ހައުސިން މިނިސްޓްރީން އައްޑޫ ސިޓީގައި ޕްރޮޖެކްޓް އޮފީހެއް ގާއިމުކުރަން ސ. ހިތަދޫ އިން އިމާރާތެއް ކުއްޔަށް ހިފުމަށް ބީލަން ހުށަހެޅުމަށް ހުޅުވާލައިފި އެވެ.
ހައުސިން މިނިސްޓްރީން ބުނީ މި މަސައްކަތް ކުރުމަށް ޝައުގުވެރިވާ އެންމެން ބީލަން ހުށަހެޅުމާއި ބީލަން ހުޅުވުން އޮންނާނީ އޮގަސްޓް 13، ވާ ބުރާސްފަތި ދުވަހުގެ 10:30 ގައި ސ. ހިތަދޫ، ދިރާމުލި ގައި ކަމަށެވެ.
ހައުސިން މިނިސްޓްރީން އިއުލާންކުރީ 2،000 އަކަފޫޓާއި 2،500 އަކަފޫޓާ ދެމެދުގެ ބިމެއް އެއް އަހަރު ދެމެދުގެ މުއްދަތަށެވެ.
މި މަސައްކަތަށް ބީލަން ހުށަހެޅުމާއި ބީލަން ހުޅުވުން އެންމެ ފުރަތަމަ ކަނޑައެޅީ ޖުލައި 28، ވާ އަންގާރަ ދުވަހަށެވެ. ނަމަވެސް މިނިސްޓްރީން ވަނީ އޮގަސްޓް 13، އަށް ބީލަން ހުށަހެޅުމާއި ހުޅުވުން ފަސްކޮށްފަ އެވެ.
މަޝްރޫއުތައް ރާވައި ހިންގުމުގައި އައްޑޫ ސިޓީ ކައުންސިލް މެދުވެރިނުކޮށް އައްޑޫގައި ޕްރޮޖެކްޓް އޮފީހެއް މިނިސްޓްރީން ގާއިމުކުރަނީ ކީއްވެގެން ކަމެއް ސާފެއް ނުވެ އެވެ.
މުހައްމަދު މުއިއްޒުގެ ސަރުކާރުން އައްޑޫ ސިޓީގައި ގިނަ މަޝްރޫއުތަކެއް ހިންގުމަށް ރާވާފައިވާއިރު، އޭގެއިން އެއްވެސް މަޝްރޫއެއް ކުރިއަކަށް ނުދެ އެވެ. އެގޮތުން ބިންގާ އަޅާފައިވާ މަޝްރޫއުތައްވެސް ހުރީ ހުއްޓިފަ އެވެ.
މީގެއިތުރުން މިދިޔަ ސަރުކާރުން އައްޑޫގައި ހިންގަން ފެށި މަޝްރޫއުތައްވެސް މި ސަރުކާރު ވެރިކަމާ ހަވާލުވިފަހުން ވަނީ ހުއްޓިފަ އެވެ.
