެޖުތައް ފޯރުކޮށްދޭން ހިތަދޫ ފެނަކައިން ބޭނުން ކުރަމުންދިޔަ ގްރޫޕެކެވެ. 

ގްރޫޕަށް ސުޕަ އެޑްމިންއަކު ފޮނުވި މެސެޖެއްގައި ބުނީ ކުންފުނި "ރައިޓް ސައިޒް" ކުރުމުގެ ނަމުގައި އެއްވެސް ހަމައެއް އިންސާފެއް ނެތި ހިތަދޫ އަދި މަރަދޫފޭދޫ ފެނަކަ އޮފީހުން 189 މުވައްޒަފުން ވަކިކޮށް މަގުމަތިކޮށްފައިވާ ކަމަށެވެ. 

އޭނާ ބުނީ ވަޒީފާއިން ވަކިކުރި މުވައްޒަފުންގެ ތެރޭގައި ހިމެނެނީ އެންމެ ރަނގަޅަށް މަސައްކަތް ކުރަމުންދިޔަ މީހުން ކަމަށެވެ. 

އައްޑޫގެ އިތުރުން ވެސް ރާއްޖޭގެ އެކި ކަންކޮޅުގައި މަސައްކަތްކުރާ ސަރުކާރު ހިއްސާވާ ކުންފުނިތަކުގެ މުވައްޒަފުން ގެންދަނީ ވަޒީފާއިން ވަކިކުރަމުންނެވެ. އޭގެ ސަބަބެއްގެ ގޮތުގައި ކުންފުނިތަކުން ދައްކަނީ ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ) އިން ނެރެފައިވާ ސާކިއުލާ އެވެ. 

ސަރުކާރު ހިއްސާވާ ކުންފުނިތަކުން 33 ޕަސެންޓު މުވައްޒަފުން ވަކިކުރަން ޕީސީބީން އެންގީ މިދިޔަ އޭޕްރިލް މަހު އެވެ. ޕީސީބީގެ އެ އެންގުމަކީ ލޯކަލް ކައުންސިލް އިންތިހާބާއި ފެންނަ ނުފެންނަ ވޯޓުގައި ސަރުކާރަށް ލިބުނު ނާކާމިޔާބީގެ ސަބަބުން، އެންެގި އެންގުމެއް ކަމަށް ގިނަ ބަޔަކު އަންނަނީ ބުނަމުންނެވެ.

އެ ސާކިއުލާއާ އެއްގޮތަށް، ސަރުކާރު ހިއްސާވާ ކުންފުނިތަކުން 33 ޕަސެންޓު މުވައްޒަފުން ތިން މަސްދުވަހުގެ ތެރޭގައި ވަކިކޮށް ނިންމުމަށް އަންގައި މިދިޔަ މަހުގެ 18، ގައި ޕީސީބީން ވަނީ އިތުރު ސާކިއުލާއެއް ނެރެފަ އެވެ. އެ ސާކިއުލާގައި އަންގާފައި ވަނީ ޖުލައި 13. އިން ފެށިގެން ތިން މަސްދުވަހުގެ ތެރޭގައި އެ މަސައްކަތްކޮށް ނިންމުމަށެވެ. އެ މުއްދަތު ހަމަވާނީ އަންނަ އޮކްޓޫބަރު މަހު އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox