ޑޮލަރަށްވަމުން އެދަނީ ތިންރޮށީގެ ވާހަކައިގައި ވީގޮތެވެ.

ވަރަށް އިހުޒަމާނުގައި ބޭނުންކުރި އަރަބި ރޮށީގެ ވައްތަރެއް

ވަރަށް އިހުޒަމާނުގައި ބޭނުންކުރި އަރަބި ރޮށީގެ ވައްތަރެއް

އިސްރާއީލީ ރިވާޔަތެއްގައިވެ އެވެ. ޢީސާގެފާނު މީހަކާއެކު ދަތުރަކު ނުކުންނެވި އެވެ. މީގެ ދެކަލުން ދަތުރުކުރަމުން ގޮސް ކޯރެއްގެ އައްސޭރީގައި ޖައްސާލި އެވެ. އަދި ދަތުރުގެ ކޮއްތުގެ ގޮތުގައި ގެނައި ތިން ރޮށީގެ ތެރެއިން ދެރޮށި ދެކަލުން ވެގެން ކާލައިފި އެވެ. އެޔަށްފަހު ޢީސާގެފާނު ކޯރާ ދިމާއަށް ވަޑައިގެން ފެންފޮދެއް ހިއްޕަވައިގެން އެނބުރި ވަޑައިގެންފައި ބެއްލެވިއިރު، ބާކީ އޮތް ރޮށްޓެއް ނެތެވެ. ދެން އެކުވެރިޔާއަށް ވިދާޅުވި އެވެ. ބާކީ އޮތް ރޮށި ކޮބާހެއްޔެވެ؟ އެމީހާ ދެންނެވި އެވެ. ނޭނގެ އެވެ.

ދެން މީގެ ދެކަލުން ވަކި ހިސާބަކަށް ދެވުނު ތަނާ ފުއްލާއަކާ ދިމާވި އެވެ. އޭތި ކަތިލައި ފިހެގެން މީގެ ދެކަލުން އޭގެ އެއްބައި ކައިފި އެވެ. އެޔަށްފަހު ޢީސާގެފާނު އެޔަށް ވިދާޅުވި އެވެ. ﷲ ގެ އިޒުނަފުޅާއެކު ދިރިގެން ތެދުވާށެވެ. ދެން އެސޮރު އަލުން ދިރިގެން އިހު ހުރި ފަދައިންވެއްޖެ އެވެ. ދެން ވިދާޅުވި އެވެ. ކަލެޔަށް މި މުއުޖިޒާތްވެސް ފެނިއްޖެ ނޫންހެއްޔެވެ؟ ބާކީ އޮތް ރޮށި ނެގީ ކާކުހެއްޔެވެ؟ އެމީހާ ދެންނެވި އެވެ. ނޭނގެ އެވެ.

އަނެއްކާވެސް މީގެ ދެކަލުން ދަތުރުފުރިހަމަކުރަމުން ގެންދިޔަ އެވެ. އެހެންގޮސް ސަހަރާއެއްގެ ތެރޭގައި މަޑުކުރި އެވެ. ޢީސާގެފާނު ނިކަން ގިނަ ވެލި އެއްކުރައްވައި އެއްތަނަކަށް ޖަމާކުރައްވާފައި، ﷲ ގެ އިޒުނަފުޅާއެކު ރަންކަމުގައިވުމަށް އެވެލިތަކަށް ވިދާޅުވި އެވެ. އެހިނދު އެވެލިތައް ރަންކަމުގައިވެއްޖެ އެވެ. ދެން އެރަންތައް ތިންބަޔަށް ބައްސަވައިފި އެވެ. އަދި އެމީހާއަށް ވިދާޅުވި އެވެ. މިއިން އެއްބައި ތިމަންކަލޭގެފާނަށެވެ. އަނެއް ބައި ކަލެޔަށެވެ. ތިންވަނަ ބައި ތިންވަނަ ރޮށި ނެގި މީހާއަށެވެ.

Advertisement

މިހެން ވިދާޅުވުމުން އެއްކަލަ މީހާ ދަންނަވައިފި އެވެ. ތިންވަނަ ރޮށި ކާލީ ވެސް ތިމަންނަ އެވެ. ދެން ޢީސާގެފާނު ވިދާޅުވި އެވެ. އެހެންވީމާ ހުރިހާ ރަނެއް ކަލެޔަށެވެ. ތިމަންކަލޭގެފާނު ދެން މި ވަކިވަޑައިގަތީ އެވެ.

ދެން އެއްކަލަ މީހާ މި ރަންތައް ސަހަރާ ތެރޭން ގެންދާނެ ގޮތަކާމެދު ވިސްނާފިކުރުކުރަމުންދަނިކޮށް، އެހެން ދެމީހަކާ ދިމާވެ އެ ދެމީހުންގެ ހިތަށް މިތަކެތީގެ ދަހިވެތިކަން ވަދެ އެދެމީހުން ވެގެން މިކަލޭގެއާ ކުރިމަތިލާން އުޅެގެންފި އެވެ. މިކަލޭގެ ބިރުން ބުނެފި އެވެ. އިހަށް މައިތިރިވާށެވެ. މި މިހިރީވެސް ތިންބަޔަށެވެ. ތިން މީހުންނަށް ތިންބަޔެވެ. ތިން މީހުންވެގެން މިކަމާ އުޅޭނީ އެވެ.

ދެން މީގެ ތިން މީހުން މިތަކެތި ރަށު ތެރެއަށް ގެންދާނެ ގޮތަކާމެދު ފިކުރު ހިންގަން ތިބެފައި، ބަނޑުހައިވީމާ، އެންމެން ސައްލާކޮށްފައި ނިންމީ އެކަކު ގޮސް ކާއެއްޗެއް ގަނެގެން އަންނަންދެން އަނެއް ދެމީހުން އެތަކެތި ބަލަހައްޓަން ތިބުމަށެވެ. ކާއެއްޗެހި ގަންނަން ރަށު ތެރެއަށް ދިޔަ މީހާ ހިތަށް އެރި އެވެ. މިޔަށް ވިހައެއް ލައިގެން ގެންގޮސް އެ ދެމީހުންނަށް ދެނިކޮށް އެދެމީހުން މަރުވެދާނެ އެވެ. ހުރިހާ ރަނެއް އަހަރެން ހޯދައިނުގަންނަންވީ ކީއްވެހެއްޔެވެ؟

ރަންތަކާ ހަވާލުވެ ތިބި ދެމީހުންކުރެ އެކަކު ބުނެފި އެވެ. އޭނާ ކާއެއްޗެހި ހިފައިން އައީމާ އޭނާ ގަތުލުކޮށްލަންހިނގާށެވެ. މިތަކެތި ދެބަޔަށް ބަހާލީމާ ދެމީހުންނަށްވެސް ލިބޭވަރު ގިނަވާނެ އެވެ. ދެން މިކަމަށް ދެމީހުން އެއްބަސްވެގެން ތިއްބާ އޭނާ ކާތަކެތި ހިފައިން އައުމާއެކު ދެމީހުންވެގެން އޭނާ ގަތުލުކޮށްފި އެވެ. އަދި އޭނާ ގެނައި ތަކެތި ކެއުމާއެކު ދެމީހުންވެސް ވިހަވެގެން ދެމީހުންވެސް ގަތުލުވެއްޖެ އެވެ.

ދެން ޢީސާގެފާނު އެނބުރިވަޑައިގަންނަމުން ރަންތަކުގެ މަތީގައި މި ތިން މީހުން މަރުވެފައި ތިއްބާ ފެނިވަޑައިގެން ވިދާޅުވިކަމުގައިވެ އެވެ. ދުނިޔެއަކީ މި އެވެ. އެޔާމެދު ސަމާލުވާށެވެ!

އިސްވެ ދިޔައީ އިސްރާއީލީ ރިވާޔަތެއްގައި ކިޔާ ވާހަކައެކެވެ. އަހަރެމެންގެ އިލްމުވެރިން ވިދާޅުވާ ގޮތުން އިސްރާއީލީ ރިވާޔަތްތައް ތެދުކުރުމެއްވެސް ނުވެ އެވެ. އަދި ދޮގުކުރުމެއް ވެސް ނުވެ އެވެ. ނަމަވެސް ވިސްނާފިކުރުކުރުމުގެ ބޭނުމަށް އެކަހަލަ އިބުރަތްތެރި ވާހަކަތައް ކިޔައިދިނުމަކީ މައްސަލައެއް ނޫންކަމަށްވެސް އިލްމުވެރިން ވިދާޅުވެ އެވެ.

އާދޭހެވެ! ޑޮލަރަށް ވަމުން އެދަނީ މި ތިންރޮށީގެ ވާހަކައިގައި މިވީ ކަހަލަ ގޮތެކެވެ. ޑޮލަރު ލިބޭ މީހުންވެސް ޑޮލަރުން ލިބޭހާ ފައިދާ ނަގައިގަންނަން ހިފައިގަންނަނީ ތިޔަހެންނަކުން ނޫނެވެ. އަނެއްކޮޅުން ސަރުކާރުން ޑޮލަރާ މެދު ގެންގުޅޭ ސިޔާސަތުތަކުންވެސް ފެންނަނީ އަމާނާތްތެރި ވަފާތެރި މަންޒަރުތަކެއް ނޫނެވެ. އެދޭތެރެ މެދުގައި އާދައިގެ ރައްޔިތުން ފިތިފައިތިބޭއިރު، ކަމުގެ ނާޖާއިޒު ފައިދާއާއި މަންފާ ލިބިގަނެވޭ ހިސާބުގައި ތިބޭ މީހުން ދަހިވެތިކަމުގައި އަމަލުކުރަމުންދަނީ ހަމަ ތިން ރޮށީގެ ވާހަކައިގައި އުޅުނު މީހާ ފަދައިންނެވެ.

ހުރިހާ ދިމާއަކަށް ކޮރަޕްޝަން ވަދެ، މުދާ އެއްކުރުމުގެ ދަހިވަތިކަން އެންމެންގައި އިންތިހާއަށް ބޮޑުވީމާ، ވާނެ ގޮތަކީ، އެއްވެސް މީހަކަށް މަންފާއެއް ނުވެ، އެންމެން އެންމެނާ ވެގެން މުދާވެރިކަމާ ހިފާ އޮޅުލަންތިއްބައި ގައުމު ފަނާވެދާނީ އެވެ. އެންމެން ހަލާކުވެދާނީ އެވެ.

 ތެދުވެރިކަމާއި އަމާނާތްތެރިކަމާއި ވަފާތެރިކަން ބޭނުންވަނީ ކޮންމެހެންނަކުން ދީން އެސިފަތަކަށް ގޮވާތީ އެކަންޏަކު ނޫނެވެ. އަހަރެމެންގެ ދީން އެ ސިފަތަކުން އަހަރެމެން ސިފަ ޖެހިގަތުމަށް އަންގަވާފައިވަނީ، އެއީ އަހަރެމެންގެ ސަލާމަތްތެރިކަން އޮތީ އެސިފަތަކުން ސިފަޖެހިގަނެގެން ތެދުވެރި އަމާނާތެރިންކަމުގައި ވުމުންކަމަށްވާތީ އެވެ. އޭގައި އޮތީ އަހަރެމެންގެ ދެދުނިޔޭގެ ނަސްރާ ކާމިޔާބު ކަމަށްވާތީ އެވެ.

ހިޔާނާތްތެރިވާ މީހާ މިއަދު ގައުމަށް ހިޔާނާތްތެރިވެފައި މާދަމާ އޭނާގެ ހިޔާނާތުގެ ބައިވެރިންނަށް ހިޔާނާތްތެރިނުވާންވީ ވަކި ކީއްވެހެއްޔެވެ؟ ތެދުވެރިކަމާއި އަމާނާތްތެރިކަމާއި ވަފާތެރިކަން ހައެއްކަ މީހަކު ވެގެން އެހެން މީހުންގެ ނިސްބަތުގައި ދޫކޮށްލަނީ ތިމާމެންގެ އަންބޮނޑި ބޮޑުކޮށްލަންކަމަށްވަނީނަމަ، މާދަމާ އެ ހައެއްކަ މީހުން އެކަކު އަނެކަކަށްވުރެ އަންބޮނޑި ބޮޑުކޮށްލުމަށް އެކަކު އަނެކަކަށް ހިޔާނާތްތެރިނުވާންވީ ސަބަބެއް ނޯންނާނެ އެވެ.

ތެދުވެރިކަމާއި އަމާނާތްތެރިކަމާއި ވަފާތެރިކަން ފަދަ ސިފަތަކަކީ އިންސާނުން އެންމެން އެކީގައި ދިރިއުޅުމަށްޓަކައި އިންސާނީ މުޖުތަމައުތަކުގައި ދެމިއޮންނަންޖެހޭ "އިތުބާރު" ނަގަހައްޓައިދޭ އަސާސްތަކެވެ. މިދެންނެވުނު އިތުބާރު ދެމި އޮތުމަށްޓަކައި މި އަސާސްތައް މުޖުތަމައެއްގައި، ނަގަހައްޓައިދެނީ އެ މުޖުތަމައެއްގެ ބޮޑުންނެވެ. މިޒަމާނުގައި ނަމަ ދައުލަތްތަކުގެ ސަރުކާރުތަކުންނެވެ. ސަރުކާރެއް ހިންގަން ތިބޭ ބަޔަކު އިންތިހާއަށް ދޮގުހަދަން ފަށައިފިނަމަ، އެންމެންނަށް އެނގޭނެހެން ހިޔާނާތްވާން ފަށައިފިނަމަ، ދެންނެވުނު އިތުބާރު އެ މުޖުތަމައަކުން އެކީއެކަށް ނެތިގެންދާނެ އެވެ. އެހާރުން ދެން ހައްލުވާނެ ހައްލުކުރެވޭނެ ހަމަ އެއްވެސް ކަމެއް ނޯންނާނެ އެވެ.

ތައުބާ ސޫރަތުގެ 119 ވަނަ އާޔަތުގައި މާތް ﷲ އަންގަވާފައިވެ އެވެ. "އޭ އީމާންވެއްޖެ މީސްތަކުންނޭވެ! ތިޔަބައިމީހުން ﷲ އަށް ބިރުވެތިވާށެވެ! އަދި ތެދުވެރިންނާއެކުގައި ވާށެވެ!" ނިކަން ވިސްނަވާށެވެ! ހަމަ އެކަނި ތެދުވެރިވުމަކުންވެސް ނުފުދެ އެވެ. އުޅެންވީވެސް ގާތްކުރަންވީ ވެސް ތެދުވެރިންނެވެ. އެކަން ގުޅެނީ ﷲ އަށް ބިރުވެތިވެ ތަޤުވާވެރިވުމާވެސްމެ އެވެ. ކިތަންމެ ދީންވެރިކަމަށް ހެދުނަސް އިންތިހާއަށް ދޮގުހަދާ މީހަކީ ﷲ އަށް ތަޤުވާވެރިވާ މީހަކަށް ނުވާނެކަން މިއާޔަތުން ވެސް ދަލީލު ލިބެ އެވެ.

 

ކޮމެންޓް

ފަހުގެ ޚަބަރު

އަހަރެން ވެސް ތަރައްގީ ދެކެން ބޭނުން... އެކަމަކު

1977 ވަނަ އަހަރު ސޮވިއެޓް ޔޫނިއަނުން އައްޑޫ ގަން ކުއްޔަށް ހިފަން ހުށަހެޅި ބޮޑު އަގު، ރާއްޖޭގެ މިނިވަންކަމާއި ވަކިފަރާތަކަށް ނުޖެހޭ ސިޔާސަތު ދެމެހެއްޓުމަށްޓަކައި ރައީސް ނާސިރު ދޫކޮށްލެއްވިއެވެ. މީގެ އިތުރުން، ރާއްޖޭގެ އިގްތިސާދީ މިނިވަންކަން ކަށަވަރުކުރުމަށްޓަކައި ވޯރާ ވިޔަފާރިވެރިން ރާއްޖެއިން ފޮނުވާލައި، ގައުމީ މަސްލަހަތަށް އިސްކަންދެއްވައިގެން މުހިންމު ފިޔަވަޅުތަކެއް އެމަނިކުފާނު އެޅުއްވިއެވެ.

ސިންގަޕޫރާއި ދެކުނު ކޮރެއާގެ ފޮރިން އިންވެސްޓްމަންޓާ އަޅާކިޔުން

ރާއްޖެއަށް ބޭރުގެ އިންވެސްޓްމަންޓްތައް މުހިންމު ނަމަވެސް، ބިން ދޫކުރުމުގައި ދައުލަތަށް ލިބޭ ދާއިމީ ފައިދާއާއި ނުރައްކަލަށް ވިސްނަންޖެހެއެވެ. ސިންގަޕޫރު ފަދަ ގައުމުތަކުގައި ބޭރުގެ އިންވެސްޓަރުންނަށް ބިން ދޫކުރަނީ ހާމަކަންބޮޑު ބީލަމުގެ ނިޒާމެއްގެ ތެރެއިން، ވަކި މުއްދަތަކަށް ކުއްޔަށް ކަމަށްވާއިރު، ބިމުގެ މިލްކިއްޔާތާއި ބަނދަރު ފަދަ މުހިންމު ވަސީލަތްތައް ބާއްވަނީ ދައުލަތުގެ ބާރުގެ ދަށުގައެވެ. އެހެންކަމުން ރާއްޖޭގެ މަޝްރޫޢުތައް ކުރިއަށްގެންދާއިރު މިފަދަ ކާމިޔާބު ނަމޫނާތަކަށް ބަލައި، ދައުލަތުގެ މަންފާ އިސްކުރުން މުހިންމެވެ.

އީގަލް ހިލްސްއާ ނުލައި ވެސް ރަސްމާލެއިން ދާއިމީ ނަފާ ހޯދިދާނެ

ރަސްމާލެ ޓޫރިޒަމަށް އީގަލް ހިލްސްއަށް ދޫކޮށްލައިގެން ނުވާނެ. އޭގެ ބަދަލުގައި، ދިވެހިންގެ ފުރިހަމަ މިލްކުވެރިކަން އޮންނަ "ރަސްމާލެ ހިއްސާ" ކުންފުނިން ބިމުގެ ކޮންޓްރޯލް ހިފަހައްޓައި، ދައުލަތް އެންމެ ލޯނެއް ވެސް ނުނަގައި، ވަޒީފާތަކަށް އަމާޒުކޮށް އަމިއްލަ ހަރަދު އަމިއްލައަށް ބަލަހައްޓާ ދިރުންހުރި ސިޓީއެއް ބިނާކުރަންވީ.

ރައްޔިތުންގެ 'އިހުތިރާމު އަތުލުމުގެ' މަޝްރޫއު

ރާއްޖޭގައި އަހުލާގާއި އިހުތިރާމު ކުރުމުގެ ސިފަ އާލާކުރުމަށްޓަކައި، ރައީސް މުއިއްޒު ވަނީ ފަސް އަހަރު ދުވަހުގެ ގައުމީ ކެމްޕޭނެއް ރަސްމީކޮށް އިފްތިތާހުކޮށްދެއްވާފަ. މި ކެމްޕޭނަކީ ދުނިޔޭގެ ބައެއް ޑިކްޓޭޓަރުން ރައްޔިތުންގެ އަހުލާގު ބައްޓަންކުރަން ހިންގި ފަދަ ހަރަކާތްތަކާ އެއްގޮތް ކަމެއް.

ފުށިދިއްގަރު ފަޅާއި ދިވެހިންގެ ހައްގު

މާލެ ސަރަޙައްދުގެ ބޯހިޔާވަހިކަމަށް ޙައްލެއް ހޯދުމަށް "ރަސްމާލެ" މަޝްރޫޢު ފަށާފައިވާއިރު، މިއީ ދިވެހިންގެ މިލްކެއްގެ ގޮތުގައި ސަރުކާރުން ވަނީ ބުނެފައެވެ. ނަމަވެސް، ދިވެހިން ބޯހިޔާވަހިކަމަށް ބޭނުންވެފައި ތިއްބާ ބިދޭސީން ރަށްވެހިކުރުމަށް މި މަޝްރޫޢު ބަޔަކާ ހަވާލުކުރުމަކީ ދިވެހިންގެ ޙައްޤުތަކަށް އުނިކަން އަންނާނެ، ޤައުމީ ސަލާމަތަށް އޮތް ބިރެއް ކަމަށް ގިނަ ބަޔަކު ދެކެއެވެ.

ސިޔާސީ ނިންމުމެއް 99 އަހަރުގެ ގާނޫނީ އިލްތިޒާމަކަށް

ރަސްމާލެ މަޝްރޫއު ތަރައްގީކުރުމަށް ސަރުކާރުން އީގަލް ހިލްސްއާއެކު ހުސްނުވާ 99 އަހަރަށް ސޮއިކުރާއިރު މިއީ އާދައިގެ ސިޔާސީ ނިންމުމަކަށްވުރެ މާ ބޮޑު ގާނޫނީ އިލްތިޒާމެކެވެ. މި އެއްބަސްވުމުގެ ދަށުން އުފެދޭނޭ ގާނޫނީ އިލްތިޒާމުތައް ނިމުމަކަށް ގެނައުމުގައި ހުރި ގާނޫނީ ގޮންޖެހުންތަކަށް މި ލިޔުމުގައި ވާހަކަ ދައްކަ އެވެ.

ޝަރުތުތަކާއެކު ބްލީޗުން ދަތްއުނގުޅުން ހުއްދަކުރުން

ރަސްމާލެ ޕްރޮޖެކްޓް ޒަޔަނިސްޓުންނާ ގުޅުން އޮތް ބަޔަކަށް އެމީހުން ވަޒަންވެރިވުމުގެ ފުރުސަތު އޮތް ގޮތަކަށް ޝަރުތުތަކަކާއެކު ދިނުން ހުއްދަވާނެކަމަށް ނެރެގެން އުޅޭ ފަތުވާއަކީ ގެއްލުން ނުވުމުގެ ޝަރުތުތަކާއެކު ލައްފިލުވާލައިގެން ދަތް އުނގުޅުން ހުއްދަވާނެކަމަށް ބުނުން ފަދަ ސޮހޮލު ވަކާލާތެކެވެ.

Newsletter

Get the latest news delivered straight to your inbox