ޗެލްސީ ފަހަތަށް ޖައްސާލުމަށް ފަހު ފޮރެސްޓް ރެލިގޭޝަނާ ދުރަށް

May 4, 2026, 9:33 PM
ޗެލްސީ ކޮޅަށް ފޮރެސްޓްގެ ދެ ލަނޑު ޖެހި އަވޮޔިނީ އުފާފާޅުކުރަނީ.

ޗެލްސީ ކޮޅަށް ފޮރެސްޓްގެ ދެ ލަނޑު ޖެހި އަވޮޔިނީ އުފާފާޅުކުރަނީ.

ލަންޑަން (މެއި 4) - އިނގިރޭސި ޕްރިމިއާ ލީގުގައި މިރޭ ޗެލްސީ އަތުން 3-1 އިން މޮޅުވެ، ނޮޓިންހަމް ފޮރެސްޓުން ރެލިގޭޝަން ޒޯނާ ދުރަށް ޖެހިލައިފި އެވެ. 

މި ނަތީޖާއާ އެކު، ޗެލްސީ ވަނީ ލީގުގައި ޖެހިޖެހިގެން ހަ މެޗުން ބަލިވެފަ އެވެ. ޗެލްސީ އެންމެ ފަހުން ލީގުގައި މި ގޮތަށް ހަ މެޗުން ބަލިވީ 1993 ވަނަ އަހަރު އެވެ. ލީގުގައި މި މެޗުގެ ކުރިން އެންމެ ފަހުން ފަސް މެޗުގައި ޗެލްސީން ކުޅުނީ ކުރީގެ ކޯޗު ލިއަމް ރޮސެނިއާގެ ކޯޗުކަމުގަ އެވެ. އެކަމަކު، އޭނާ ތިން މަހަށް ފަހު ޗެލްސީގެ ކޯޗުކަމުން ވަކިކުރުމުން އެ މަގާމަށް ގެނައި ވަގުުތީ ކޯޗު ކަލުމް މެކްފާލޭންގެ އިރުޝާދުގެ ދަށުން އެ ޓީމުން އެފްއޭ ކަޕް ފައިނަލަށް ދިޔަ ނަމަވެސް، ލީގުގައި މި ވަނީ ބަލިވެފަ އެވެ. 

ފޮރެސްޓުން މި މޮޅާ އެކު، ރެލިގޭޝަން ޒޯނާ ހަ ޕޮއިންޓަށް ވަނީ ފަރަގު ބޮޑުކޮށްފަ އެވެ. އެ ގޮތުން، 16 ވަނައިގައި އޮތް ފޮރެސްޓަށް 35 މެޗުން 42 ޕޮއިންޓް ލިބިފައިވާއިރު، 18 ވަނައިގައި އޮތް ވެސްޓް ހޭމް ޔުނައިޓެޑަށް ވަނީ 35 މެޗުން 36 ޕޮއިންޓް ލިބިފަ އެވެ. 

Advertisement

ސްޓެމްފޯޑް ބްރިޖުގައި މިރޭ ކުޅުނު މެޗުގެ ފުރަތަަމަ 14 މިނިޓް ތެރޭ ފޮރެސްޓުން ވަނީ ޗެލްސީ ކޮޅަށް ދެ ގޯލު ޖަހައިފަ އެވެ. އެ ގޮތުން، ފުރަތަމަ ގޯލަކީ، ދެ ވަނަ މިނިޓްގައި ޑިލާނޭ ބަކްވާ ނެގި ހުރަހަކުން ފޮރެސްޓްގެ ފޯވާޑް، ޓައިވޯ އަވޮނިޔީ ބޮލުން ޖެހި ގޯލެކެވެ. 

ފޮރެސްޓުން ދެ ވަނަ ލަނޑު ޖެހީ ޕެނަލްްޓީ އަކުންނެވެ. އެ ގޮތުން، އީގޯ ޖީސޫސް ކާމިޔާބުކުރި މި ޕެނަލްޓީ ފޮރެސްޓަށް ލިބުނީ ޗެލްސީގެ މަލޯ ގުސްޓޯ، އޭރިއާތެރެއިން ފޮރެސްޓްގެ އަވޮނިޔީ އަށް ފައުލުކުރުމުންނެވެ. ފުރަތަމަ ހާފުގައި ލަނޑެއް ޖެހޭތޯ ޗެލްސީން ކުރި މަސައްކަތުގަައި އެ ޓީމަށް ލަނޑު ޖަހަން ރަނުގެ ފުރުސަތެއް ލިބުނެވެ. އެ ގޮތުން، އެ ޓީމުގެ 18 އަހަރުގެ ޖެސޭ ޑެރީ އަށް ފޮރެސްޓްގެ ޒެކް އަބޮޓް ކުރި ފައުލަކަށް ދިން ޕެނަލްޓީން ކޯލް ޕާމާ ފޮނުވާލި ބޯޅަ ފޮރެސްޓްގެ ކީޕަރު، މެޓް ސެލްސް ވަނީ މަތަކޮށްފަ އެވެ. 

ޗެލްސީ އަށް ޕެނަލްޓީ ހޯދައިދިން ޑެރީގެ ބޮލަށް ލިބުނު އަނިޔާގެ ސަބަބުން އަށިގަނޑުގައި ދަނޑުން ބޭލިއިރު، ވަގުތުން ހޮސްޕިޓަލަށް ގެންދިޔަ އެވެ. 

ދެ  ވަނަ ހާފުގައި ބަދަލަކަށް ކުޅެން އަރައި، 52 ވަނަ މިނިޓްގައި މޯގަން ގިބްސް-ވައިޓް ހުސްކޮށްލާފައި ދިން ބޯޅައަކަށް އަރައި އަވޮނިޔީ ވަނީ ފޮރެސްޓްގެ ތިން ވަނަ ލަނޑު ޖަހައިފަ އެވެ. 

ޗެލްސީން ދެ ވަނަ ހާފުގައި ބަދަލަކަށް ކުޅެން އެރުވި ޖޮއާއޯ ޕެޑްރޯ ޖެހި ގޯލެއް ވީޑިއޯ އެސިސްޓަންޓް ރެފްރީ (ވީއޭއާރް) އިން ބަލައިފައި، ރެފްރީ އެންތަނީ ޓޭލާ ވަނީ ގޯލެއް ނޫން ކަމަށް ނިންމައިފަ އެވެ. އެކަމަކު، އިތުރު ވަގުތުގެ ތިން ވަަނަ މިނިޓްގައި، މާކް ކުކުރޭއާ ދިން ބޯޅައެއް މެއިން ކޮންޓްރޯލް ކުރުމަށް ފަހު، ޖޮއާއޯ ޕެޑްރޯ ވަނީ އޯވަަހެޑް ކިކަކުން ގޯލެއް ޖަހައިފަ އެވެ. މިއީ، ޕްރިމިއާ ލީގުގައި ޗެލްސީން އެންމެ ފަހުން ކުޅުނު ނުވަ ގަޑިއިރުގެ ތެރޭގައި ޖެހި ފުރަތަމަ ގޯލެވެ. 

ފޮރެސްޓްގެ ކޯޗުކަމާ ވިޓޯ ޕެރެއިރާ ހަވާލުވެ އެ ޓީމުގެ ފޯމު ވަނީ ވަރަށް ބޮޑުތަނުން ރަނގަޅުކޮށްފަ އެވެ. ފޮރެސްޓުން ހުރިހާ މުބާރާތެއްގައި އެންމެ ފަހުން ކުޅުނު 10 މެޗުން ވެސް ބަލިވެފައިނުވާއިރު، ފުރަތަމަ ޑިވިޝަނުގެ ޓީމެއްގެ ގޮތުގައި އޮވެ، އެންމެ ފަހުން މި ފަދަ ފޯމެއް ދެމެހެއްޓީ 1995 ވަނަ އަހަރު އެވެ. ފޮރެސްޓުން ދެ ވަނަ ޑިވިޝަނުގައި ވާދަކުރިއިރު، 2016 ވަނަ އަހަރު ވަނީ ބަލިނުވެ، 13 މެޗު ފުރިހަމަ ކޮށްފަ އެވެ. 

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox