ބާސެލޯނާގެ ކޯޗު ފްލިކް އަށް އުފަލާއި ހިތާމައިގެ ދުވަހެއް

May 11, 2026, 12:25 PM
ރޭގެ މެޗަށް ފަހު އޮތް އުފާފާޅުކުރުމުގެ ތެރެއިން ބާސެލޯނާގެ ކުޅުންތެރިންނާއި އޮފިޝަލުން ވެގެން ފްލިކް އުރާލައިގެން.

ރޭގެ މެޗަށް ފަހު އޮތް އުފާފާޅުކުރުމުގެ ތެރެއިން ބާސެލޯނާގެ ކުޅުންތެރިންނާއި އޮފިޝަލުން ވެގެން ފްލިކް އުރާލައިގެން.

ބާސެލޯނާ (މެއިި 11) - ބާސެލޯނާ އިން ރޭގެ މެޗަށް ތައްޔާރުވުމަށްޓަކައި، އެންމެ ފަހުގެ މަސައްކަތްތައް ކުރަމުން ދަނިކޮށް، އެ ޓީމުގެ ކޯޗު، ޖަރުމަނުގެ ހަންސީ ފްލިކްގެ ބައްޕަ ވަނީ މަރުވެފަ އެވެ.

ވާދަވެރި ރެއާލް މެޑްރިޑާ ދެކޮޅަށް ސްޕެނިޝް ލީގުގައި ކުޅޭ އެލް-ކްލަސިކޯ ފަދަ މުހިންމު މެޗެއް ކުރިން މިކަން ދިމާވި ނަމަވެސް، ބާސެލޯނާގެ ސީނިއާ މެނޭޖްމަންޓުން ފްލިކަށް ވަނީ އާއިލާއާ އެކު މި ވަގުތު ހޭދަކުރަން ވަގުތު ދޭން ނިންމައިފަ އެވެ. އެކަމަކު، ފްލިކް ނިންމީ، ޓީމަށް އިރުޝާދު ދޭން ބެންޗަށް ދާ ގޮތަށެވެ. 

ރޭގެ މެޗު ފެށުމުގެ ކުރިން، ފްލިކްގެ ބައްޕަގެ ހަނދާނުގައި ދަނޑުގައި ވަނީ ސުކޫތެއް ގެނެސްފަ އެވެ. 

ރެއާލް ބަލިކޮށް ބާސެލޯނާ އިން ސްޕެނިޝް ލީގު ކާމިޔާބުކޮށްފި

ރެއާލް މެޑްރިޑް 2-0 އިން ބަލިކޮށް ބާސެލޯނާ އިން ސްޕެނިޝް ލީގުގެ ޗެމްޕިއަންކަން ވަނީ ހޯދައިފައި. މިއީ، ބާސެލޯނާ އިން ސްޕެނިޝް ލީގުގެ ތަށި އުފުލާލި 29 ވަނަ ފަހަރު

ރެއާލް އަތުން ބަލިނުވެ ފަރުޖައްސާލައިގެން، ބާސެލޯނާ އަށް ސްޕެނިޝް ލީގުގެ ތަށި ދިފާއުކުރަން ފުރުސަތު އޮތްއިރު، ބާސެލޯނާ އިން 29 ވަނަ ފަހަރަށް ސްޕެނިޝް ލީގުގެ ޗެމްޕިއަންކަން ހޯދީ 2-0 އިން ރެއާލް ބަލިކޮށްފަ އެެވެ. 

"މިއީ އުނދަގޫ މެޗެއް. އަހަރެން ދުވަހަކު ވެސް މި ދުވަސް ހަނދާނެއް ނުނެތޭނެ،" ފްލިކް ބުންޏެވެ. 

"އަހަރެން ބޭނުން މުޅި ސްކޮޑަށް އަދި އަހަރެމެންނަށް އެހީވެދިން އެންމެނަށް ޝުކުރު އަދާކުރަން. އެންމެ މުހިންމު ކަމަކީ އަހަރެން ވަރަށް ފަހުރުވެރިވޭ މި ވަރުގެ ރަނގަޅު ޓީމެއް ލިބުނީމަ. ހުރިހާ ކަމަކަށް ވަރަށް ބޮޑަށް ޝުކުރު އަދާކުރަން. މިއަދު، މި ހުރިހާ ޝުކުރެއް މި އަދާކުރަނީ، އަހަންނަށް މި ދުވަސް އެކި ސަބަބުތަކާ ހެދި ހަނދާން ހުންނާނެތީވެ،" 

އެލް ކްލަސިކޯ މެޗެއްގައި ރެއާލް މެޑްރިޑް ބަލިކޮށް، ކާމިޔާބު ހޯދައިގެން ތަށްޓެއް ހޯދުމަކީ ވެސް އުފާކުރަންޖެހޭ ކަމެއް ކަމަށާއި އެ ތަޖުރިބާ ކޮށްލަން ކޯޗެއްގެ ގޮތުގައި އޭނާ އަށް ފުރުސަތު ލިބުމަކީ ވަރަށް ބޮޑު ހިތްހަމަޖެހުމެއް ކަމަށް ވެސް ފްލިކްގެ ވާހަކައިގައި ވަނީ ފާހަގަކޮށްފަ އެވެ. 

ކުރިން ބަޔާން މިއުނިކާއި ޖަރުމަނު ގައުމީ ޓީމަށް ކޯޗުކޮށްދިން ފްލިކް ވަނީ ބާސެލޯނާއާ އެކު ހަދާފައިވާ އެއްބަސްވުން 2028 ވަނަ އަހަރުގެ ޖޫން މަހުގެ ނިޔަލަށް އާ ކުރަން އެއްބަސްވުމަކަށް އަތުވެފަ އެވެ. 

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox