ޔަހޫދީންނާ ގުޅުން އޮންނަ ބަޔަކު ލައްވައި ރަސްމާލެ ތަރައްގީކުރުވުމާއި ރަސްމާލޭގައި ޔަހޫދީން ވަޒަންވެރިކުރުވުމާއި މިކަންކަމަކީ ރާއްޖޭގެ އިސްލާމީ ވަހުދަތާއި ސިޔާދަތު ސަލާމަތްކުރެވިދާނެ ޝަރުތުތަކަކާއެކު ކުރިޔަށް ގެންދިއުން ހުއްދަ ޕްރޮޖެކްޓެއްކަމަށް ރާއްޖޭގެ ބައެއް ދަންނަ ބޭކަލުން ދެކެ އެވެ. އެ ވިސްނުމަކީ ދަތުގައި ނުޖެއްސުމުގެ ޝަރުތު ފަދަ ޝަރުތުތަކަކާއެކު ބްލީޗުން ދަތްއުނގުޅުން ހުއްދަވާނެކަމަށް ދެވޭ ފަތުވާއަކާ ދާދި އެއް މިސާލުގައި އޮތް ކަމަކަށްވަނީ ޔަހޫދީންގެ ތާރީޚުން ފެންނާން ހުރި ބައެއް ހާދިސާތަކުގެ ސަބަބުންނެވެ.
އަހަރެމެންގެ ލޮބުވެތި ނަބިއްޔާ މަދީނާއަށް ހިޖުރައަށް ވަޑައިގަތުމަށްފަހު މަދީނާގެ ޔަހޫދީ ގަބީލާތަކާއެކު އެކުވެރިކަމާއި ސުލްހައިގެ އެއްބަސްވުންތައް ހެއްދެވި އެވެ. ބަދުރު ހަނގުރާމައިގައި މުސްލިމުން މައްކާގެ މުޝްރިކުން އަތުން މޮޅުވެ މުސްލިމުންނަށް ބާރުވެރިކަން ލިބެން ފެށިތަން ފެނުމުން ޔަހޫދީންގެ ހިތަށް ހަސަދަވެރިކަން ވަދެ މުއާހަދާތަކާ ހިލާފުވާން ފެއްޓި އެވެ.
ބަނޫޤައިނަޤާޢު ދަރިކޮޅުގެ ޔަހޫދީންގެ ބާޒާރަށް ވިޔަފާރިކުރާންދިޔަ މުސްލިމް ކަނބަލަކަށް ޖިންސީ ގޯނާކޮށް އެކަމަނާގެ އައުރަ ކަޝްފުވާހެން ތަނެއްގައި ހެދުން އައްސައިގެން އެގަބީލާގެ ބަޔަކު އެކަމަނާއަށް ހުށަހެޅިގަތެވެ. މިކަން ހުއްޓުވަން އުޅުނު މުސްލިމް ޒުވާނާ އެމީހުން ޝަހީދުކޮށްލި އެވެ. ބަނޫޤައިނަޤާޢު ޔަހޫދީން މުސްލިމުންނާއެކު އޮތް އެއްބަސްވުމަށް މިފަދައިން ޚިޔާނާތްތެރިވުމުން، އެބައިމީހުން ގާނޫނުގެ ކުރިމައްޗަށް ގެނެވުނެވެ. ފުރަތަމައަށް އެބައިމީހުންނަށް ނަސޭހަތްތެރިވެވަޑައިގެން އިސްލާމްވުމަށް މާތް ނަބިއްޔާ ދައުވަތުދެއްވި އެވެ.
އެބައިމީހުން އިސްލާމްނުވުމުން ބަލި ގަބޫލުކޮށް އަމާންދިނުމަށް ދާންދެން އެމީހުންގެ ސަރަހައްދު މުސްލިމުން ހިސާރުކުރި އެވެ. އެންމެ ފަހުން އެބައިމީހުން ބަލި ގަބޫލުކޮށް މަދީނާއިން ފައިބައިގެންދިޔައީ އެވެ. އަންފާލް ސޫރަތުގެ 58 ވަނަ އާޔަތުގައި ވެ އެވެ. "ބަޔަކުމީހުންގެ ކިބައިން ޚިޔާނާތްތެރިކަމެއް އަތުވެދާނެކަމަށް، ކަލޭގެފާނު ބިރުފުޅުގަންނަނަމަ އެބަޔަކާއެކު ކޮށްފައިވާ މުއާހަދާއެއް އެބަޔަކުގެ މައްޗަށް އަނބުރާ ރައްދުކުރައްވާށެވެ! ހަމަހަމަވާގޮތުގެ މަތިންނެވެ. ހަމަކަށަވަރުން، ޚިޔާނާތްތެރިންދެކެ ﷲ ލޯބިވެވޮޑިގެނެއް ނުވެ އެވެ."
އެދުވަހު ވެސް ޔަހޫދީންގެ ހިމާޔަތުގައި އެންމެ ގަދަޔަށް މުސްލިމުންގެ ތެރޭގައި ވަކާލާތުކުރީ މުސްލިމެއްގެ ނަމުގައި ހުރި ސަހާބީއެއްގެ ނަމުގައި ހުރި ފަރާތެކެވެ. ޢަބްދުﷲ ބިން އުބައްޔު ބުން ސަލޫލެވެ. މުނާފިގެކެވެ. އަލްމާއިދާ ސޫރަތުގެ 52 ވަނަ އާޔަތުގައި އެވަނީ އެވާހަކަ އެވެ. "ފަހެ، އެމީހުންގެ ހިތުގައި ބަލިމަޑުކަމެއް ހުންނަމީހުން (އެބަހީ ޝައްކާއި ނިފާގުކަމުގެ ބަލިހުންނަ މީހުން) އެމީހުންގެ (ޔަހޫދީންގެ) އެކުވެރިކަން ލިބިގަތުމަށް އަވަސްވެގަންނާތީ، ކަލޭގެފާނު ދެކެވަޑައިގަންނަވާނެ އެވެ. އެމީހުން ބުނެ އެވެ. ތިމަންމެންނަށް މުސީބާތެއް ޖެހިދާނެކަމަށް ތިމަންމެން ބިރުގަނެ އެވެ. ފަހެ، ﷲ ފަތަހައެއްވެސް ދެއްވައިފާނެ އެވެ. ނުވަތަ އެކަލާނގެ ހަޒުރަތުން، އެހެން އަމުރުފުޅެއްވެސް އަތުވެދާނެ އެވެ. ފަހެ، އެހާރުން އެމީހުންގެ ހިތްތަކުގައި ވަންހަނާކުރި ކަންތަކުގެ މައްޗަށް ހިތާމަކުރާ ބަޔަކު ކަމުގައި އެމީހުން ވާނެ އެވެ."
މަދީނާގައި ތިބި ޔަހޫދީ ދަރިކޮޅުތަކުގެ ތެރެއިން ބަނުއްނަޟީރު މީހުންގެ ގާތަށް މާތް ނަބިއްޔާ ވަޑައިގެން ފާރެއްގެ ކައިރީގައި އިށީނދެވަޑައިގެން އިންނަވަނިކޮށް، މަތިން ބޮޑު ހިލަގަނޑެއް ވައްޓާލައިގެން އިތުރު އެކަލޭގެފާނު ޝަހީދުކޮށްލުމަށް ރޭވީވެސް އެބައިމީހުންނާއެކު ހެދިފައި އޮތް އެއްބަސްވުމެއް އޮއްވަ އެވެ. ވަޙީގެ ޒަރީއާއިން މާތް ނަބިއްޔާއަށް އެކަން އެންގެވުނުހިނދު މާތް ނަބިއްޔާ ސަލާމަތްވެވަޑައިގަތެވެ. ބަނުއްނަޟީރު ގަބީލާއާމެދު ވެސް ފަހުން މުސްލިމުން އަޅަން މަޖުބޫރުވީ ހަމަ އެއް ފިޔަވަޅެކެވެ. މި ގަބީލާގެ ދިފާއުގައި ވެސް ވަކާލާތުކުރަން މުސްލިމެއްގެ ނަމުގައި ހުރި މުނާފިގުންގެ ބޮޑު ކަލޭގެ ޢަބްދުﷲ ބިން އުބައްޔު ބިން ސަލޫލް ހުއްޓެވެ. މިހާދިސާއާ ގުޅޭ ތަފުސީލުތައް ޙަޝްރު ސޫރަތުގައި އެވަނީ އެވެ.
މަދީނާގައި އޮތް އިސްލާމީ ދައުލަތާ ހަމަލާދިނުމަށް އަރަބި ގަބީލާތައް އެކުވެ ކޯލިޝަން ހަދައިގެން އައިސް މަޝްހޫރު ޚަންދަޤު ހަނގުރާމައިގައި މަދީނާ ހިސޯރުކޮށްފައި އޮތް ވަގުތު، މަދީނާގެ ފަހަތުން މުސްލިމުންގެ އަންހެނުންނާއި ކުޑަކުދިން ހިމާޔަތްކުރުމަށް އެއްބަސްވެފައި އޮތީ ބަނޫ ގުރައިޒާގެ ޔަހޫދީންނެވެ. އެންމެ ނާޒުކު ހައްސާސް އެދަނޑިވަޅުގައި އެމީހުން މުސްލިމުންނަށް ދޯކާދީ ގައްދާރުވެ އެއްބަސްވުން އުވާލި އެވެ. އަދި މުސްލިމުންގެ އަދާވާތްތެރިންނާ ގުޅި، މަދީނާގެ އެތެރެއިން މުސްލިމުންނަށް ހަމަލާދޭން ތައްޔާރުވި އެވެ. އެހަނގުރާމައިގައި މުސްލިމުންނަށް ކުރިމަތިވި އެންމެ ބޮޑު ނުރައްކާތެރި މި ގައްދާރުވުން ވެސް އައީ ޔަހޫދީންގެ ކިބައިންނެވެ.
މިހެން ގޮސް މާތް ނަބިއްޔާގެ ތާރީޚުން އެކަނި ދައްކާނަމަވެސް ޔަހޫދީންގެ ކިތަންމެ މަކަރުވެރި ރޭވުމަކާއި ޚިޔާނާތެއް އެހެރީ ފެންނާށެވެ. މާތް ނަބިއްޔާއަށް ފަރިއްކޮޅެއްގެ ތެރެއަށް ވިހަލައިގެން އިތުރު އެކަލޭގެފާނު ޝަހީދުކޮށްލަން ރޭވީވެސް ހަމަ ޔަހޫދީންނެވެ. މާތް ނަބިއްޔާ ސުވަރުގެ ވަޑައިގަތުމަށްފަހު އިސްލާމީ އުންމަތް ހަލާކުކޮށްލުމުގައި ޔަހޫދީން އަބަދުވެސް ރޭވުންތައް ރާވައި ހިންގަމުންދެ އެވެ. އަދި އަބަދުވެސް މުސްލިމުންގެ ނަމުގައި ތިބޭ ބޮޑެތި މުނާފިގުން އެމީހުންނާ ބައިވެ ވާގިވެރިވަމުން ގޮސްފައި ވެ އެވެ. ތާރީޚުގެ ފަތްފުށްތަކުން ސަފުހާއަކުން ސަފުހާއަކުން އެއްލާނަމަ މި ލިޔުން ދިގުވެދާނެ އެވެ. ނިކަން ބޮޑުކޮށް ހިފާފައި ހައެއްކަ ފޮތް އުކާލީމާ ދެން ފެންނާން މި އޮންނަނީ އިސްލާމީ އުންމަތުގައި އޮތް ޒަމާންވީ އެންމެ ބޮޑު މައްސަލަ އެވެ. ފަލަސްތީނު މައްސަލަ އެވެ.
ގާނޫނަކަށް އެއްބަސްވުމަކަށް އެބަ ބަލާހެއްޔެވެ؟ ބޯލަނބާ ހަމައެއް އުސޫލެއް އެބަ އޮތް ހެއްޔެވެ؟ ޔަހޫދީންނަކީ އަދި އަމުދުން ޒަޔަނިސްޓުންނަކީ ޝަރުތުތަކެއް ކޮށްގެން އެއްބަސްވުމެއް ހަދައިގެން ވަކި ޚާއްސަ ގާނޫނެއް ފާސްކޮށްގެން އެމީހުންގެ ގެއްލުންތަކާއި ނުރައްކާތަކާއި ޚިޔާނާތްތަކުން ސަލާމަތްވެވޭވަރަށްވުރެ މަކަރުވެރި އިޔަހޫދި ބަޔެކެވެ. ކީރިތި ޤުރުއާނުގެ އެތައް ތަނެއްގައި އެވާހަކަ އެބަ އޮތެވެ.
އަލްއަންފާލް ސޫރަތުގެ 56 ވަނަ އާޔަތުގައި ވެ އެވެ. "ކަލޭގެފާނު އެމީހުންނާ އަހުދެއް ކުރެއްވި މީހުންނެވެ. ދެން ކޮންމެފަހަރަކު، އެމީހުން، އެމީހުންގެ އަހުދު އުވާލަ އެވެ. އަދި އެމީހުން ބިރުވެތިވާކަމުގައި ނުވެ އެވެ." އަދި ތައުބާ ސޫރަތުގެ 8 ވަނަ އާޔަތުގައި ވެ އެވެ. (އެމީހުންނަށް އެފަދަ އަހުދެއް އޮންނާނީ) ކިހިނަކުންހެއްޔެވެ؟ އެހެނީ ތިޔަބައިމީހުންގެ މައްޗަށް އެމީހުން ގަދަވެގެންފިނަމަ، ގާތްތިމާގެ ކަމުގެ ގުޅުމަކަށްވެސް، އަދި އަހުދަކަށްވެސް، ތިޔަބައިމީހުންނާމެދު އެމީހުން ނުބަލާނެ އެވެ. އެމީހުންގެ އަނގައިން ތިޔަބައިމީހުން ރުއްސާނެ އެވެ. އެމީހުންގެ ހިތްތައް ނުރުހިގެންވާ ހާލުގަ އެވެ. އޭގެތެރެއިން ގިނަމީހުންނަކީ ނުބައި މީހުންނެވެ."
ރަސްމާލެ ޕްރޮޖެކްޓް ޒަޔަނިސްޓް ޔަހޫދީންނާ ގުޅުން އޮތް ބަޔަކަށް އެމީހުން ވަޒަންވެރިވުމުގެ ފުރުސަތު އޮތް ގޮތަކަށް ޝަރުތުތަކަކާއެކު ދިނުން ހުއްދަވާނެކަމަށް ދަންނަ ބޭކަލަކު ބުނާނަމަ އެބުނަނީ އިސްވެ ދިޔަ ހާދިސާތަކާއި އިސްވެ މިބަޔާންކުރެވުނު ކީރިތި ޤުރުއާނުގެ ދެންނެވުނު އާޔަތްތައް އިހުމާލުކޮށްލާފަ އެވެ. ހަމަ އޭގެ މިސާލަކީ ގެއްލުން ނުވުމުގެ ޝަރުތުތަކާއެކު ލައްފިލުވާލައިގެން ދަތް އުނގުޅުން ހުއްދަވާނެކަމަށް ވަކާލާތުކުރުން ފަދަ ހަމަނުޖެހޭ މޮޔަ ސޮހޮލު ވަކާލާތެކެވެ.
