ވިނީޝިއުސްގެ ހުރިހާ ޝަރުތެއް ގަބޫލުކުރަން ރެއާލް ދެކޮޅު

Aug 6, 2026, 11:27 AM
ރެއާލް މެޑްރިޑްގެ ޕްރީ ސީޒަން ޓްރެއިނިންގެ ތެރެއިން ވިނީޝިއުސް.

ރެއާލް މެޑްރިޑްގެ ޕްރީ ސީޒަން ޓްރެއިނިންގެ ތެރެއިން ވިނީޝިއުސް.

މެޑްރިޑް (އޮގަސްޓް 6) - ބްރެޒިލްގެ ފޯވާޑް، ވިނީޝިއުސް ޖޫނިއާ (ވިނީ)ގެ ހުރިހާ ޝަރުތެއް ގަބޫލުކޮށްގެން އޭނާގެ އެއްބަސްވުން އާ ކުރަން ރެއާލް މެޑްރިޑުން ދެކޮޅު ކަމަށް މީޑިއާ ރިޕޯޓްތައް ބުނެފި އެވެ. 

އުމުރުން 26 އަހަރުގެ ވިނީ، ރެއާލާ އެކު ހަދާފައި އޮތް ކޮންޓްރެކްޓް އޮތީ އަންނަ އަހަރުގެ ޖޫން މަހުގެ ނިޔަލަށެވެ. އެ އެއްބަސްވުން އާ ކުރަން ރެއާލުން ވަނީ ސީރިއަސްކޮށް މަޝްވަރާތައް ފަށައިފަ އެވެ. އެއީ، އިނގިރޭސި ޕްރިމިއާ ލީގުގެ ޗެމްޕިއަން، އާސެނަލުން ވެސް ވިނީ އަށް ފާރަލަމުން އަންނާތީ އެވެ. 

އިނގިރޭސި ދެ މީިޑިއާއެއް ކަމަށްވާ، ދި އެތުލެޓިކް އާއި ދި ޓެލެގްރާފް އިން ރިޕޯޓްކުރާ ގޮުތުގައި ވިނީ ގެންނަން މިހާރު އެންމެ ބުރަކޮށް މަސައްކަތްކުރަނީ އާސެނަލުންނެވެ. އެ ގޮތުން، އާސެނަލުން، ވިނީގެ ސޮއި ހޯދަން، ބޮޑު މުސާރައެއް ދޭން ވަނީ ތައްޔާރުވެފަ އެވެ. ވިނީ، މި ވަގުތު ހުރި ކޮންޓްރެކްޓުން، ހަފްތާ އަކު ބޯނަހާ އެކު، 450،000 ޑޮލަރާ ގާތްކުރާ އަދަދެއްގެ މުސާރައެއް ރެއާލުން ލިބެ އެވެ.

Advertisement

ރިޕޯޓްތައް ބުނާގޮތުގައި، އާސެނަލުން ވަނީ އެ އަށް ވުރެން އިތުރު މުސާރައެއް ދޭން ތައްޔާރުވެފަ އެވެ. ސްޕެއިނުގެ ނޫސްތަކުން ރިޕޯޓްކުރާ ގޮތުގައި، ރެއާލުން ވިނީ އެންމެ ކުޑަ އަގެއްގައި ދޫކޮށްލަން އެއްބަސްވި ކަމުގައި ވިޔަސް ޓްރާންސްފާ ފީ 100 މިލިއަން ޑޮލަރަށް ވުރެން އިތުރުވާނެ އެވެ. 

ރެއާލުން 2017 ވަނަ އަހަރު ވިނީޝިއުސް ގަތީ ފްލަމެންގޯ އަށް 50 މިލިއަން ޑޮލަރު ދައްކައިފަ އެވެ.

މިދިޔަ އަހަރު ވިނީ އަށް ރެއާލުން ހުށަހެޅި ކޮންޓްރެކްޓެއްގައި އޮތީ އަހަރަކަށް 20 މިލިއަން ޑޮލަރެވެ. އެކަމަކު، ފަސް އަހަރަށް އޮތް އެ އެއްބަސްވުމާ މެދު ވިނީ ހިތްހަމަނުޖެހޭތީ މަޝްވަރާތައް ކުރިއަށް ނުދެ އެވެ. ރިޕޯޓްތައް ބުނާގޮތުން، ވިނީގެ އެންމެ ބޮޑު ހިތްހަމަނުޖެހުމެއް އޮތީ އިމޭޖް ރައިޓްސް ވިއްކައިގެން ލިބޭ ޕަސެންޓް އިތުުރުކުރަން ރެއާލުން ދެކޮޅު ހެދުމާއި ސީޒަނަކަށް ޖެހޭ މުސާރަ ބޮޑުކުރަން ރެއާލުން މާ ބޮޑު މަސައްކަތެއް ނުކުރާތީ އެވެ. 

ރެއާލުން މި ފަހަރު ވިނީ އަށް ހުށަހެޅި ކޮންޓްރެކްޓްގައި، އަހަރަކަށް 26 މިލިއަން ޑޮލަރަށް މުސާރަ ބޮޑުކުރާއިރު، އިމޭޖް ރައިޓްސް އިން ވިއްކައިގެން ލިބޭ ބައި އޮތީ 30-45 ޕަސެންޓާ ދެމެދުގަ އެވެ. ވިނީގެ ޑިިމާންޑް ހުރީ 50 ޕަސެންޓާ ގާތްކުރާ މިންވަރަކަށް އިމޭޖް ރައިޓްސްގެ ބައި ބޮޑުކުރުމަށް ކަމަށް ރިޕޯޓްތައް ބުނެ އެވެ.

އެކަމަކު، މި ހުރިހާ ޝަރުތަކަށް ރެއާލުން އެއްބަސްވުމުގެ ފުރުސަތު ކުޑަކަމަށް ސްޕެއިނުގެ ފުޓްބޯޅަ ތަޖުރިބާކާރުން އަންނަނީ ބުނަމުންނެވެ.  

މި ފަހަރު ރެއާލާ އެކު، މަޝްވަރާތައް ފެށުމަށް ފަހު، ވިނީ ވަނީ އޭނާގެ އިންސްޓަގްރާމްގެ ހުރިހާ ފޮޓޯ އެއް ފީޑުން ނަގައިފަ އެވެ. 

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox