ކޮންޓޭ، އިޓަލީއާ ހަވާލުވާއިރު، ނަޕޯލީ އަށް ސާރީ؟

May 21, 2026, 10:12 AM
މައުރީޒިއޯ ސާރީ (ކ) އާއި އެންޓޯނިއޯ ކޮންޓޭ: ކުރިއަށް އޮތްތަނުގައި ކޯޗިންގެ ތަފާތު ރޯލުތަކުން ފެނުމުގެ ފުރުސަތު ބޮޑު.

މައުރީޒިއޯ ސާރީ (ކ) އާއި އެންޓޯނިއޯ ކޮންޓޭ: ކުރިއަށް އޮތްތަނުގައި ކޯޗިންގެ ތަފާތު ރޯލުތަކުން ފެނުމުގެ ފުރުސަތު ބޮޑު.

ނޭޕްލްސް (މެއި 21) - ނަޕޯލީގެ ކޯޗުކަން ދޫކޮށްލައި، އެންޓޯނިއޯ ކޮންޓޭ، އިޓަލީ ގައުމީ ފުޓްބޯޅަ ޓީމުގެ ކޯޗުކަމާ ހަވާލުވާނެ ކަމަށް ބެލެވޭއިރު، ނަޕޯލީގެ ކޯޗުކަމާ ލާޒިއޯއާ ހަވާލުވެހުރި، މައުރީޒިއޯ ސާރީ އަންނަ ގޮތަށް ހަމަޖެހިފައިވާ ކަމަށް އިޓަލީގެ ނޫސްތަކުން ރިޕޯޓްކޮށްފި އެވެ.

ފާއިތުވި ދުވަސްތަކުގައި އިޓަލީގެ މީޑިއާގައި ރިޕޯޓްކޮށްފައިވާ ގޮތުގައި، ކޮންޓޭ، 56، މި ސީޒަން ނިމުމުން، ނަޕޯލީ ދޫކޮށް އިޓަލީ ގައުމީ ޓީމާ ދެ ވަނަ ފަހަރަށް ހަވާލުވާނެ އެވެ. އަދި، ކޮންޓޭއާ އެކު، އިޓަލީ ފުޓްބޯޅަ ފެޑެރޭޝަނުން ގިނަ މަޝްވަރާތަކެއް ކުރިއަށްގެންގޮސްފައިވާއިރު، ނަޕޯލީގެ ރައީސް، އައުރެލިއޯ ޑި ލޯރެންޓިސް ވެސް ވަނީ ކޮންޓޭ، އެނބުރި އިޓަލީއާ ހަވާލުވާން ނިންމައިފިނަމަ، އެ ފުރުސަތު ލިބޭނެ ކަމަށް ވިދާޅުވެފަ އެވެ. 

ޖެހިޖެހިގެން ތިން ވަނަ ވޯލްޑް ކަޕަށް އިޓަލީ ކޮލިފައިނުވުމުން، އިޓަލީ ފުޓްބޯޅަ ފެޑެރޭޝަނުން އަންނަނީ ގިނަ ބަދަލުތަކެއް ގެންނަން މަސައްކަތް ކުރަމުންނެވެ. އެ ގޮތުން، އެ މަސައްކަތް ކޮންޓޭގެ ކޯޗުކަމުގައި ކުރަން އިޓަލީ ފުޓްބޯޅައިގެ ވެރިން ބޭނުންވެ އެވެ. 

Advertisement

ކޮންޓޭގެ ބަދަލުގައި، ނަޕޯލީން ގެންނާނެ ކަމަށް ރިޕޯޓްތައް ބުނަނީ، މީގެ ކުރިން، 2015 އިން 2018 އަށް ނަޕޯލީ އަށް ކޯޗުކޮށްދިން ސާރީ އެވެ. ނަޕޯލީ ނިސްބަތްވާ ނޭޕްލްސް ސަރަހައްދަށް ނިސްބަތްވާ ސާރީ މި ވަގުތު ހުރީ ރޯމްގެ ލާޒިއޯއާ ހަވާލުވެ އެވެ. އަދި، ސާރީ އާއި ލާޒިއޯގެ މެނޭޖްމަންޓާ ދެމެދު އުފެދިފައިވާ ހިޔާލުތަފާތުވުންތަަކަށް ހައްލެއް ލިބިފައިނުވާއިރު، މި ސީޒަނަށް ފަހު، ސާރީ، ލާޒިއޯ ދޫކޮށްލާނެ ކަމަށް މީގެ ކުރިން ވެސް މީޑިއާތަކުން ވަނީ ރިޕޯޓްކޮށްފަ އެވެ.

ސާރީ އާއި ކޮންޓޭ ވަނީ މީގެ ކުރިން، އެއް ކްލަބަކަށް ކޯޗުކޮށްދީފަ އެވެ. އެ ގޮތުން، ނަޕޯލީގެ އިތުރުން، ޗެލްސީ އާއި ޔުވެންޓަސް އަކީ ވެސް ކޮންޓޭ އާއި ސާރީ ކޯޗުކޮށްދީފައިވާ ކްލަބްތަކެވެ. 

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox