ލަންޑަން (މެއި 11) - އިނގިރޭސި ޕްރިމިއާ ލީގުގައި ރޭ ފަހު ވަގުތު އާސެނަލާ އެއްވަރުކުރަން ވެސްޓް ހޭމް ޔުނައިޓެޑުން ޖެހި ގޯލު ބަލައިނުގަންނަން ނިންމި ނިންމުމަކީ ރަނގަޅަށް ކުރި ކަމެއް ނޫން ކަަމަށް މެންޗެސްޓާ ޔުނައިޓެޑްގެ ލެެޖެންޑަރީ ގޯލްކީޕަރު، ޕީޓާ ޝްމައިކަލް ބުނެފި އެވެ.
ލަންޑަން ސްޓޭޑިއަމްގައި ރޭ އާސެނަލުން 1-0 އިން ކުރީގައި އޮއްވައި، މެޗުގެ އިތުރު ވަގުތުގެ ތެރޭގައި ވެސްޓް ހޭމްގެ ކަލުމް ވިލްސަން ވަނީ ލަނޑެއް ޖަހައިފަ އެވެ. އެކަމަކު، ކޯނަރަކުން ހުރަސްވި ބޯޅައަކުން ވިލްސަން ފޮނުވާލި ބޯޅަ ގޯލަށް ވަނުމުގެ ކުރިން، ވެސްޓް ހޭމްގެ ފޯވާޑް ޕަބްލޯ ވަނީ އާސެނަލްގެ ކީޕަރު ރާޔާ އަށް ހުރަސް އަޅައިފަ އެވެ. އެ ގޮތަށް ނިންމީ، ވީޑިއޯ އެސިސްޓަންޓް ރެފްރީ (ވީއޭއާެރް) އިން އަންގައިގެން ދަނޑުކައިރީގައި ހުރި މޮނީޓަރުން ވެސް ބެލުމަށް ފަހު މެޗުގެ ރެފްރީ ކްރިސް ކަވަނަގް އެވެ.
ވެސްޓް ހޭމް ބަލިކޮށް އާސެނަލުން ލީގު ހޯދުމުގެ ފުރުސަތު ބޮޑުކޮށްފި
އިނގިރޭސި ޕްރިމިއާ ލީގުގައި މިރޭ ވެސްޓް ހޭމް ޔުނައިޓެޑް 1-0 އިން ބަލިކޮށް އާސެނަލުން ލީގު ޗެމްޕިއަންކަން ހޯދުމުގެ ފުރުސަތު ވަނީ ބޮޑުކޮށްފައި. ލީގުގެ އެއް ވަނައިގައި އޮތް އާސެނަލުން ވަނީ ދެ ވަނައިގައި އޮތް މެންޗެސްޓާ ސިޓީ އަށް ވުރެން މެޗެއް އިތުރަށް ކުޅެ ފަސް ޕޮއިންޓަށް ލީޑުފުޅާކޮށްފައި.
ވިއަޕްލޭގައި ވާހަކަ ދައްކަމުން ޝްމައިކަލް ބުނީ، ވިލްސަން ޖެހި ގޯލު ބަލައިނުގަންނަން ނިންމި ގޮތަށް ކުރިން މެޗުތަކުގައި ވެސް އަމަލުުކުރިނަމަ، އާސެނަލް ލީގުގެ އެއް ވަނައިގައި ނޯންނާނެ ކަމަށެވެ.
"އަހަރެން ރުޅި އަންނަނީ އެ ސަބަބާ ހުރެ. އެއީ ފައުލެއް ކަމަށްވާނަމަ އާސެނަލް އެއް ވަަނައިގައި އޮތުން ހައްގެއް ނޫން. އެއީ، އާސެނަލުން މި ސީޒަނުގައި ގިނަ ގޯލުތަކެއް ޖަހާފައި ހުރީ އެ ގޮތަށް. މީހުން ބްލޮކްކޮށްގެން. މީހުން ގައިގައި ހިފަހައްޓައިގެން. އެ ކަހަލަ ކަންކަން ކޮށްގެން،" ޝްމައިކަލް ބުންޏެވެ.
ޝްމައިކަލް ބުނީ މެޗުގެ ރެފްރީ ކަވަނަގް ފަސް މިނިޓެއްހާއިރު ނަގާފައި، ވީއޭއާރް ރެފްރީ، ޑަރެން އިންގްލެންޑް ވެސް އެހާ ވަގުތު ނެގުމަށް ފަހު، މި ވަރުގެ ނިންމުުމެއް އެ ގޮތަށް އައުމަކީ ވެސް ކަންބޮޑުވާން ޖެހޭ ކަމެއް ކަމަށެެވެ.
"އެއީ ގޯސްކޮށް ދިޔަ ކަމެއް. އަހަންނަށް ނުވިސްނޭ އެއީ ހިލޭ ޖެހުމަކަށް ބަދަލުވާންވީ ސަބަބެއް. އެހެން ޓީމުތަކަށް އެ ނިންމުން އެ ގޮތަކަށް ނުލިބޭ. މި ނިންމުން އެތައް ލެވަލަކުން ވިސްނިޔަސް ގޯސް،" މެންޗެސްޓާ ޔުނައިޓެޑާ އެކު މީގެ ކުރިން ގިނަ ކާމިޔާބީތަކެއް ހޯދި ޝްމައިކަލް ބުންޏެވެ.
ލީގުގެ އެއް ވަނައިގައި އޮތް އާސެނަލުން ވަނީ ދެ ވަނައިގައި އޮތް މެންޗެސްޓާ ސިޓީ އަށް ވުރެން މެޗެއް އިތުރަށް ކުޅެ ފަސް ޕޮއިންޓަށް ލީޑުފުޅާކޮށްފަ އެވެ. އާސެނަލަށް 36 މެޗުން 79 ޕޮއިންޓް ލިބިފައިވާއިރު، ސިޓީ އަށް ލިބިފައިވަނީ 35 މެޗުން 74 ޕޮއިންޓެވެ. އާސެނަލަށް ބާކީ ދެ މެޗު އޮތްއިރު، އެ ދެ މެޗުން އަމިއްލަ ދަނޑުގައި ބާންލީ އާއި ރަށުންބޭރުގައި ކްރިސްޓަލް ޕެލަސް ބަލިކޮށްގެން 22 އަހަރަށް ފަހު ފުރަތަމަ ފަހަރަށް ލީގު ޗެމްޕިއަންކަން ހޯދޭނެ އެވެ.
