ވޯލްޑް ކަޕް މެޗުތަކަށް ސަޕޯޓަރުން ދަނޑަށް ފެންފުޅި ވެއްދުން ފަހު ވަގުތު މަނާކޮށްފި

Jun 4, 2026, 10:19 AM
މެޗެއްގެ ތެރެއިން ރީޔޫޒަބަލް ޕްލާސްޓިކް ފުޅި އަކުން ކުޅުންތެރިއަކު ފެން ބޮނީ.

މެޗެއްގެ ތެރެއިން ރީޔޫޒަބަލް ޕްލާސްޓިކް ފުޅި އަކުން ކުޅުންތެރިއަކު ފެން ބޮނީ.

ޒިއުރިކް، ސްވިޒަލެންޑް (ޖޫން 4) - ފީފާ ވޯލްޑް ކަޕްގެ މެޗުތައް ބަލަން ދަނޑަށް ވަންނަ ސަޕޯޓަރުންނަށް އަމިއްލަ ފެންފުޅިއެއް ހިފައިގެން ނުަވަދެވޭނެކަމަށް އަންގައި، ސަޕޯޓަރުންގެ ގައިޑްލައިން ފީފާ އިން ފަހު ވަގުތު ބަދަލުކޮށްފި އެވެ. 

މީގެ ތިން ހަފްތާ ކުރިން ފީފާގެ އޮފިޝަލް ސްޓޭޑިއަމް ކޯޑް އޮފް ކޮންޑަކްޓްގައި ހިމަނާފައިވާ އެއް މާއްދާ އަކީ، ރީޔޫޒަބަލް (އެއް ފަހަރަށް ވުރެން ގިނަ ފަހަރަށް ބޭނުންކުރެވޭ) ޕްލާސްޓިކް ފުޅިއެއް، 1 ލިޓަރުގެ  ކެޕޭސިޓީ ހިމެނޭ ގޮތަށް، ކޮންމެ ސަޕޯޓަރަކަށް ދަނޑަށް ވެއްދޭނެ ކަމަށެވެ. 

އެހެން ނަމަވެސް، ފީފާ ވެބްސައިޓުގައި އެ މާއްދާއާ އެކު މީގެ ކުރިން، އޮފިޝަލް ސްޓޭޑިއަމް ކޯޑް އޮފް ކޮންޑަކްޓް މި ވަނީ ފަހު ވަގުުތު ބަދަލުކޮށްފަ އެވެ. އެ ގޮތުން، ޖޫން 2 ވަނަ ދުވަހު ވަނީ، ކޯޑް އޮފް ކޮންޑަކްޓް އިން އެ މާއްދާ ނަގައިފަ އެވެ. އަދި، ޓިކެޓް ގެނަފައިވާ ސަޕޯޓަރުންނަށް ފީފާ އިން ފޮނުވާފައިވާ އީމެއިލެއްގައި ބުނެފައިވަނީ، ރީޔޫޒަބަލް ޕްލާސްޓިކް ފެންފުޅިތައް މިހާރު ދަނޑަށް ވެއްދުމުގެ ހުއްދައެއް ނެތް ކަމަށެވެ. 

ޕްލާސްޓިކް ނޫނަސް އެއްވެސް ޒާތެއްގެ ފުޅިއެއް ދަނޑަށް ވައްދަން ހުއްދައެއް ނެތް ކަމަށް ވެސް އެ މެއިލްގައި ހިމަނާފައިވާއިރު، ސަބަބެއްގެ ގޮތުގައި ބުނެފައިވަނީ، ހަމަނުޖެހުން ހިނގާ ވަގުތުތަކުގައި ދަނޑަށް އެއްޗެހި އުކުން ފަދަ ކަންކަމަށް ފުރުސަތު އޮންނާތީވެ އެކަންކަން ކޮންޓްރޯލް ކުރުމުގެ ގޮތުން ކަމަށެެވެ. 

އެމެރިކާ، ކެނަޑާ އަދި މެކްސިކޯގައި ބާއްވާ މި ފަހަރުގެ ވޯލްޑް ކަޕްގައި ސަޕޯޓަރުންނަށް ގިނަ ފިންތުންތަކެއް އަންނަނީ ކުރިމަތިވަމުންނެވެ. އެ ގޮތުން، ދަތުރުފަތުރު ކުރުމުގެ ހަރަދާއި މެޗު ޓިކެޓްގެ އަގުތައް އިންތިހާ އަށް މަތިވެފައިވާއިރު، ފެންފުޅިއެއް ދަނޑަށް ވެއްދުން ފަދަ ޒަރޫރީ ބޭނުންތައް ފުއްދުމުގައި ވެސް އުނދަގޫތަކެއް މިހާރު މިވީ ގޮތުން އަންނާނެ އެވެ. އަދި، ފީފާ ވޯލްޑް ކަޕް ކުޅޭ ދަނޑުތަކުގައި މި ފަަހަރު، ހުސް ފުޅި އަށް ފެން ރީފިލް ކުުރުމުގެ އިންތިޒާމް ވެސް ނުހުންނާނެ ކަމަށް ރިޕޯޓްތައް ބުނެ އެވެ. 

މިދިޔަ އަހަރު އެމެރިކާގައި ބޭއްވި ކްލަބް ވޯލްޑް ކަޕްގެ މެޗުތަކުގެ ތެރެއިން ދަނޑުތަކުގައި ފެންފުޅި އެއް ވިއްކާފައިވަނީ، ހަތަރު ޑޮލަރާއި ހަ ޑޮލަރާ ދެމެދުގެ އަގުތަކަށެވެ. އަދި، މި ފަހަރުގެ ވޯލްޑް ކަޕްގައި، ފީފާ އިން ސޮފްޓް ޑްރިންކާއި ފެން ވިއްކާނީ ކޮން އަގުތަކެއްގައިކަން ހާމަކޮށްފައިނުވާއިރު، މި ފަހަރުގެ ވޯލްޑް ކަޕް ދުވަސްވަރު، ކެނަޑާ އާއި މެކްސިކޯ އަދި އެމެރިކާ އަށް ވަރަށް ހޫނުގަދަވާނެ ކަމަށް މޫސުމާ ބެހޭ އެކި އިދާރާތަކުން ވަނީ މައުލޫމާތު ދީފަ އެވެ. 

ފީފާ އިން ވަނީ އެކި މުބާރާތްތައް ކުރިއަށްދާ ސްޓޭޑިއަމްތަކުގައި، ރީޔޫޒަބަލް ފެންފުޅި ބޭނުންކުރަން ހުއްދަ ދޭ ދިނުމަށް އަމަލުކުރުމުގައި ސީދާ އުސޫލެއް ނެތް ކަމަށް ބުނެ، އޭގެ ފިޔަވަޅު އަޅަނީ ހާލަތަށް ބެލުމަށް ފަަހު ކަމަށް ބުނެފަ އެވެ. 

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox