މި ސަރުކާރުން އައްޑޫގައި ހިންގާ ކަމަށް ބުނާ މަގު ހެދުމާއި ކަރަންޓުގެ މަޝްރޫއަކީ ސްކޭމެއް: ނިޒާރު

އައްޑޫ ސިޓީ މޭޔަރު އަލީ ނިޒާރު

އައްޑޫ ސިޓީ މޭޔަރު އަލީ ނިޒާރު

މި ސަރުކާރުން އައްޑޫގައި ހިންގާ ކަމަށް ބުނާ މަގު ހެދުމާއި ކަރަންޓުގެ މަޝްރޫއަކީ ސްކޭމެއް ކަމަށް އައްޑޫ ސިޓީގެ މޭޔަރު އަލީ ނިޒާރު މިއަދު ވިދާޅުވެއްޖެ އެވެ. 

އަދަދު ނޫހުން ގެނެސްދޭ ރަށު ނޯޓު ޕްރޮގްރާމުގައި ނިޒާރު ވިދާޅުވީ އައްޑޫ މަގު ހެދުމުގެ މަޝްރޫއަކީ މި ސަރުކާރުން އެންމެ އިސްކަންދީގެން ކުރަންޖެހޭ ކަމަކަށްވާއިރު، އެ މަޝްރޫއު ކުރިއަށްގެންދާގޮތުން އެއީ މިހާރު ސްކޭމެއް ކަމަށެވެ. 

"މަގު ހެދުމަކީ ބޮޑު ސްކޭމެއް އައްޑޫގައި ހިންގާ. ހަގީގަތުގައި ސަރުކާރުން [މި ސަރުކާރުން] އައްޑޫގެ މަގު ހެދުމަކީ އެންމެ އިސްކަންދޭންޖެހޭ އެއް ކަން. މި ސަރުކާރުން ހިންގާ ސްކޭމެކޭ މިދެންނެވީ. މި ސަރުކާރުން އައްޑޫގެ މަގު ހެދުމާއި އެގެންދަން އުޅޭ މަސައްކަތަކީ ސްކޭމެކީ މިދެންނެވީ،" ނިޒާރު ވިދާޅުވި އެވެ. 

Advertisement

ނިޒާރު ވިދާޅުވީ އެ މަޝްރޫއު 800 މިލިއަން ރުފިޔާއަށް އާރްޑީސީއާ ހަވާލުކޮށްގެން އެތަނަށް މުވައްޒަފުންނަށްވުރެ ގިނަ ގިނައިން މެނޭޖަރުން ނަގައިގެންވެސް އެއްވެސް ނަތީޖާއެއް ނުނިކުތުމުން އެއީ ސްކޭމެއް ކަމަށް ސިފަކުރެވޭ ކަމަށެވެ. 

"އާރްޑީސީއަށް 800 މިލިއަން ރުފިޔާއަށް މަސައްކަތް ހަވާލުކުރެވިގެން، އާރްޑީސީއަށް ވެހިކަލްތައް ގެނެވިގެން، އާރްޑީސީގެ އޮފީސް ހަދައި، އާރްޑީސީގައި މުވައްޒަފުން ނަގައި، އެތާ މެނޭޖަރުން ގިނަ މަސައްކަތު މީހުންނަށްވުރެ.  އެ ހުރިހާ ކަންކަން އެ ކުރެވެނީ މިކަހަލަ ކަންކަމުގައި ނަތީޖާ ނުފެންނަންޏާމުން މިއީ ސްކޭމަކަށް ނުވާ އެއްވެސް ސަބަބެއް ނެތް،" މޭޔަރު ވިދާޅުވި އެވެ. 

ސިޓީބިޓީ: އިންތިހާބީ ކަޑައަކުން އައްޑުއަށް ކަރަންޓެއް ނުލިބޭނެ

މިދިޔަ އެމްޑީޕީ ސަރުކާރުން އައްޑޫ މަގު ހެދުމުގެ 100 ކިލޯ މީޓަރު ހިމެނޭ މަޝްރޫއުގެ މަސައްކަތުގެ ބޮޑުބައި ނިންމިއިރު ބާކީ ނުނިމިއޮތީ ލިންކް ރޯޑުގެ މަސައްކަތްކަން ފާހަގަކުރައްވާ ނިޒާރު ވިދާޅުވީ އެއީ ގާތްގަނޑަކަށް 12 ކިލޯ މީޓަރު ކަމަށެވެ. ނަމަވެސް ސަރުކާރުގެ ބަހާއި އަމަލު ދިމާނުވެ، އެ މަސައްކަތް ނުވެސް ފެށިގެން އުޅޭ ކަމަށް އޭނާ ވިދާޅުވި އެވެ. 

"100 ކިލޯމީޓަރުގެ މަގު ހަދާ ނިންމާ ކޮމްޕްލީޓްކޮށްފައި ހަމައެކަނި  އެންމެ މުހިންމު ތަނެއް ގޮތުގައި އޮތީ ލިންކްރޯޑް. އައްޑޫ ލިންކްރޯޑުގެ މަގެއް ގޮތުގައި ބްރިޖް މިހާރު އިން ގޮތަށް ކަނެކްޓިވިޓީ ހިތަދޫއާ ހަމައަށް ދިނުމަށްޓަކައި އެ ޕްރޮޖެކްޓަކީ ފަށަން ތައްޔާރުވެފައި އޮތް ޕްރޮޖެކްޓެއް،" ނިޒާރު ވިދާޅުވި އެވެ. 

"ސޯލިހުގެ ވެރިކަން އޮތްނަމަ މެދުނުކެނޑި ހަމަ ޕްރޮޖެކްޓް އެއްކޮށް ދެމިގެންދާ ގޮތަށް ޕްރޮޖެކްޓް ރޭވިފައި އިން ކަމެއް އެ ކަމަކީ. އެހެންނަމަވެސް އެ ލިންކްރޯޑުގައި އެ ހިމެނޭ ގާތްގަނޑަކަށް 12 ވަރަކަށް ކިލޯމީޓަރުގެ ސަރަހައްދުގައި ތާރުކޮޅެއް ނޭޅިގެން އެ އުޅެނީ."

އައްޑޫއަށް ދިމާވެފައިވާ ކަރަންޓުގެ މައްސަލަ ހައްލުކުރުމަށް ބަޔަކާ ހަވާލުކުރި ކަމަށް ދައްކަން ބޭއްވި އިވެންޓަކީވެސް ސްކޭމެއް ކަމަށް ނިޒާރު ވިދާޅުވި އެވެ. މޭޔަރު ވިދާޅުވީ ސްކޭމެއް ކަމަށް ސިފަކުރައްވަނީ ރައްޔިތުން އޮޅުވާލުމަށް ރާވައިގެން ކަންކަން ކުރާތީ ކަމަށެވެ. 

އައްޑޫ ޕަވާ ސްޓޭޝަން ހަވާލުކުރި ކުންފުނީގެ އެއްވެސް މައުލޫމާތެއް ނެތް!

އަދަދު ނޫހުން މި ކުންފުންޏާ ބެހޭ މައުލޫމާތު ހޯދުމުގެ މަސައްކަތް ފެށީ 31 މިލިއަން ޑޮލަރުގެ އަގުބޮޑު ޕްރޮޖެކްޓެއް މި ކުންފުންޏާ ހަވާލުކުރުމުން، އެއީ އެ ވަރުގެ މަސައްކަތެއް ކުރެވޭ ވަރުގެ ގާބިލު ކުންފުންޏެއްތޯ ވަޒަން ކުރުމުގެ ގޮތުން

"އެވެސް ސްކޭމެއް [ކަރަންޓް މަޝްރޫއު]. ސްކޭމެކޭ މިދަންނަވަނީ ސްކޭމްތައް ރާވާ މީހުން ކަންކަން ކުރާ ގޮތަށް އެކުރަނީ. ރައްޔިތުންނަށް އޮޅުވާލައި ޕްރޮޖެކްޓްތައް ހަވާލުކުރުމަކީ އެއީ އަޅުގަނޑުމެން ދައްކާ ވާހަކައަކީ. މިއީ ބޮޑެތި ސްކޭމްތަކެއް މިއުޅެނީ. ބަޔަކު ގެންގޮސްގެން ބޮޑު ފަންކްޝަނެއް ބާއްވާފައި. ޖެނެރޭޓަރުތަކުގެ ފޮޓޯ ދައްކައި،" ނިޒާރު ވިދާޅުވި އެވެ. 

ކަރަންޓުގެ މައްސަލަ ހައްލުކުރަން ހަވާލުކުރި މަޝްރޫއުގައި ސޮއިކުރުމަށްފަހު އެ ކުންފުނީގެ ހަބަރެއްވެސް ނުވާ ކަމަށާއި އައްޑޫގައި ތަރައްގީގެ އެއްވެސް މަޝްރޫއެއް މިވަގުތު ކުރިއަށް ނުދާ ކަމަށް ނިޒާރު ވިދާޅުވި އެވެ. 

އައްޑޫގެ ގުޅިފައިވާ ރަށްތަކަށް ދިމާވެފައިވާ ކަރަންޓު މައްސަލަ ހައްލުކުރަން އެ ސިޓީ ހިތަދޫގައި ގާއިމުކުރާ ސެންޓްރަލް ޕަވާ ސްޓޭޝަން ޕްރޮޖެކްޓު 31 މިލިއަން ޑޮލަރަށް ހަވާލުކުރި ޑެފިނިޓް ސޮލިއުޝަންސްއަކީ ވެބްސައިޓެއްހާ ހިސާބު ވެސް ނެތް ކުންފުންޏެކެވެ. 

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox