ޗެމްޕިއަން އިންޓަ އަށް މޮޅަކާ އެކު ލީގު ނިންމައެއް ނުލެވުނު

May 24, 2026, 6:44 AM
ބޮލޯނިއާ އާއި އިންޓަ މިލާން ބައްދަލުކުރި މެޗުގެ ތެރެއިން.

ބޮލޯނިއާ އާއި އިންޓަ މިލާން ބައްދަލުކުރި މެޗުގެ ތެރެއިން.

ރޯމް (މެއި 24) - އިޓާލިއަން ލީގުގެ ޗެމްޕިއަން، އިންޓަ މިލާނުން، މި ފަހަރުގެ ލީގުގައި ކުޅުނު ފަހު މެޗުން ރަށުންބޭރުގައި ބޮލޯނިއާއާ ދެކޮޅަށް ކުޅެ 3-3 އިން އެއްވަރުވެއްޖެ އެެވެ.

އިންޓަ އިން ވަނީ މި ފަހަރު އިޓާލިއަން ލީގާއި ކަޕްގެ ޗެމްޕިއަންކަން ހޯދައިފަ އެވެ. މިއީ، މިދިޔަ 16 އަހަރު ތެރޭ މިކަން ހާސިލްކުރެވުނު ފުރަތަމަ ފަހަރެވެ. އެންމެ ފަހުން، އެއް ސީޒަނެއްގައި އިޓާލިއަން ލީގާއި ކަޕްގެ ޗެމްޕިއަންކަން އިންޓަ އިން ހޯދީ ހޯސޭ މޮރީނިއޯގެ ކޯޗުކަމުގައި 2009/2010 ވަނަ އަހަރުގެ ސީޒަނުގަ އެވެ. 

ބޮލޯނިއާ ދަނޑުގައި ރޭ ކުޅުނު މެޗުގައި 22 ވަނަ މިނިޓްގައި އިންޓަ އިން ލީޑުނެގީ މި ސީޒަނުގައި އިޓާލިއަން ލީގުގެ މޮޅު ކުޅުންތެރިޔާ، ފެޑެރީކޯ ޑި މާކޯ ޖެހި ގޯލުންނެވެ. އެކަމަކު، އޭގެ ތިން މިނިޓް ފަހުން، ފެޑެރީކޯ ބާނަޑޭޝްކީ ޖެހި ލަނޑުން ބޮލޯނިއާ އިން އެއްވަރުކުރި އެވެ. އަދި، 42 ވަނަ މިނިޓްގައި ޓޮމާސޯ ޕޮބޭގާ ވަނީ ލަނޑު ޖަހައި، ބޮލޯނިއާ އަށް ލީޑުނަގައިދީފަ އެވެ. 

އިންޓަ އިން ދެ ވަނަ ހާފަށް ކުޅެ ނުކުތްތާ ތިން މިނިޓް ތެރޭ އިތުރު އުނދަގޫތަކަކާ ކުރިމަތިލާން ޖެހުނެވެ. އެއީ، މެޗުގެ 48 ވަނަ މިނިޓްގައި، އިންޓަގެ ޕިއޮޓްރޭ ޒިއެލިންސްކީ އަތުން ބައިކޮޮޅަށް ވަން ގޯލުން ބޮލޯނިއާ އިން ލީޑުފުޅާކުރުމުންނެވެ. 

ބޮލޯނިއާ އިން ދެ ގޯލުގެ ލީޑެއް ނެގި ނަމަވެސް އިންޓަ އިން ހިތްވަރު އެލުވައިނުލައި ކުޅެ، ދެ ގޯލު ޖަހައި މެޗު އެއްވަރުކުރި އެވެ. އެ ގޮތުން، 64 ވަނަ މިނިޓްގައި ފްރެންޗެސްކޯ ޕިއޯ އެސްޕޮސީޓޯ ވަނީ އިންޓަގެ ދެ ވަނަ ލަނޑު ޖަހައިފަ އެވެ. އަދި، މެޗުގެ ފުރިހަމަ ވަގުތު ހަމަވާން ހަތަރު މިނިޓަށް ވެފައި ވަނިކޮށް އިންޓަ އަށް އެއްވަރުކޮށްދިން ލަނޑު، މެޗުގެ 86 ވަނަ މިނިޓްގައި ޖެހީ، އެންޑީ ދިއުފް އެވެ. 

އިޓާލިއަން ލީގުގެ ތާވަލުގެ އެއް ވަނައިގައި އިންޓަ އިން ނިންމާލީ 38 މެޗުން 87 ޕޮއިންޓާ އެކު އެވެ. ދެ ވަނައިގައި އޮތް ނަޕޯލީ އަށް 37 މެޗުން 73 ޕޮއިންޓް ލިބިފައިވާއިރު، ތިން ވަނައިގައި އޮތް މިލާނާއި ހަތަރެއްގައި އޮތް ރޯމާ އަށް 37 މެޗުން 70 ޕޮއިންޓް ވަނީ ލިބިފަ އެވެ. ފަސް ވަނައިގައި އޮތް ކޯމޯ އާއި ހަ ވަނައިގައި އޮތް ޔުވެންޓަސް އަށް ވަނީ 37 މެޗުން 68 ޕޮއިންޓް ލިބިފަ އެވެ. 

ލީގުގެ ފަހު މެޗުތައް މިރޭ ކުޅޭއިރު، ނަޕޯލީން އަމިއްލަ ދަނޑުގައި އުދިނޭޒީއާ ބައްދަލުކުރާނެ އެވެ. މިލާނުން އަމިއްލަ ދަނޑުގައި ކަލިއަރީއާ ކުޅޭއިރު، ރޯމާ އިން ރަށުންބޭރުގައި ބައްދަލުކުރާނީ ހެލަސް ވެރޯނާއާ އެވެ. ކްރެމޮނީސީ ދަނޑުގައި ކޯމޯ އިން ފަހު މެޗު ކުޅޭއިރު، ޔުވެންޓަސް އަށް ފަހު މެޗަކީ ޓޮރީނޯއާ ދެކޮޅަށް ކުޅޭ ޓުރިން ޑާބީ އެެވެ. 

ކޮމެންޓް

ފަހުގެ ޚަބަރު

މާޒިޔާ އާއި ނިއު ރޭޑިއަންޓް ވަރުގަދަ ފެށުމާ އެކު ކުރިއަށް

އެފްއޭއެމް ވިމެންސް ލީގުގައި ކުޅުނު ފުރަތަމަ ދެ މެޗުން މޮޅުވެ، މާޒިޔާ އާއި ނިއު ރޭޑިއަންޓުން މުބާރާތުގެ ވަރުގަދަ ފެށުމެއް ދަމަހައްޓައިފިއެވެ. މިހާތަނަށް ކުޅުނު މެޗުތަކުން ދެ ޓީމަށްވެސް ހަ ޕޮއިންޓް ލިބިފައިވާއިރު، ލަނޑުގެ ތަފާތުން ތާވަލުގެ އެއްވަނައިގައި އޮތީ ނިއު ރޭޑިއަންޓެވެ. މި މުބާރާތުގެ ފޯރިގަދަ މެޗެއްގައި އަންނަ އާދިއްތަ ދުވަހު ނިއު އާއި މާޒިޔާ ބައްދަލުކުރާނެއެވެ.

ސިޓީއާ ޔުނައިޓެޑުން އަރާހަމަކުރާނެ ކަމަށް ޕޮޗެޓީނޯ ބުނެފި

މެންޗެސްޓާ ޔުނައިޓެޑްގެ ކޯޗުކަމާ ހަވާލުވެ، މައުރީސިއޯ ޕޮޗެޓީނޯ ބުނީ އެ ސަރަހައްދުގެ އެންމެ ކާމިޔާބު ޓީމަކަށް އަލުން ޔުނައިޓެޑް ހަދައި، ސިޓީގެ ކުރި ހޯދާނެ ކަމަށް. ލީގުގެ 18 ވަނައިގައި އޮތް ޔުނައިޓެޑްގެ ހާލަތު ބަދަލުކުރަން ވަގުތު ބޭނުންވާނެ ކަމަށާއި، ނަމަވެސް ފުރަތަމަ ދުވަހުން ފެށިގެން އެ މަސައްކަތް ކުރާނެ ކަމަށް އޭނާ ވަނީ ބުނެފައި.

އެމްއައިބީން ގައުމީ ބިލިއާޑު ޗެމްޕިއަންކަން ހޯދައިފި

ޤައުމީ ބިލިއާޑް މުބާރާތުގެ ފައިނަލުގައި ދިވެހި ސިފައިންގެ ކްލަބް 3-2 އިން ބަލިކޮށް، މޯލްޑިވްސް އިސްލާމިކް ބޭންކް (މިބްސާ) އިން މުބާރާތުގެ ޗެމްޕިއަންކަން ހޯދައިފި. ޖުމްލަ 10 ޓީމު ވާދަކުރި މި މުބާރާތުގެ ޗެމްޕިއަން ޓީމަށް 30,000 ރުފިޔާގެ ފައިސާގެ އިނާމެއް ވަނީ ދީފައި.

ލުކާކޫ، 16 އަހަރަށް ފަހު ބެލްޖިއަމް ޓީމުން ރިޓަޔާކޮށްފި

ބެލްޖިއަމްގެ ގައުމީ ޓީމަށް 16 އަހަރު ކުޅެދިނުމަށްފަހު، އެ ގައުމަށް އެންމެ ގިނަ ލަނޑު ޖަހައިދިން ރޮމެލޫ ލުކާކޫ ބައިނަލްއަގުވާމީ ފުޓްބޯޅައިން ރިޓަޔާކޮށްފި. ޖުމްލަ 135 މެޗުން 94 ލަނޑު ކާމިޔާބުކޮށްފައިވާ ލުކާކޫ އަކީ ބައިނަލްއަގުވާމީ ފުޓްބޯޅައިގައި ފަސްވަނައަށް އެންމެ ގިނަ ލަނޑު ޖެހި ކުޅުންތެރިޔާގެ އިތުރުން ޔޫރޯ ކޮލިފައިންގެ ރެކޯޑް އޮތް ކުޅުންތެރިޔާ

ލިބުނީ މަދު ވަގުތުކޮޅެއް، ޝަކުވާނުކޮށް ހޯދައިދިނީ ސާފްގެ ތަށި!

މި އަހަރުގެ ސާފް ޗެމްޕިއަންޝިޕް ކާމިޔާބުކުރި އިންޑިއާ ޓީމަށް ތައްޔާރުވާން މަދު ވަގުތުކޮޅެއް ލިބުނުއިރު، މުބާރާތުގެ ތެރެއިން މުހިންމު ކުޅުންތެރިންތަކެއް ޓީމުން ވަކިވުމުން ގިނަ ގޮންޖެހުންތަކަކާ ކުރިމަތިލާން ޖެހުނު. ނަމަވެސް ކޯޗު ނައުޝާދުގެ އިރުޝާދުގެ ދަށުން، ޒުވާން ކުޅުންތެރިންނަށް އިތުބާރުކޮށްގެން އިންޑިއާ އިން ވަނީ ޝަކުވާއެއް ނެތި ތަށި ހޯދާފައި

ސާފް ޗެމްޕިއަންޝިޕްގެ ފެއާ ޕްލޭ އެވޯޑް ރާއްޖެ އަށް

ބަންގްލަދޭޝްގައި ނިމުނު ސާފް ޗެމްޕިއަންޝިޕްގައި ރާއްޖެ ކުޅުނު ދެ މެޗުން ބަލިވެ، މުބާރާތުން ކެޓި ނަމަވެސް، މުޅި މުބާރާތުގެ ފެއާޕްލޭ އެވޯޑް ރާއްޖެއަށް ވަނީ ލިބިފައި. މިއީ ލަނޑެއް އަދި ޕޮއިންޓެއް ނުލިބި ރާއްޖެ މި މުބާރާތުން ކެޓި ފުރަތަމަ ފަހަރު ކަމަށްވާއިރު، މިއީ ސާފް ޗެމްޕިއަންޝިޕްގެ ތާރީޚުގައި ރާއްޖެއަށް ލިބުނު އެންމެ ދަށް ނަތީޖާއ

ރިވައިވަލް ބެޑްމިންޓަން ޗެލެންޖް ތަށި ހައިޝަމް އާއި ނަބާ އަށް

އެމްއައިބީ ރިވައިވަލް ބެޑްމިންޓަން ޗެލެންޖުގެ ފިރިހެން ސިންގަލްސް ތަށި ހައިޝަމް އިބްރާހިމް އަލީ ހޯދިއިރު، އަންހެން ސިންގަލްސް ތަށި ކާމިޔާބުކުރީ ފާތިމަތު ނަބާހާ އެވެ. މި މުބާރާތުގެ ފިރިހެން ޑަބަލްސް ޒަޔާން އާއި ނިބާލް ކާމިޔާބުކުރިއިރު، އަންހެން ޑަބަލްސް ތަށި ހޯދީ ނަބާ އާއި ނަބީހާގެ ޕެއާ އިންނެވެ.

Newsletter

Get the latest news delivered straight to your inbox