ވޯލްޑް ކަޕުން އެންމެ ބޮޑު އާމްދަނީ އެއް ލިބުނު ކްލަބަކީ ސިޓީ

Jul 23, 2026, 8:59 AM
ފީފާ ވޯލްޑް ކަޕް 2026 ގެ ފައިނަލް މެޗުގެ ނިންމުމުގެ ރަސްމިއްޔާތުގެ ތެރެއިން: ސިޓީ އަށް ކުޅޭ ސްޕެއިންގެ ތަރި ރޮޑްރީ މުބާރާތުގެ ޓްރޮފީ އަށް ބޮސްދެނީ.

ފީފާ ވޯލްޑް ކަޕް 2026 ގެ ފައިނަލް މެޗުގެ ނިންމުމުގެ ރަސްމިއްޔާތުގެ ތެރެއިން: ސިޓީ އަށް ކުޅޭ ސްޕެއިންގެ ތަރި ރޮޑްރީ މުބާރާތުގެ ޓްރޮފީ އަށް ބޮސްދެނީ.

ޒިއުރިކް (ޖުލައި 23) - އެމެރިކާ، މެކްސިކޯ އަދި ކެނަޑާގައި މި ފަހަރު ކުރިއަށްދިޔަ ފީފާ ވޯލްޑް ކަޕް ފުޓްބޯޅަ މުބާރާތުގެ ތެރެއިން، ފީފާގެ ކްލަބް ބެނިފިޓްސް ޕްރޮގްރާމްގެ ދަށުން އެންމެ ބޮޑު އާމްދަނީއެއް ލިބުނު ކްލަބަކަށް އިނގިރޭސި ކްލަބް، މެންޗެސްޓާ ސިޓީ ވެއްޖެ އެވެ. 

ފީފާ އިން ތައާރަފްކޮށްފައިވާ ކްލަބް ބެނިފިޓްސް ޕްރޮގްރާމް އަކީ، ވޯލްޑް ކަޕް ނޫނީ ފީފާގެ މުބާރާތްތަކަށާއި މެޗުތަކަށް ކްލަބްތަކުގެ ކުޅުންތެރިން ގައުމީ ޓީމުތަކަށް ރިލީސްކުރުމަށްޓަކައި، އެ މުއްދަތަށް ދައްކާ ފައިސާގެ ކަންކަން ހަމަޖައްސައިދޭ ސިސްޓަމެކެވެ. 

ފީފާ އިން، 48 ގައުމުގެ މެދުގައި ފުރަތަމަ ފަހަރަށް ބޭއްވި ވޯލްޑް ކަޕް، 39 ދުވަހަށް ދިގު ދެމިގެންދިޔަ އެވެ.

ގަތަރުގައި 2022 ވަނަ އަހަރު ބޭއްވި ވޯލްޑް ކަޕާއި 2018 ގައި ރަޝިއާގައި ބޭއްވި ވޯލްޑް ކަޕަށް، ކްލަބް ބެނިފިޓްސް ޕްރޮގްރާމްގެ ދަށުން ދިން ފައިސާގެ ޖުމްލަ އަދަދަކީ، 209 މިލިއަން ޑޮލަރެެވެ. އެކަމަކު، މި ފަހަރުގެ ވޯލްޑް ކަޕްގައި، 70 ޕަސެންޓްގެ އިތުރުވުމަކާ އެކު، 355 މިލިއަން ޑޮލަރު ވަނީ ކްލަބްތަކަށް ދޫކޮށްފަ އެވެ. 

އެ 355 މިލިއަން ޑޮލަރުގެ ތެރެއިން، 250 މިލިއަން ޑޮލަރަކީ، މި ފަހަރުގެ ވޯލްޑް ކަޕަށް ހާއްސަ ކޮށްފައިވާ ބައެވެ. މީގެ ކުރިއާ ހިލާފަށް ފީފާ އިން މި ފަހަރު ވަނީ ކޮލިފައިން މެޗުތަކަށް ކުޅުންތެރިން ރިލީސްކުރި ބަޔަަށް ވެސް 100 މިލިއަން ޑޮލަރުގެ ބައެއް ހާއްސަކޮށްފަ އެވެ. އަދި، ބާކީ ފަސް މިލިއަން ޑޮލަރަކީ، އެޑްމިނިސްޓްރޭޝަނާއި އެެހެނިހެން ހަރަދުތަކަށެވެ. 

މި ފަހަރުގެ ވޯލްޑް ކަޕުން އެންމެ ބޮޑު އާމްދަނީ އެއް ލިބުނީ ސިޓީ އަށެވެ. އެ ޓީމަށް ޖުމްލަ އެކު، 4.4 މިލިއަން ޑޮލަރު ޖެެހެ އެވެ. މި ފައިސާ ދޭ މިންގަނޑު ކަނޑައަޅާފައިވަނީ، ކޮންމެ ކުޅުންތެރިއަކަށް ދުވާލަކަށް 5000 ޑޮލަރުގެ މަގުންނެވެ. ސިޓީ އަށް ބޮޑު އަދަދެއް ޖެހުނު އެންމެ ބޮޑު ސަބަބަކީ، އެ ކްލަބްގެ ގިނަ ކުޅުންތެރިންތަކެއް މުބާރާތުގެ ސެމީ ފައިނަލާއި ތިން ވަނަ ހޮވާ މެޗު އަދި ފައިނަލުގައި ކުޅެފައިވާތީ އެވެ. 

އެންމެ ބޮޑު އާމްދަނީއެއް ލިބުނު 10 ކްލަބަށް ބަލާއިރު، ސިޓީގެ ފަހަތުން ދެ ވަނައިގައި އޮތް ބާސެލޯނާ އަށް 3.9 މިލިއަން ޑޮލަރު، ބަޔާން މިއުނިކް އަށް 3.4 މިލިއަން ޑޮލަރު، އާސެނަލަށް 3.3 މިލިއަން ޑޮލަރު، ޕީއެސްޖީ އަށް 3.2 މިލިއަން ޑޮލަރު، އެތުލެޓިކޯ މެޑްރިޑަށް 3.2 މިލިއަން ޑޮލަރު، ކްރިސްޓަލް ޕެލަސް އަށް 2.7 މިލިއަން ޑޮލަރު، މެންޗެސްޓާ ޔުނައިޓެޑަށް 2.6 މިލިއަން ޑޮލަރު، ރެއާލް މެޑްރިޑަށް 2.6 މިލިއަަން ޑޮލަރު އަދި އޭސީ މިލާނަށް 2.4 މިލިއަން ޑޮލަރު ލިބޭނެ އެވެ. 

ރިކޯޑްކުރެވިފައިވާ ގޮތުގައި، މެޖޯރިޓީ ކްލަބްތަކަށް 2022 ވަނަ އަހަރު ލިބުނު މިންވަރަށް ވުރެން މި ފަހަރު އެއް މިލިއަން ޑޮލަރު އިތުރެވެ. 

މި ފަހަރުގެ ވޯލްޑް ކަޕްގައި އެއް ލީގަކަށް ނިސްބަތްވާ ކުޅުންތެރިންނަށް ބަލާއިރު، އެންމެ ގިނައިން ކުޅެފައިވަނީ އިނގިރޭސި ޕްރިމިއާ ލީގުގެ ކްލަބްތަކުގެ ކުޅުންތެރިންނެވެ. އެ ގޮތުން، ޕްރިމިއާ ލީގުގެ 1248 ކުުޅުންތެރިން މި ވޯލްޑް ކަޕްގައި ކުޅުނުއިރު، ކްލަބް ބެނިފިޓްސް ޕްރޮގްރާމް އިން އެ ލީގުގެ ކްލަބްތަކަށް  ޖުމްލަ އެކު، 34.2 މިލިއަން ޑޮލަރު ދޭނެ އެވެ. ދެން، އެންމެ މަތީގައި އޮތީ ޖަރުމަނުގެ ބުންޑަސްލީގާ އެވެ. ބުންޑަސްލީގާގެ ކްލަބްތަކަށް ޖުމްލަ އެކު، 18.8 މިލިއަން ޑޮލަރު ޖެހެ އެވެ. 

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox