މަސައްކަތް ހުއްޓިފައި ހުރި ނަމަވެސް، ހެލްތު މިނިސްޓަރު ގީލާ ވިދާޅުވަނީ ކަނޑައަޅާފައިވާ ތާރީހަށް ނިންމޭނެ ކަމަށް

ހެލްތު މިނިސްޓަރު ގީލާ އަލީ ރައްޔިތުންގެ މަޖިލީހުގައި ސުވާލުުތަކަށް ޖަވާބު ދެއްވަނީ: ގީލާއާ މެންބަރުން ސުވާލު ކުރީ ހެލްތު ސެކްޓާގެ ތަރައްގީގެ މަޝްރޫއުތަކާ ގުޅޭ ގޮތުން --- ފޮޓޯ: ރައްޔިތުންގެ މަޖިލިސް

ހެލްތު މިނިސްޓަރު ގީލާ އަލީ ރައްޔިތުންގެ މަޖިލީހުގައި ސުވާލުުތަކަށް ޖަވާބު ދެއްވަނީ: ގީލާއާ މެންބަރުން ސުވާލު ކުރީ ހެލްތު ސެކްޓާގެ ތަރައްގީގެ މަޝްރޫއުތަކާ ގުޅޭ ގޮތުން --- ފޮޓޯ: ރައްޔިތުންގެ މަޖިލިސް

ރާއްޖޭގެ އެކި ކަންކޮޅުގައި ހިންގާ ސިއްހީ ދާއިރާގެ މަޝްރޫއުތައް ހުއްޓިފައި ހުރި ނަމަވެސް، އެ ތަންތަނުގެ މަސައްކަތް ކަނޑައަޅާފައިވާ ތާރީހަށް ނިންމައިލެވޭނެ ކަމަށް ހެލްތު މިނިސްޓަރު، ގީލާ އަލީ ވިދާޅުވެއްޖެ އެވެ.

ރައްޔިތުންގެ މަޖިލީހުގެ މިއަދުގެ ޖަލްސާއަށް ހާޒިރުކޮށް، ގީލާއާ އެންމެ ގިނައިން އަމާޒުވީ ރަށްރަށުގައި ފަށާފައި ހުއްޓިފައި ހުރި މަޝްރޫއުތަކާ ބެހޭގޮތުންނެވެ.

އެ ސުވާލުތަކުގެ ޖަވާބުގައި، މަސައްކަތް ހުއްޓިފައި ހުރި ސަބަބު ވިދާޅުވުމުގެ ބަދަލުގައި ގީލާ ވިދާޅުވަމުން ގެންދެވީ މަޝްރޫއުތަކުގެ ތަފުސީލެވެ. އޭގެ އިތުރުން، ކަނޑައެޅިފައިވާ ތާރީހުތަކަށް އެ ތަންތަނުގެ މަސައްކަތް ނިންމޭނެ ކަމަށް ގީލާ ތަކުރާރުކޮށް ވިދާޅުވި އެވެ.

"މިހާރު ކުރިއަށް ދަނީ ފައުންޑޭޝަންގެ ފުޓްއިންތަކުގެ ދަގަނޑު ބަނދެ ކޮންކްރީޓް އެޅުމުގެ މަސައްކަތްތައް ކުރުމަށް ތައްޔާރުވަމުންދާކަން ވެސް ފާހަގަކޮށްލަން. އިއްޒަތްތެރި މެންބަރަށް ދަންނަވާލާނީ އަޅުގަނޑުމެން އަމާޒުކޮށްފައި މި އޮތް ތާރީހަށް އެ މަރުކަޒު، އެ މަސައްކަތް ވެސް ފުރިހަމަކުރެވިގެން ދާނެ ކަމަށް،" ނެއްލައިދޫ ސިއްހީ މަރުކަޒުގެ މަސައްކަތް ހުއްޓިފައި އޮތް މައްަސަލައިގައި ސުވާލުކުރުމުން ގީލާ ވިދާޅުވި އެވެ.

އޭގެ އިތުރުން ވެސް، ޕީއެންސީގެ މެންބަރުން ވެސް ހިމެނޭހެން، މަޝްރޫއުތައް ހުއްޓިފައި ހުރި ސަބަބު އޮޅުންފިލުވުމަށް މިނިސްޓަރާ ސުވާލުކުރެއްވި އެވެ.

ރަށްރަށުގައި ފަށާފައި ހުރި މަޝްރޫއުތައް ކަނޑައަޅާފައިވާ ތާރީހަށް ނިންމޭނެ ކަމަށް ގީލާ ވިދާޅުވި ނަމަވެސް، ގިނަ ރަށްރަށުގެ ސިއްހީ މަރުކަޒު އެޅުމަށް ބިންގާ އެޅުމުގެ އިތުރުން އިތުރު އެއްވެސް މަސައްކަތެއް ކުރިއަކަށް ނުގެންދެ އެވެ. މިއަދުގެ ޖަލްސާގައި ސުވާލުކުރެއްވި މެންބަރުން ވެސް އެކަން ފާހަގަކުރެއްވި އެވެ.

ކަނޑައަޅާފައިވާ ތާރީހަށް މަޝްރޫއުތައް ނިންމޭނެ ކަމަށް ގީލާ ވިދާޅުވިއިރު، ސަރުކާރުން އިއުލާންކޮށްފައިވާ ޕްރޮޖެކްޓުތަކުގެ ދުވެލި ލަސްވެ، ގިނަ ޕްރޮޖެކްޓުތަކެއް ހުއްޓި މަސައްކަތް ނުހިނގާ މައްސަލައިގައި ރައީސުލްޖުމްހޫރިއްޔާ މުހައްމަދު މުއިއްޒު އިއްޔެ ވަނީ ކޯފާ އިސްކުރައްވައި މިނިސްޓަރުން ބަދުނާމުކުރައްވައިފަ އެވެ.

އިތުބާރު ހުރި މަސްދަރުތަކުން "އަދަދު" އަށް މައުލޫމާތު ދިން ގޮތުގައި، އިއްޔެގެ ކެބިނެޓު ބައްދަލުވުމުގައި މުއިއްޒު ވަނީ ޕްރޮޖެކްޓުތައް ނުހިނގަނީ މިނިސްޓަރުންގެ ފަރުވާކުޑަކަމުން ކަމަށް ތުހުމަތުކުރައްވައިފަ އެވެ.

އެގޮތުން ފައިސާ ހަމަނުޖެހި ހުރި ޕްރޮޖެކްޓުތަކުގެ މައްސަލައިގައި، މުއިއްޒު ވަނީ މިހާރުގެ ފިނޭންސް މިނިސްޓަރު ހަސަން ޒަރީރާއި ކުރީގެ ފިނޭންސް މިނިސްޓަރު މޫސާ ޒަމީރަށް ވެސް ތުހުމަތުގެ އިނގިލި ދިއްކުރައްވައފަ އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox