ފަތުރުވެރިކަމުގެ ދާއިރާއިން އެދެނީ ކާރިސާގެ މި މިދަނޑިވަޅުގައި ސަރުކާރުން އެހީތެރިވާން

May 10, 2026, 7:06 PM
ޓޫރިޒަމް މިނިސްޓަރު މުހައްމަދު އަމީން: ދާއިރާއިން ބުނީ 500 މިލިއަން ޑޮލަރުގެ ގެއްލުންވެއްޖެ ކަމަށް -- ފޮޓޯ: ރައީސް އޮފީސް

ޓޫރިޒަމް މިނިސްޓަރު މުހައްމަދު އަމީން: ދާއިރާއިން ބުނީ 500 މިލިއަން ޑޮލަރުގެ ގެއްލުންވެއްޖެ ކަމަށް -- ފޮޓޯ: ރައީސް އޮފީސް

މެދުއިރުމަތީގެ ހަނގުރާމައިގެ ސަބަބުން ދިވެހި ފަތުރުވެރިކަމުގެ ދާއިރާއަށް ލިބެމުންދާ ގެއްލުންތަކުން އަރައިގަނެވޭނީ ސަރުކާރުން މި ދަނޑިވަޅުގައި އެހީތެރިވެދީގެން ކަމަށް ބައެއް ޖަމިއްޔާތަކުން ބުނެފި އެވެ. 

ބަޔާނެއް މެދުވެރިކޮށް ސަރުކާރުގެ އެހީއަށް ގޮވާލީ  ޓްރެވަލް އެޖެންޓް އެންޑް ޓުއާ އޮޕަރޭޓާސްގެ ޖަމިއްޔާ މަޓާޓޯ އަދި ހޮޓަލާއި ގެސްޓްހައުސްތަކުގެ ޖަމިއްޔާއިންނެވެ. އެ ބަޔާނުގައި ބުނެފައި ވަނީ ފެބްރުއަރީ 28، ގައި ހަނގުރާމަ ފެށި ފަހުން ފަތުރުވެރިކަމުގެ ދާއިރާއަށް 500 މިލިއަން ޑޮލަރުގެ ގެއްލުން ލިބިފައިވާ ކަމަށެވެ. 

ދާއިރާއަށް ލިބުނު ގެއްލުން އަންދާޒާކޮށްފައި ވަނީ މީގެ ކުރިން ބުކިން ލިބިފައިވާ އަދަދުތަކަށް ބަލައިގެންނެވެ. އެ ދެ ޖަމިއްޔާއިން ލަފާ ކުރާ ގޮތުގައި މިހާތަނަށް ލިބުނު ގެއްލުން 500 މިލިއަން ޑޮލަރަށް ވުރެ ވެސް އިތުރުވާނެ އެވެ. 

Advertisement

އެ ބަޔާނުގައި ބުނެފައި ވަނީ މިގޮތަށް ފަތުރުވެރިކަމުގެ ދާއިރާ އަޑިއަޅައިގެންދާ ނަމަ ވިޔަފާރިތައް ބަނގުރޫޓުވެ، އެތައް ސަތޭކެ ވަޒީފާއެއް ގެއްލިދާނެ ކަމަށެވެ. އެހެންވިޔަ ނުދިނުމަށްޓަކައި ސަރުކާރުން ފަތުރުވެރިކަމުގެ ދާއިރާއަށް އެހީތެރިވާން އެ ބަޔާނުގައި ގޮވާލާފައިވެ އެވެ. 

"ވިޔަފާރިތައް ހިމާޔަތް ކުރުމަށާއި ވަޒީފާތައް ރައްކާތެރި ކުރުމާއި ފަތުރުވެރިކަމުގެ ދާއިރާއަށް އޮތް އިތުބާރު ދެމެހެއްޓުމަށް މި ހާލަތުގައި ރޭވިގެން، ހަލުވި ފިޔަވަޅުތަކެއް އަޅަންޖެހޭ،" އެ ބަޔާނުގައި ބުނެފައިވެ އެވެ. 

ފަތުރުވެރިކަމުގެ ދާއިރާއަށް ލިބޭ ގެއްލުންތަކުން އަރައިގަތުމަށް ސަރުކާރާއި މާލީ އިދާރާތަކާއި ފަތުރުވެރިކަމުގެ ދާއިރާގެ ސްޓޭކްހޯލްޑަރުންނާއެކު މަސައްކަތް ކުރަން އެ ދެ ޖަމިއްޔާއިން ތައްޔާރަށް ތިބި ކަމަށް ވެސް އެ ބަޔާނުގައި ބުނެފައިވެ އެވެ. 

މަޓާޓޯ އާއި ހޮޓާ/ގެސްޓްހައުސް ޖަމިއްޔާއިން ނެރުނު ބަޔާނުގައި އިތުރަށް ބުނެފައި ވަނީ ފަތުރުވެރިކަމުގެ ދާއިރާއަށް މީގެ ކުރިން ލިބުނު ގެއްލުންތަކުން ވެސް އަރައިގަނެފައިވާ ކަމަށާއި މިފަހަރު ވެސް އެކަން ކުރެވޭނެ ކަމަށެވެ. 

މަޓާޓޯ އާއި ހޮޓާ/ގެސްޓްހައުސް ޖަމިއްޔާއިން އެދޭ ކަންކަން 

  1. ފަތުރުވެރިކަމުގެ ދާއިރާގައި އުޅޭ ކުދި ވިޔަފާރިތަކަށް އަދި ގެސްޓްހައުސްތަކަށް ހާއްސަ ލޯނު ދޫކުރުން
  2. މިހާރު ނަގާފައިވާ ލޯނުތައް ދެއްކުން މެދުކަނޑާލުން، ލޯނު ރީ-ސްޓްރަކްޗާ ކޮށްދިނުން އަދި ފީތައް ދެއްކުން ވަގުތީ ގޮތުން މެދުކަނޑާލުން
  3. ކުދި ވިޔަފާރިތަކަށް ލޯނު ދޫކުރާއިރު ޝަރުތުތައް ލުއި ކުރުން
  4. އަގުތައް މަތިވަމުންދާ ދިޔުމަށް ހާއްސަ ސަމާލުކަމެއް ދިނުން؛ ހާއްސަކޮށް އެއާޕޯޓް ރިފިއުލިން އަގު މަތިވާ މައްސަލައަށް ހައްލެއް ގެނައުން
  5. އިމާރާތް ކުރާ ތަކެތީގެ އަގު އުފުލޭތީ ގެސްޓްހައުސްތަކާއި ކުދި ވިޔަފާރިތަކަށްވަމުންދާ ގެއްލުމަށް ހައްލެއް ގެނައުން

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox