މޯލްޑިވްސް ޑިމޮކްރެޓިކް ޕާޓީ (އެމްޑީޕީ) ގެ ޑެޕިއުޓީ ޗެއާޕާސަންގެ މަގާމުގައި ހުންނެވި އަހުމަދު އަބްދުﷲ އެ މަގާމުން މިއަދު އިސްތިއުފާދެއްވައިފި އެވެ.
އޭނާ އެ މަގާމުން އިސްތިއުފާދެއްވިކަން މި ނޫހަށް ވަނީ ކަށަވަރުވެފަ އެވެ.
އަހްމަދު އަބްދުﷲ ވިދާޅުވީ އޭނާ މަގާމުން އިސްތިއުފާ ދެއްވީ އެމްޑީޕީގެ ރިޔާސީ ޕްރައިމަރީގައި ވާދަކުރައްވާނެކަން އިއުލާނު ކުރައްވާފައިވާ އެ ޕާޓީގެ ކުރީގެ ރައިސް އަބްދުﷲ ޝާހިދުގެ ކެމްޕޭނުގައި ހަރަކާތްތެރިވުމަށެވެ.
"އަޅުގަނޑު ގަބޫލުކުރާ ގޮތުގައި މިފަދަ އިސް މަގާމުތަކުގައި ތިބެ ވަކި ކެންޑިޑޭޓަކަށް ކެމްޕޭން ކުރުން ރަނގަޅެއް ނުވާނެ. އެހެންވެ އިސްތިއުފާ ދިނީ،" އޭނާ ވިދާޅުވި އެވެ.
އަހުމަދު އަބްދުﷲ އަކީ ޝާހިދުގެ އަރިސް ބޭފުޅެކެވެ. ޝާހިދުގެ ކެމްޕޭނުގައި މިހާރު ވެސް އިސް ސަފުގައި އޭނާ ހަރަކާތްތެރިވެ އެވެ.
އެމްޑީޕީގެ ރައީސްކަމުން ޝާހިދު އިސްތިއުފާދެއްވީ އެ ޕާޓީގެ ރިޔާސީ ޕްރައިމަރީގައި ވާދަކުރައްވާނެކަން އިއުލާނުކުރެއްވުމަށްފަހު އެވެ.
