ހުޅުމާލެ ސެންޓްރަލް ޕާކުގައި މިހާރު ކުރިއަށްދާ "ފައިނޭންޝަލް އެކްސްޕޯ 2026" އަށް ޒިޔާރަތްކުރާ ފަރާތްތަކަށް މޯލްޑިވްސް އިސްލާމިކް ބޭންކް (އެމްއައިބީ) އިން ވަރަށް ހާއްސަ އިނާމެއް ހުޅުވާލައިފި އެވެ.
އެމްއައިބީގެ "ވިޒިޓް އެންޑް ވިން" ޕްރޮމޯޝަންގެ ދަށުން، އެކްސްޕޯއަށް ޒިޔާރަތްކުރާ ފަރާތްތަކުގެ މެދުގައި ނަގާ ގުރުއަތުން ހޮވޭ ނަސީބުވެރިއަކަށް 50,000 ރ. ފައިސާގެ އިނާމެއް ލިބޭނެ އެވެ.
ބައިވެރިވާނީ ކިހިނެއް؟
މި އިނާމު ހޯދުމުގެ ފުރުސަތު ހޯދުމަކީ ވަރަށް ފަސޭހަ ކަމެކެވެ؛
- ފައިނޭންޝަލް އެކްސްޕޯއަށް ޒިޔާރަތްކުރުން.
- އެކްސްޕޯއަށް ވަންނަ ދޮރުގައި ހުންނަ ހާއްސަ ކިޔޫއާރު ކޯޑު ސްކޭންކޮށްލުން.
- ރެޖިސްޓްރޭޝަން ފުރިހަމަ ކުރުން.
އެމްއެމްއޭގެ މީޑިއާ އޮފިޝަލް ބުނީ މި އިނާމު ލިބުމުގެ ފުރުސަތު އެކްސްޕޯ ހުޅުވި ދުވަހުން ފެށިގެން މިރޭ 10:00 އާ ހަމައަށް ޒިޔާރަތްކުރާ އެންމެންނަށް ވެސް އޮންނާނެ ކަމަށެވެ.
"މިރޭ ނަސީބުވެރިޔަކު ވެސް ހޮވާނެ. އަދިވެސް މި އިނާމު ހޯދުމުގެ ފުރުސަތު އެބަ އޮތް،" އޭނާ ބުންޏެވެ.
އެކްސްޕޯއަށް ޒިޔާރަތްކުރާ ފަރާތްތަކަށް ލިބޭނެ މުހިންމު ފުރުސަތުތައް:
- އެކްސްޕޯއަށް ޒިޔާރަތްކުރާ ފަރާތްތަކުގެ ތެރެއިން ނަސީބުވެރި އެކަކަށް 50,000 ރުފިޔާ ލިބުމުގެ ފުރުސަތު.
- ބޭންކުތަކާއި، އިންޝުއަރެންސް ކުންފުނިތަކުގެ އިތުރުން މާލީ ދާއިރާގެ އެކި މުއައްސަސާތަކުގެ ޕްރޮޑަކްޓްތަކާ ބެހޭ މައުލޫމާތު ހޯދުން.
- ވިޔަފާރިތަކަށާއި އަމިއްލަ ފަރާތްތަކަށް ހުޅުވާލެވިފައިވާ ލޯނު ސްކީމްތަކާއި އިންވެސްޓްމަންޓް ފުރުސަތުތަކުގެ ތަފްސީލް އޮޅުންފިލުވުން.
މިިއީ މާލީ ހޭލުންތެރިކަން އިތުރުކުރުމަށާއި، އާންމުންނަށް ލިބެން ހުރި މާލީ ފުރުސަތުތަކާ ގާތުން ރައްޓެހިކޮށްދިނުމަށް ބާއްވާ ހާއްސަ އެކްސްޕޯއެކެވެ.
އެމްއައިބީ ސްޓޯލުން ލިބޭނެ ހިދުމަތްތައް
ފައިސާގެ އިނާމުގެ އިތުރުން، އެކްސްޕޯގައި ހުންނަ އެމްއައިބީގެ ސްޓޯލަށް ޒިޔާރަތްކުރާ ފަރާތްތަކަށް ގިނަ ކަންތައްތަކެއް ވަނީ ރޭވިފައެވެ.
- އިސްލާމިކް ބޭންކިންގް ސޮލިއުޝަންސް: އެމްއައިބީގެ ޝަރީއާ ހުއްދަކުރާ މާލީ ހިދުމަތްތަކާއި ޕްރޮޑަކްޓްތަކުގެ މައުލޫމާތު ހޯދުން.
- ޑިޖިޓަލް އިނޮވޭޝަންސް: ބޭންކުގެ އެންމެ ފަހުގެ ޑިޖިޓަލް ބޭންކިން ހިދުމަތްތައް ތަޖުރިބާކޮށްލުން.
- ހަރަކާތްތަކާއި ހަދިޔާ: ސްޓޯލްގައި ކުރިއަށްދާ ފޯރިގަދަ ހަރަކާތްތަކުގައި ބައިވެރިވެ، ހާއްސަ ހަދިޔާތައް ހޯދުމުގެ ފުރުސަތު.
