މި ސަރުކާރުން ހަތަރު ބިލިއަން ރުފިޔާ ޗާޕުކޮށްފި: އަމީރު

ކުރީގެ ފިނޭންސް މިނިސްޓަރު އިބްރާހިމް އަމީރު: މި ސަރުކާރުން ފައިސާ ޗާޕުނުކުރާނެ ކަމަށް ބުނި ނަމަވެސް ހަތަރު ބިލިއަން ރުފިޔާ ޗާޕުކޮށްފައިވާކަން ތަފާސްހިސާބުތަކުން ދައްކާ ކަމަށް އޭނާ ވިދާޅުވި

ކުރީގެ ފިނޭންސް މިނިސްޓަރު އިބްރާހިމް އަމީރު: މި ސަރުކާރުން ފައިސާ ޗާޕުނުކުރާނެ ކަމަށް ބުނި ނަމަވެސް ހަތަރު ބިލިއަން ރުފިޔާ ޗާޕުކޮށްފައިވާކަން ތަފާސްހިސާބުތަކުން ދައްކާ ކަމަށް އޭނާ ވިދާޅުވި

މޯލްޑިވްސް މަނިޓަރީ އޮތޯރިޓީ (އެމްއެމްއޭ) ގެ ތަފާސްހިސާބުތަކުން ދައްކާ ގޮތުގައި މި ސަރުކާރުން މިހާތަނަށް ހަތަރު ބިލިއަން ރުފިޔާއާ ގާތަށް ފައިސާ ޗާޕުކޮށްފި ކަމަށް ކުރީގެ ފިނޭންސް މިނިސްޓަރު އިބްރާހިމް އަމީރު މިރޭ ވިދާޅުވެއްޖެ އެވެ. 

އެމްޑީޕީން "ޑޮލަރެއް ނެތް" ނަމުގައި ބާއްވާ ޕެނަލް ޑިސްކަޝަންގައި އަމީރު ވިދާޅުވީ މި ސަރުކާރުން ފައިސާ ޗާޕު ނުކުރާނެމޭ ބުންޏަސް، އެމްއެމްއޭގެ ތަފާސްހިސާބުތައް ބަލާލުމުން މި ސަރުކާރުން ހަތަރު ބިލިއަން ރުފިޔާއާ ގާތަށް ފައިސާ ޗާޕުކޮށްފިކަން އެނގޭ ކަމަށެވެ. 

"ސަރުކާރުން ވަރަށް ބޮޑަށް ފާހަގަކުރަމުން އައީ މި ސަރުކާރުން ފައިސާ ޗާޕެއް ނުކުރާނަމޭ. އެކަމަކު އަޅުގަނޑުމެންނަށް މިހާރު ވެސް އެމްއެމްއޭގެ ތަފާސްހިސާބުތަކުން އެބަ ފެނޭ އެމްއެމްއޭ މެދުވެރިކޮށް ސަރުކާރުން މިހާރު ޗާޕުކުރަން ފަށައިފިކަން. އަދި ގާތްގަނޑަކަށް ހަތަރު ބިލިއަން ރުފިޔާ ޗާޕުކޮށްފިކަން،" އަމީރު ވިދާޅުވި އެވެ. 

Advertisement

 އަމީރު ވިދާޅުވީ މިހާރު އަސްލު އޮތް ހާލަތަކީ ހަރަދުތައް ކުޑަކޮށް މަނިޓަރީ ޕޮލިސީ މެދުވެރިކޮށް ވެސް ދައުރުވާ ފައިސާގެ އަދަދު މަދުކުރުން ކަމަށްވާއިރު، އެމްއެމްއޭގެ މަނިޓަރީ ޕޮލިސީ އާއި ސަރުކާރުގެ ފިސްކަލް ޕޮލިސީ އޮތީ އެގޮތަށް ނޫން ކަމަށެވެ. 

މިގޮތުން މިދިޔަ ދެ އަހަރާއި ބައިގެ ތެރޭގައި 9.6 ބިލިއަން ރުފިޔާގައި ހުރި ޓްރެޝަރީ ސެކިއުރިޓީސްގެ އަދަދު  މިހާރު ގާތްގަނޑަކަށް 21 ބިލިއަން ރުފިޔާއަށް އިތުރުވެފައިވާ ކަމަށާއި އޭގެ މާނައަކީ ދެ އަހަރާއި ބައިގެ ތެރޭގައި ގާތްގަނޑަކަށް 11 ބިލިއަން އިތުރުވެފައިވުން ކަމަށް އޭނާ ވިދާޅުވި އެވެ. 

ދައުރުވާ ފައިސާގެ އަދަދު 78 ބިލިއަން ރުފިޔާއަށް އިތުރުވެފައިވާކަން ފާހަގަކުރައްވާ އަމީރު ވިދާޅުވީ ފައިސާ ދައުރުވާލެއް މަދުވާ ޕޮލިސީއެއް ގެންގުޅެންޖެހޭއިރު، ސަރުކާރުން ގެންގުޅެނީ އެއާ ނުގުޅޭ ޕޮލިސީއެއް ކަމަށެވެ. 

މީގެއިތުރުން އަމީރު ވިދާޅުވީ މި ސަރުކާރުން ގެންނަންޖެހޭ މާލީ ރިފޯމްތައް ނުގެނެވި، ސަރުކާރުގެ އިސްރާފުތައް ބޮޑުވެ، ހާލަތު އިތުރަށް ގޯސްވަމުންދާތަން ފެންނަމުންދާ ކަމަށެވެ. 

މި ސަރުކާރުން ފައިސާ ޗާޕުކުރިކަމުގެ ތުހުމަތުތައް އަމީރު ކުރައްވާފައިވާއިރު، ފައިސާ ޗާޕުނުކުރާނެ ކަމަށް ރައީސް މުހައްމަދު މުއިއްޒު އެކި ޕްލެޓްފޯމްތަކުގައި ތަކުރާރުކޮށް ވިދާޅުވެފައިވެ އެވެ. އޭގެއިތުރުން ސަރުކާރުގެ މިނިސްޓަރުން ވެސް އެކަން ފާހަގަކުރައްވާފައިވެ އެވެ. 

ޕެންޝަން އޮފީސް މެދުވެރިކޮށް 2.4 ބިލިއަން ރުފިޔާގެ ފައިސާ ޗާޕުކުރަން ސަރުކާރުން ވަނީ ރާވާފަ އެވެ.  މި މައްސަލައިގައި ޕެންޝަން އޮފީހުގެ އޭރުގެ ވެރިންނާއި ގިނަ ބޯޑު މެންބަރުން ވެސް އިސްތިއުފާ ދެއްވި އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox