މިލާން ބަލިވުމުގެ ފައިދާނަގައި ފަބްރެގަސްގެ ކޯމޯ ޗެމްޕިއަންސް ލީގަށް

ޗެމްޕިއަންސް ލީގަށް ކޮލިފައިވުމުން ކޯމޯގެ ކުޅުންތެރިންނާއި އޮފިޝަލުން އުފާފާޅުކުރަނީ.

ޗެމްޕިއަންސް ލީގަށް ކޮލިފައިވުމުން ކޯމޯގެ ކުޅުންތެރިންނާއި އޮފިޝަލުން އުފާފާޅުކުރަނީ.

މިލާން (މެއި 25) - އިޓާލިއަން ލީގުގެ ފަހު މެޗުތައް ރޭ ކުޅުނުއިރު، ކަލިއަރީ އަތުން 2-1 އިން އޭސީ މިލާން ބަލިވުމުގެ ފައިދާނަގައި، ކްރެމޮނީސޭ އަތުން 4-1 އިން ކުރިހޯދައި، ސެސްކް ފަބްރެގަސް ކޯޗުކޮށްދޭ ކޯމޯ އިން އަންނަ ސީޒަނުގެ ޗެމްޕިއަންސް ލީގުން ޖާގަ ހޯދައިފި އެވެ. 

މިއީ، ކޯމޯ ތާރީހުގައި ވެސް އެ ޓީމުން ޗެމްޕިއަންސް ލީގުގައި ކުޅޭނެ ފުރަތަމަ ފަހަރެވެ. 

ލީގުގެ ގަދަ ހަތަރެއްގެ ފަހު ތިން ޖާގައިގެ ވާދަވެރިކަން ރޭގެ މެޗަތަކަށް ނުކުތްއިރު އޮތީ ބޮޑުވެފަ އެެވެ. ޗެމްޕިއަންކަން ހޯދި އިންޓަ މިލާނުން އެއް ދުވަސް ކުރިން ފަހު މެޗު ކުޅެ ވަނީ ބޮލޯނިއާއާ އެއްވަރުވެފަ އެވެ. އިންޓަ އަށް ލިބުނީ 87 ޕޮއިންޓެވެ. ދެ ވަނަ ހޯދި ނަޕޯލީން ރޭ 1-0 އިން އުދިނޭޒީ ބަލިކޮށް ވަނީ  76 ޕޮއިންޓް ހޯދައިފަ އެވެ.

ތިން ވަނަ އަށް ރޯމާ ދިޔައީ ރޭ ހެލަސް ވެރޯނާ އަތުން ރަށުންބޭރުގައި 2-0 އިން މޮޅުވުމުންނެވެ. ރޯމާ އަށް 73 ޕޮއިންޓް ލިބުނެވެ. އަދި، ހަތަރަކަށް ދިޔަ ކޯމޯ އިން 71 ޕޮއިންޓް ހޯދި އެވެ. 

މިލާނަށް ލިބުނީ 70 ޕޮއިންޓާ އެކު ލީގުގެ ފަސް ވަނަ އެވެ. އެ ޓީމާ އެކު، އަންނަ ސީޒަނުގެ ޔޫރޮޕާ ލީގުން ފުރުސަތު ލިބުނީ ޔުވެންޓަސް އަށެވެ. ޔުވެންޓަސް އިން ރޭ ޓުރިން ޓާބީގައި ޓޮރިނޯއާ ކުޅެގެން 2-2 އިން ވީ އެއްވަރެވެ. ޑޫސާން ވްލަހޯވިޗްގެ ދެ ގޯލުން ޔުވެންޓަސް އިން ލީޑުނެގި މި މެޗުގައި ޓޮރިނޯ އިން ދެ ލަނޑު ޖަހައި އެއްވަރުކުރީ އެވެ. ލަނޑުތައް ޖެހީ ސެސާރޭ ކަސެޑޭ އާއި ޗޭ އެޑަމްސް އެވެ. 

ރޭގެ މެޗުގައި މިލާނުން އަލެކްސިސް ސަލެމާކާގެ ގޯލުން ދެ ވަނަ މިނިޓްގައި ލީޑުނެގި އެވެ. އެކަމަކު، 20 ވަނަ މިނިޓްގައި ކަލިއަރީގެ ޖެނާރޯ ބޮރެލީ ވަނީ ލަނޑު ޖަހައި އެއްވަރުކޮށްފަ އެވެ. ކަލިއަރީ މޮޅުވި ލަނޑު ޖެހީ ފުލްބެކް، ޖުއާން ރޮޑްރީގޭޒް އެވެ. 

ނަޕޯލީ އަށް ލީގު ޗެމްޕިއަންކަން ހޯދައިދިންތާ 12 މަސް ފަހުން، އެންޓޯނިއޯ ކޮންޓޭ އެ ޓީމު ދޫކޮށްލިއިރު، އޭނާގެ އިރުޝާދުގެ ދަށުން ކުޅުނު ފަހު މެޗުގައި އުދިނޭޒީ އަތުން ނަޕޯލީ މޮޅުކޮށްދިން ހަމައެކަނި ލަނޑު ޖެހީ ރަސްމުސް ހޮއިލުންޑް އެވެ. 

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox