ގެޓަފޭ އަތުން މޮޅުވެ ބާސެލޯނާ އިން ލީގު ހޯދުމާ ފިޔަވަޅަކާ ގާތަށް

Apr 25, 2026, 10:17 PM
ލަނޑު ޖެހުމަށް ފަހު ފާމިން ލޮޕޭޒް އުފާފާޅުކުރަނީ.--- ފޮޓޯ: ގެޓީއިމޭޖަސް

ލަނޑު ޖެހުމަށް ފަހު ފާމިން ލޮޕޭޒް އުފާފާޅުކުރަނީ.--- ފޮޓޯ: ގެޓީއިމޭޖަސް

މެޑްރިޑް (އޭޕްރީލް 25) - ސްޕެނިޝް ލީގުގައި މިރޭ ގެޓަފޭ އަތުން 2-0 އިން މޮޅުވެ، ބާސެލޯނާ އިން ސްޕެނިޝް ލީގުގެ ޗެމްޕިއަންކަން ހޯދުމާ ފިޔަވަޅަކާ ގާތަށް ޖެހިލަައިފި އެވެ

މި މޮޅާ އެކު، ލީގުގެ އެއް ވަނައިގައި ބާސެލޯނާ އޮތީ ދެ ވަނައިގައި އޮތް ރެއާލް މެޑްރިޑަށް ވުރެން 11 ޕޮއިންޓު އިތުރަށް ހޯދައި، ރަނގަޅު ލީޑަކާ އެކު ހަމަޖެހިލައިގެންނެވެ. ބާސެލޯނާ އިން ކުރިއަށް އޮތް ދެ މެޗުން (އޭގެ ތެރޭގައި ރެއާލާ ކުޅޭ މެޗު ވެސް ހިމެނޭ) މޮޅުވެއްޖެނަމަ، ލީގު ޗެމްޕިއަންކަން ލިބޭނެ އެވެ. ރެއާލް އަތުން ބަލިވި ކަމުގައި ވިޔަސް، ބާސެލޯނާ އަށް އިތުރު ދެ މެޗެއް ނަގައިގެން، ޗެމްޕިއަންކަން ހޯދޭނެ އެވެ. 

ބާސެލޯނާ އަށް 33 މެޗުން 85 ޕޮއިންޓް ލިބިފައިވާއިރު، ރެއާލަށް 33 މެޗުން ލިބިފައިވަނީ، 74 ޕޮއިންޓެވެ. ލީގުގައި ރޭ ރެއާލް ކުޅުނު މެޗުން ރެއާލް ބެޓިސްއާ އެއްވަރުވުމުގެ ފައިދާ ބާސެލޯނާ އިން ވަނީ ރަނގަޅަށް ނަގައިފަ އެވެ. 

Advertisement

ގެޓަފޭ ދަނޑުގައި ކުޅުނު މެޗުގައި ބާސެލޯނާ އިން މޮޅުވިިއިރު، މިއީ، ސްޕެނިޝް ލީގުގައި ރަށުންބޭރު، ގެޓަފޭ އަތުން 2019 ވަަނަ އަަހަރުގެ ފަހުން ބާސެލޯނާ އިން މޮޅުވި ފުރަތަމަ ފަހަރެވެ. މި މެޗުގައި ބާސެލޯނާ އިން ވަނީ ކޮންމެ ހާފެއްގައި ގޯލެއް ޖަހައިފަ އެވެ. 

ބާސެލޯނާ އިން ލީޑުނެގީ 45 ވަނަ މިނިޓްގައި ފާމިން ލޮޕޭޒް ޖެހި ގޯލުންނެވެ. ބާސެލޯނާގެ މިޑްފީލްޑަރު، ޕެޑްރީ ގޮންޒާލޭޒް ހަމަޖެހިލައިފައި ދިން ބޯޅައަށް އަރައި، ފާމިން ވަނީ އޭރިއާތެރެއިން ގޯލުގެ ދުރު ކަނަށް ބޯޅަ އަމާޒުކޮށްލައިފަ އެވެ. 

ދެ ވަނަ ހާފު ކުޅުން ފެށިގެން މާ ލަސްތަކެއް ނުވެ، ބާސެލޯނާގެ ފުރަތަމަ ހަމަލާ ފެނިގެންދިޔަ އެވެ. ބާސެލޯނާގެ ފުލްބެކް، ޖޫލްސް ކޫންޑޭ ނަގައިދިން ބޯޅައަކަށް އަރައި ޑެނީ އޮލްމޯ ފޮނުވާލި ހަމަލާ ގެޓަފޭ ކީޕަރު، ޑޭވިޑް ސޮރިއާ ވަނީ މަތަކޮށްފަ އެވެ. އޭގެ ފަހުން، ކޫންޑޭ އާއި އޮލްމޯ އަދި ޖެރާޑް މާޓިން އަށް ލަނޑު ޖަހަން ލިބުނު ފުރުސަތުތަކުގެ ބޭނުމެއް ނުހިފުނެވެ. 

ބާސެލޯނާ އިން ދެ ވަނަ ގޯލު ޖެހީ 74 ވަނަ މިނިޓްގަ އެވެ. ގެޓަފޭ ކުޅުންތެރިން ގޯލެއް ޖަހަން އަރައި ތިބި ވަގުތުގައި، އެ ޓީމުގެ ޑިފެންސް ފަހަތަށް ބާސެލޯނާގެ ރޮބަޓް ލެވަންޑޯސްކީ ޖައްސާލި ބޯޅައެއް ހިފައިގެން އައިސް، މާކަސް ރެޝްފޯޑް ވަނީ ތިރިތިރިން ގޯލަށް ފޮނުވާލައިފަ އެވެ. 

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox