ރެއާލްގެ ކޮންޓްރެކްޓް އާ ކުރަން ވިނީޝިއުސް އާސެނަލްގެ ބޭނުންހިފި ކަމަށް ތުހުމަތުކޮށްފި

Aug 7, 2026, 4:07 PM
ލަނޑު ޖެހުމަށް ފަހު ވިނީ އުފާފާޅުކުރަނީ.

ލަނޑު ޖެހުމަށް ފަހު ވިނީ އުފާފާޅުކުރަނީ.

މެޑްރިޑް (އޮގަސްޓް 7) - ރެއާލް މެޑްރިޑާ އެކު އާ އެއްބަސްވުމެއް ހެދުމަށްޓަކައި، ބްރެޒިލްގެ ފޯވާޑް، ވިނީޝިއުސް ޖޫނިއާ (ވިނީ)، އާސެނަލްގެ ބޭނުންހިފި ކަމަށް މީޑިއާތަކުން ތުހުމަތުކޮށްފި އެވެ. 

އުމުރުން 26 އަހަރުގެ ވިނީ، މީގެ ކުރިން ހުރީ އަންނަ އަހަރުގެ ޖޫންގެ ނިޔަަލަށް އޮތް ކޮންޓްރެކްޓެއްގަ އެވެ. މިދިޔަ ސީޒަނުން ފެށިގެން އެ އެއްބަސްވުން އާ ކުރަން ރެއާލުން މަސައްކަތް ކުރަމުން އައިއިރު، މި ފަހަރުގެ ފީފާ ވޯލްޑް ކަޕްގެ ފަހުން، މަޝްވަރާތައް ބާއްވައިގެން ވެސް ހައްލަކާ ހަމައަށް އާދެވިފައިނުވެ އެވެ. 

އޭގެ ފަހުން، އިނގިރޭސި ޕްރިމިއާ ލީގުގެ ޗެމްޕިއަން، އާސެނަލުން ވިނީ ގެނެވޭތޯ އެ ޑީލްގެ ތެރެއަށް ވަނެވެ. އަދި، އިނގިރޭސި މީޑިއާތައް ރިޕޯޓްކުރާގޮުތުގައި، އާސެނަލުން އޮތީ ރެއާލުން ވިނީ އަށް ދޭ ވަރަށް ވުރެން ބޮޑު މުސާރައެއް ދޭން ވެސް ތައްޔާރަށެވެ. އެކަމަކު، އެންމެ ފަހު ވަގުތު، ވިނީ ވަނީ، ރެއާލާ އެކު، ހަ އަހަރުގެ ކޮންޓްރެކްޓެއްގައި ސޮއިކޮށްފަ އެވެ. 

ޗެލްސީގެ ކުރީގެ މިޑްފީލްޑަރު، ޖޯން އޮބީ މިކޭލް، އޭނާގެ ޕޮޑްކާސްޓް ޝޯގައި ވާހަކަ ދައްކަމުން އެންމެ ފުރަތަމަ ބުނެފައިވަނީ، ވިނީ، ރެއާލްގެ ކޮންޓްރެކްޓްގައި ބޭނުންވާ ކަންކަން ފުރިހަމަ ކުރުމަށްޓަކައި، އާސެނަލުން އޭނާ ހޯދަން ކުރާ މަސައްކަތުގެ ފައިދާ ނަގަމުން އަންނަ ކަމަށެވެ. އަދި، ވިނީގެ ބޭނުމަކީ، އާސެނަލުން އޭނާ އަށް ފާރަލާ ވާހަކަތަކުން މީޑިއާ ރިޕޯޓްތައް ގެނައުމަށް ފަހު، ރެއާލްގެ ކޮންޓްރެކްޓް ކަންކަން ނިންމާލުމެވެ. 

އީއެސްޕީއެން އިން ރިޕޯޓްކުރި ގޮތުގައި، ވިނީ އެންމެ ފުރަތަމަ ވެސް ވިސްނުން ހުރީ ރެއާލާ އެކު ކުރިއަށްދިއުމަށް ކަމަށާއި، އާސެނަލާ އެކު ދެކެވުނު ވާހަކަތަކަކީ، އެ ކްލަބަށް ދިއުމަށްޓަކައި އެއްވެސް އިރެއްގައި ޝައުގުވެރިކަން ހުރެގެން ކުރި ކަމެއް ނޫން ކަމަށެވެ. 

ވިނީޝިއުސްގެ ހުރިހާ ޝަރުތެއް ގަބޫލުކުރަން ރެއާލް ދެކޮޅު

ވިނީޝިއުސްގެ ކޮންޓްރެކްޓް އާކުރުމަށް ރެއާލް މެޑްރިޑުން މަޝްވަރާ ކުރަމުންދާއިރު، މުސާރައާއި އިމޭޖް ރައިޓްސްއާ ގުޅޭގޮތުން އޭނާ ހުށަހެޅި ހުރިހާ ޝަރުތުތަކަކަށް އެއްބަސްވާން ކްލަބުން ވަނީ ދެކޮޅު ހަދާފައި. ވިނީ ހޯދުމަށް އާސެނަލުން ބޮޑު މުސާރައަކާއެކު ޝައުގުވެރިކަން ފާޅުކުރަމުންދާއިރު، ރެއާލުން އޭނާ ދޫކޮށްލާނެ ކަމަށް ބެލެވޭ އަގު ބޮޑުވާނެ.

ރެއާލާ އެކު، 2032 ވަނަ އަހަރުގެ ޖޫންގެ ނިޔަލަށް އޮތް ކޮންޓްރެކްޓްގައި ވިނީ ސޮއިކުރީ، އޭނާ ބޭނުންވާ ބައެއް ކަންކަން ފުރިހަމަ ނުވި ނަމަވެސް، ޖުމްލަ ކޮންޓްރެކްޓާ މެދު ހިތްހަމަ ޖެހޭތީ ކަމަށް ސްޕެއިނުގެ ނޫސްތަކުން ވަނީ ރިޕޯޓްކޮށްފަ އެވެ. އެ ގޮތުން، ސީޒަނަކަށް ޖެހޭ މުސާރަ ބޮޑުވިއިރު، އިމޭޖް ރައިޓްސް ވިއްކައިގެން ލިބޭ އާމްދަނީ، އޮތީ ރެއާލުން ގެންގުޅޭ ކޮންޓްރޯލް މިންގަނޑުގެ ތެރޭގަ އެވެ. 

ރެއާލުން 2017 ވަނަ އަހަރު ވިނީޝިއުސް ގަތީ ފްލަމެންގޯ އަށް 50 މިލިއަން ޑޮލަރު ދައްކައިފަ އެވެ.

އޭނާ ވަނީ ރެއާލާ އެކު، ޗެމްޕިއަންސް ލީގުގެ ޗެމްްޕިއަންކަން ދެ ފަހަރު، ސްޕެނިޝް ލީގުގެ ޗެމްޕިއަންކަން ތިން ފަހަރު، ސްޕެނިޝް ސުޕަ ކަޕް ތިން ފަހަރު، ފީފާ ކްލަބް ވޯލްޑް ކަޕް ދެ ފަހަރު، ފީފާ އިންޓަކޮންޓިނެންޝިއަލް ކަޕާއި ކޮޕަ ޑެލް ރޭ، ކޮންމެ މުބާރާތެއް އެއް ފަހަރު ކާމިޔާބުކޮށްފަ އެވެ. 

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox