ރެއާލުން އެސްޕަންޔޯލް ބަލިކޮށްފި، ކްލަސިކޯ މެޗުން ބާސެލޯނާ އަށް ލީގު ހޯދުމުގެ ފުރުސަތު

May 4, 2026, 8:02 AM
ރެއާލްގެ ފޯވާޑް ވިނީޝިއުސް (ވިނީ) ލަނޑު ޖެހުމަށް ފަހު އުފާފާޅުކުރަނީ.

ރެއާލްގެ ފޯވާޑް ވިނީޝިއުސް (ވިނީ) ލަނޑު ޖެހުމަށް ފަހު އުފާފާޅުކުރަނީ.

ބާސެލޯނާ (މެއި 4) - ސްޕެނިޝް ލީގުގައި ރޭ އެސްޕަންޔޯލް އަތުން 2-0 އިން ރެއާލް މެޑްރިޑް މޮޅުވުމާ އެކު، އަންނަ ހަފްތާގައި ރެއާލާ ދެކޮޅަށް އަމިއްލަ ދަނޑުގައި ކުޅޭ މެޗުން ބާސެލޯނާ އަށް ލީގު ޗެމްޕިއަންކަން ހޯދުމުގެ ފުރުސަތު ފަހިވެއްޖެ އެވެ. 

ބާސެލޯނާ އިން ރެއާލް އަތުން ޕޮއިންޓެއް ހޯދައިގެން ވެސް ލީގު ޗެމްޕިއަންކަން ޔަގީންކުރެވޭނެ އެވެ. ރޭ އެސްޕަންޔޯލް އަތުން ރެއާލަށް މޮޅުނުވެވުނުނަމަ، މެޗު ބަލަން ތިއްބައި، ބާސެލޯނާ އަށް ލީގު ލިބޭނެ އެވެ. އެކަމަކު، ރެއާލުން ރޭ ކާމިޔާބު ހޯދުމުން، ބާސެލޯނާ އަށް މި ވަނީ އެންމެ ވާދަވެރި ޓީމާ ދެކޮޅަށް ކުޅޭ މެޗަކުން ލީގު ހޯދުމުގެ ފުރުސަތު ލިބިފަ އެވެ. 

ލީގުގެ އެއް ވަނައިގަައި ބާސެލޯނާ އޮތީ 11 ޕޮއިންޓުގެ ލީޑަކާ އެކު އެެވެ. އެއީ، 34 މެޗުން 88 ޕޮއިންޓާ އެކު އެވެ. ދެ ވަނައިގައި އޮތް ރެއާލަަށް 34 މެޗުން ވަނީ 77 ޕޮއިންޓް ލިބިފަ އެވެ. 

އެސްޕަންޔޯލް ދަނޑުގައި ރޭ ކުޅުނު މެޗުގައި ރެއާލުން ދެ ގޯލު ވެސް ޖެހީ މެޗުގެ ދެ ވަނަ ހާފުގަ އެވެ. މި ސީޒަނުގައި ރެއާލަށް އެންމެ ގިނަ ގޯލު ޖަހައިދިން ކީލިއަން އެމްބާޕޭ، އަނިޔާގެ ސަބަބުން ނުލައި ކުޅުނު ރޭގެ މެޗުގައި އެ ޓީމުގެ ތަރި އަކީ ވިނީޝިއުސް ޖޫނިއާ (ވިނީ) އެވެ. އެ ގޮތުން، ރޭގެ މެޗުގައި ރެެއާލުން ޖެހި ދެ ގޯލު ވެސް މެޗުގެ ދެ ވަަނަ ހާފުގައި 10 މިނިޓް ތެރޭގައި ޖެހީ ވިނީ އެވެ. 

މެޗުގެ ފުރަތަމަ ހާފުގައި ވިނީ ޖެހި ބޯޅައެެެއް ގޯލުގެ ދަނޑިއަށް އަމާޒުވިއިރު، ދެ ވަނަ ހާފުގެ ކުޅުން ފަށައިގެން، 55 ވަނަ މިނިޓްގައި އޭރިއާތެރެއިން އެސްޕަންޔޯލްގެ ދެ ކުޅުންތެރިން ކައިިރިން ނައްޓާފައި ތިރިތިރިން ގޯލަށް ބޯޅަ ފޮނުވާލައިގެން، ވިނީ ވަނީ ރެއާލަށް ލީޑުނަަގައިދީފަ އެވެ. އަދި، މެޗުގެ 66 ވަނަ މިނިޓްގައި، ޖޫޑް ބެލިންހަމްއާ އެކު، ވަންޓޫއެއް ހެދުމަށް ފަހު، ވިނީ ފޮނުވާލި ބޯޅަ އަމާޒުވީ ގޯލުގެ މަތީ ކަނަށެވެ.

ރެއާލަށް ތިން ވަނަ ގޯލެއް ޖަހައިދޭން މެޗުގެ އިތުރު ވަގުތުގެ ތެރޭގައި ބެލިންހަމް އަށް ލިބުނު ފުރުސަތުގައި އޭނާ ފޮނުވާލި ބޯޅަ އެސްޕަންޔޯލްގެ ކީޕަރު، މާކޯ ޑިމިޓްރޮވިޗް ވަނީ މަތަކޮށްފަ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox