ލޮސް އެންޖެލްސް، ޔުނައިޓެޑް ސްޓޭޓްސް (ޖުލައި 10) - ފީފާ ވޯލްޑް ކަޕްގެ ކުއާޓާ ފައިނަލުގައި މިރޭ ކުޅޭ މެޗަށް ނުކުންނައިރު، ސްޕެއިނަށް މިއީ އުނދަގޫ ޗެލެންޖަކަށް ކުރިމަތިކުރެވޭނެ ފަަދަ ހަތިޔާރު ބެލްޖިއަމް ޓީމުގައި އެބަހުރި ކަމަށް އެ ޓީމުގެ ތަރި، ރޮމެލޫ ލުކާކޫ ބުނެފި އެވެ.
އެއްކޮށް ފިޓް ނޫނަސް މި ފަހަރުގެ ވޯލްޑް ކަޕްގެ ބެލްޖިއަމް ސްކޮޑުގައި ހިމެނި ލުކާކޫ އަންނަނީ މޮޅު ކުުޅުމެއް ދައްކަމުންނެވެ. ގިނަ މެޗުތަކުގައި ބެންޗުން އަރައި ވެސް ގޯލު ޖަހަމުން އަންނަ ލުކާކޫ ބުނީ، ސްޕެއިނަކީ ވަރަށް ވަރުގަދަކޮށް އޮތް ޓީމެއް ކަމަށާއި އެހެން ނަމަވެސް ބެލްޖިއަމަށް ވެސް ރަނގަޅަށް ކުޅެ ކުރެވޭނެ ކަންކަން ހުންނާނެ ކަމަށެެވެ.
"މިހާ ދުރަށް މުބާރާތެއްގައި އައިސްފައި، ހަމައެކަނި އެނބުރި ގެއަށްދާ ވިސްނުމެއްގައެއް ނުުކުޅޭނެ. ސްޕެއިނަކީ ގަދަ ޓީމެއް. ވަރަށް ގިނަ ކަންކަން ރަނގަޅަށްހުރީ. އެކަމަކު، އަހަރެމެން ވެސް މި ދަނީ ތައްޔާރުވަމުން، އެ މީހުންނަށް އުނދަގޫ ކުރެވޭނެ ފެންވަރާއި ހަތިޔާރު އަހަރެމެންގެ ވެސް އެބަހުރި،" ބެލްޖިއަމްގެ ތާރީހުގައި އެ ޓީމަށް އެންމެ ގިނަ ގޯލު ޖަހައިދިން ލުކާކޫ ބުންޏެވެ.
ސްޕެއިން ކަހަލަ ޓީމަކާ ދެކޮޅަށް ބެލްޖިއަމުން ވެސް މަސައްކަތް ކުރަން ޖެހޭނީ ޓީމެއް ގޮތަށް ކަމަށާއި އެ ނޫން ވިސްނުމެއްގައި ކުޅެގެން ކާމިޔާބު ލިބޭނެ ކަމަށް އޭނާ އަށް ގަބޫޫލުނުކުރެވޭ ކަމަށް ލުކާކޫ ވަނީ ބުނެފަ އެވެ. އަދި، މިދިޔަ އޭޕްރީލް މަހުގައި ސްޕެއިންގެ ކޯޗުކަމާ ހަވާލުވި ރުޑީ ގާސިއާގެ ވިސްނުމަކީ ވެސް އިންޑިވިޖުއަލް ކުޅުންތެރިންނަށް ބަރޯސާވުމުގެ ބަދަލުގައި، ޓީމެއްގެ ސިފައިގައި ކުރިއަށްދިއުން ކަމަށް ވެސް ލުކާކޫގެ ވާހަކައިގައި ވަނީ ފާހަގަކޮށްފަ އެވެ.
"އަހަރެން މި މަސައްކަތް ކުރަނީ ވެސް ލިބުނު ފުރުސަތެއްގެ ބޭނުންހިފައިގެން، ޓީމަށް އެހީވުމަށް. އެއީ މިކަން ކުރެވޭނެ ގޮތަކީ. ކޮންމެ މެޗެއްގައި ކޮންމެ ކުޅުންތެރިއަކު ފުރަތަމަ އެގާރައިގައި ކުޅޭނެ ކަމަށް ދެކުމަކީ ވެސް ގޯހެއް،" ލުކާކޫ ބުންޏެވެ.
ގާސިއާ ބުނީ، ސްޕެއިނަކީ މުބާރާތުގެ ފޭވަރިޓެއް ކަމަށާއި އަނެއް ކޮޅުން ބަލާއިރު، ބެލްޖިއަމަކީ މުބާރާތުގައި ތިން ވަނަ އަށް އެންމެ ގިނަ ގޯލު ޖެހި ޓީމު ކަމަށްވުމުން، މި މެޗުގައި ވެސް އެކަން ހާސިލްކޮށް، ރަނގަޅު ކަންކަމަށް އުންމީދު ކުރެވިދާނެ ކަމަށެވެ.
ބެލްޖިއަމުން ވޯލްޑް ކަޕްގެ ކުއާޓާ ފައިނަލަށް ދަތުރުކުރީ، ގަދަ 16 ބުރުގައި، 4-1 އިން އެމެރިކާ ބަލިކޮށްފަ އެވެ. ގާސިއާ ބުނީ، އެމެރިކާގައި ކުޅެގެން އެ ޓީމު އަތުން މޮޅުވެ، ބެލްޖިއަމުން ދެން މުބާރާތުގައި ކުރިއަށްދާއިރު، ދެން ވިސްނަން ޖެހޭ ކަމަކީ، އެ ޓީމަށް ހެޔޮ އެދޭނެ އެމެރިކާ އަށް ނިސްބަތްވާ މާ ގިނަ ސަޕޯޓަރުން ނުތިބޭނެ ކަމަށް ކަމުގައި ގާސިއާ ވަނީ ބުނެފަ އެެވެ.
