މަސައްކަތް ނުނިމެނީސް ނުވަ މިލިއަނަށްވުރެ ގިނަ ރުފިޔާ މުއިއްޒުގެ މޭޔަރުކަމުގައި ކުންފުންޏަކަށް ދޫކުރި މައްސަލައެއް ބަލަނީ

މާލެ ސިޓީ ކައުންސިލްގެ ހުޅުމާލެ އުތުރު ދާއިރާގެ ކައުންސިލަރު، ފާތިމަތު ޒަހިއްޔާ (ޒާޔާ) -- ފޮޓޯ: މާލެ ސިޓީ ކައުންސިލް

މާލެ ސިޓީ ކައުންސިލްގެ ހުޅުމާލެ އުތުރު ދާއިރާގެ ކައުންސިލަރު، ފާތިމަތު ޒަހިއްޔާ (ޒާޔާ) -- ފޮޓޯ: މާލެ ސިޓީ ކައުންސިލް

ރައީސުލްޖުމްހޫރިއްޔާ މުހައްމަދު މުއިއްޒުގެ މޭޔަރުކަމުގައި އެމަނިކުފާނުގެ ގާތް ބޭފުޅެއްގެ ކުންފުންޏަށް މަސައްކަތް ނުނިމެނީސް ނުވަ މިލިއަނަށްވުރެ ގިނަ ރުފިޔާ ދޫކުރި ކަމަށް ބުނާ މައްސަލައެއް މާލެ ސިޓީ ކައުންސިލުން ބަލަން ފަށައިފި އެވެ.

މިއަދު އޮތް މާލެ ސިޓީ ކައުންސިލުގެ ޖަލްސާގައި ވާހަކަދައްކަވަމުން އެކަމުގެ ކަންބޮޑުވުން ފާޅުކުރެއްވީ ހުޅުމާލެ އުތުރު ދާއިރާގެ ކައުންސިލަރު، ފާތިމަތު ޒަހިއްޔާ (ޒާޔާ) އެވެ.

އޭނާ ތުހުމަތު ކުރެއްވީ މުއިއްޒުގެ މޭޔަރުކަމުގައި މާލެ ސިޓީ ކައުންސިލްގެ ލިޔެކިޔުންތައް ޑިޖިޓައިޒް ކުރުމުގެ މަސައްކަތް ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ) ގެ މިހާރުގެ ޑެޕިއުޓީ މެނޭޖިން ޑިރެކްޓަރު، މުހައްމަދު އަސްބާހު އަލީ ނަސީރުގެ ކުންފުނި ކަމަށްވާ އެކިޔުޓައިޒް ޕްރައިވެޓް ލިމިޓެޑަށް ތިން ފަހަރެއްގެ މަތިން ހަވާލުކުރި ކަމަށެވެ.

އެގޮތުން، މެއި 17، 2022 އިން 16 އޯގަސްޓު 2022 ގެ ނިޔަލަށް އެ މަސައްކަތް ނިންމަން އެ ކުންފުންޏާ ހަވާލުކުރި ނަމަވެސް، އެ މަސައްކަތް އެކިޔުޓައިޒް ކުންފުނިން ނިންމާފައި ނުވާ ކަމަށް ޒާޔާ ވިދާޅުވި އެވެ.

އެހެންކަމުން، އަނެއްކާ ވެސް 15 އޯގަސްޓު 2022 އިން ފެބްރުއަރީ 14، 2023 އަށް އެ މަސައްކަތް ނިންމަން އެކިޔުޓައިޒް ކުންފުންޏާ ހަވާލުކުރި ކަމަށް އޭނާ ވިދާޅުވި އެވެ. އަދި، އެއަށްފަހު، ފެބްރުއަރީ 15، 2023 އިން ޖޫން 14، 2023 އަށް ހަމަ އެ ކުންފުންޏާ އެ މަސައްކަތް ކައުންސިލުން ހަވާލުކުރި ކަމަށް ޒާޔާ ވިދާޅުވި އެވެ.

ނަމަވެސް، ތިންވަނަ ތާރީހު ފަހަނައަޅައި ދިޔައިރު ވެސް މާލެ ސިޓީ ކައުންސިލް ޑިޖިޓައިޒް ކުރުމުގެ މަސައްކަތް އެ ކުންފުނިން ނިންމާފައި ނުވާ ކަމަށް ޒާޔާ ވިދާޅުވި އެވެ.

"ޑރ. މުހައްމަދު މުއިއްޒު ރާއްޖޭގެ ރައީސުލްހުމްހޫރިއްޔާ ކަމާ ހަވާލުވެވަޑައިގަތުމަށްފަހު ވަނީ މުހައްމަދު އަސްބާހު އަލީ ނަސީރަށް އެޗްޑީސީގެ ޑެޕިއުޓީ މެނޭޖިން ޑިރެކްޓަރު ކަމުގެ މަގާމު ދެއްވާފައި،" ޒާޔާ ވިދާޅުވި އެވެ.

"އެހެންކަމުން ރައްޔިތުންގެ ޓެކްސް ފައިސާއިން 9 މިލިއަނަށްވުރެ ގިނަ ރުފިޔާ ދީފައި މިވަނީ ޑރ. މުހައްމަދު މުއިއްޒުގެ ގާތް ބޭފުޅަކަށްކަން އެއްވެސް ޝައްކެއް ނެތް މިންވަރަށް މިކަމުން ވެސް ސާބިތުވޭ."

ޒާޔާ ވިދާޅުވީ އެކިޔުޓައިޒް ކުންފުންޏަކީ 2021 ވަނަ އަހަރު ރެޖިސްޓްރީ ކޮށްފައިވާ، ވިޔަފާރި ކުރުމުގެ ހުއްދަ ވެސް ނެތް ކުންފުންޏެއް ކަމަށެވެ.

މިއަދުގެ ޖަލްސާއަށް އޭނާ ހުށަހެޅުއްވީ އެ މައްސަލަ ތަހުގީގު ކޮށްދިނުމަށް އެދި އެންޓި ކޮރަޕްޝަން ކޮމިޝަން (އޭސީސީ) އަށް ހުށަހެޅުމާއެކު، އެ މައްސަލަ އަވަސް މައްސަލައެއްގެ ގޮތުގައި ތަހުގީގު ކުރަން އޭސީސީގެ މައްޗަށް އަމުރުކޮށްދިނުމަށް އެދި ޕްރޮސެކިއުޓާ ޖެނެރަށް ހުށަހެޅުމަށެވެ.

ކައުންސިލުގެ ތަޅުމުން ފާސްކުރީ އެ މައްސަލަ ކަމާބެހޭ ކައުންސިލްގެ ކޮމިޓީއަށް ފޮނުވުމަށްފަހު، އޭގެ ތަފުސީލުތަކާއެކު އަލުން ތަޅުމަށް ހުށަހަޅައިގެން އެ މައްސަލަ ފާސްކުރުމަށެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox