ހަތް އަހަރުގެ މެދުކެނޑުމަކަށް ފަހު ބޭރަށް ދަތުރުކުރާ ދިވެހިންގެ ސާވޭ ކުރަނީ

ވެލާނާ އިންޓަނޭޝަނަލް އެއާޕޯޓުގެ ޓާމިނަލް 1: މައުލޫމާތު ނަގަނީ ރާއްޖެ އަންނަ ދިވެހިންނާ ސުވާލުކޮށްގެން --- ފޮޓޯ: އެމްއޭސީއެލް

ވެލާނާ އިންޓަނޭޝަނަލް އެއާޕޯޓުގެ ޓާމިނަލް 1: މައުލޫމާތު ނަގަނީ ރާއްޖެ އަންނަ ދިވެހިންނާ ސުވާލުކޮށްގެން --- ފޮޓޯ: އެމްއޭސީއެލް

ބޭރު ގައުމުތަކަށް ދަތުރުކުރާ ދިވެހިންގެ ހޭދަ ކުރާ މިންވަރު ދެނެގަތުމުގެ ގޮތުން މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ކުރާ "މޯލްޑިވިއަންސް ޓްރެވަލިން އެބްރޯޑު ސާވޭ" އަށް މި މަހު ފަހުކޮޅު މައުލޫމާތު އެއްކުރާނެ ކަމަށް އެ އޮތޯރިޓީން ބުނެފި އެވެ.

އެމްއެމްއޭގެ މި ސާވޭގެ ދަށުން އެއްކުރާ މައުލޫމާތުގެ ތެރޭގައި ދަތުރުގެ މަގުސަދާއި، ދަތުރު ކުރި ގައުމާއި، ޓިކެޓު ހަރަދުގެ އިތުރުން ހުރުމުގެ ހަރަދާއި، ބޭސް ފަރުވާގެ ހަރަދާއި ޖުމްލަ ގޮތެއްގައި މުޅި ދަތުރަށް ކުރެވުނު ހަރަދު ހިމެނެ އެވެ. 

އެމްއެމްއޭއިން ބުނި ގޮތުގައި މި ސާވޭއަށް ބޭނުންވާ މައުލޫމާތު އެެއްކުރާނީ މި މަހުގެ 25 އިން ފެށިގެން 31 އާ ހަމައަށް ވެލާނާ އިންޓަނޭޝަނަލް އެއާޕޯޓުގެ އެރައިވަލް ހޯލުގައި ކަމަށެވެ. މައުލޫމާތު އެއްކުރަނީ ރާއްޖެ އަންނަ ދިވެހި ފަސިންޖަރުންގެ ފަރާތުންނެވެ. 

Advertisement

ބޭރަށް ދަތުރުކުރާ ދިވެހިންގެ ސާވޭއަކީ 2014 އިން ފެށިގެން 2018 އަށް އެމްއެމްއޭއިން ގަވާއިދުން ކުރަމުންދިޔަ ސާވޭއެކެވެ. ނަމަވެސް 2019 އިން ފެށިގެން އެ ސާވޭ ހެދުން ވަނީ ހުއްޓާލާފަ އެވެ.

އެމްއެމްއޭގެ މި ސާވޭއަށް އޮފް ޕީކު ދުވަސްވަރާއި ޕީކު ދުވަސްވަރުގައި ވެސް މައުލޫމާތު އެއްކުރެ އެވެ. 

މިހާތަނަށް ޝާއިއުކޮށްފައިވާ ސާވޭތަކުން ދައްކާ ގޮތުގައި އެ ފަސް އަހަރުގެ ތެރޭގައި  ދިވެހިން ބޭރު ގައުމުތަކަށް އެންމެ ގިނައިން ދަތުރުކުރީ ބޭސްފަރުވާއަށެވެ. ދެން އެންމެ ގިނައިން ދަތުރު ދަނީ ޗުއްޓީ ހޭދަކުރާށެވެ. މި ދަތުރުތަކުގައި ދިވެހިން އެންމެ ގިނައިން ދަތުރުކުރަނީ އަވައްޓެރި އިންޑިއާ އާއި ސްރީލަންކާއަށެވެ. 

މި މުއްދަތުގެ ތެރޭގައި ހަރަދުތަކަށް އައިސްފައިވާ ބަދަލުތަކަށް ބަލާއިރު، ބޭސްފަރުވާއަށް ކުރާ ދަތުރުތަކުގެ ހަރަދުަ ވަނީ 2015 ގައި 683 ޑޮލަރުގައި ހުރެފައި 2018 ގައި 878 ޑޮލަރަށް އުފުލިފަ އެވެ. އަދި، ޗުއްޓީއަށް ކުރާ ދަތުރުތަކުގައި ކުރާ ހޭދަ ވަނީ އެ މުއްދަތުގެ ތެރޭގައި 780 ޑޮލަރުން 890 ޑޮލަރަށް އުފުލިފަ އެވެ. 

ބޭރަށް ދަތުރުކުރާ ދިވެހިން ދަތުރުތަކަށް ހޭދަކުރާ މިންވަރު ދެނެގަތުމަކީ ރާއްޖޭގައި ޑޮލަރު ބޭނުންކުރާ މިންވަރު ދެނެގުަމުތަށް މުހިންމު މައުލޫމާތެކެވެ. ތަފާސްހިސާބުތަކުން ދައްކާ ގޮތުގައި އާންމުންނަށް ވިއްކާ ޑޮލަރުގެ ތެރެއިން ގިނަ އަދަދެއްގެ ޑޮލަރު ދަތުރުވެރިންނަށް ވިއްކަން ޖެހެ އެވެ.

ބޭރަށް ދަތުރުކުރާ ދިވެހިންނަށް ފުރާ ކޮންމެ މީހަކަށް ލިބޭ 500 ޑޮލަރާއި ރުފިޔާގެ އިތުރުން ރުފިޔާ ކާޑުތަކުން ލިބޭ ޑޮލަރު އެލަވަންސާއި ބޭސް ފަރުވާއަށް ފުރާ މީހުންނަށް އިތުރަށް ވިއްކާ ޑޮލަރުތައް ހިމަނައިގެން މިހާރު ގިނަ އަދަދަކަށް ޑޮލަރު ލިބެ އެވެ. 

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox