ފީފާ ފުޓްސަލް ރޭންކިން: ދެކުނު އޭޝިއާގެ އެއް ވަނައިގައި އޮތް ރާއްޖެ ދުނިޔޭގެ 99 ވަނަ އަށް

ޖެނުއަރީ މަހު ބޭއްވި ސާފް ފުޓްސަލް ޗެމްޕިއަންޝިޕްގެ މެޗެއްގެ ތެރެއިން ލަނޑު ޖެހުމަށް ފަހު އުފާފާޅުކުރަނީ.---- ފޮޓޯ: އަބްދުﷲ އަބީދު / އަދަދު ސްޕޯޓްސް

ޖެނުއަރީ މަހު ބޭއްވި ސާފް ފުޓްސަލް ޗެމްޕިއަންޝިޕްގެ މެޗެއްގެ ތެރެއިން ލަނޑު ޖެހުމަށް ފަހު އުފާފާޅުކުރަނީ.---- ފޮޓޯ: އަބްދުﷲ އަބީދު / އަދަދު ސްޕޯޓްސް

ފީފާ އިން މި އަހަރަށް އާންމު ކުރި ފުޓްސަލްގެ ދުނިޔޭގެ ރޭންކިންގައި ރާއްޖޭން ދެކުނު އޭޝިއާގެ އެއް ވަނަ މަގާމު ދަމަަހައްޓައި، ދުނިޔޭގެ 99 ވަނަ އަށް ޖެހިލައިފި އެވެ. 

މިއަދު ނެރުނު ރޭންކިންގައި، ރާއްޖޭން ރޭންކިންގެ 10 ދަރަޖަ ކުރިއަށް ޖެހިލިއިރު، އޮތީ އޭޝިއާގެ 24 ވަނައިގަ އެވެ. 

ފީފާ އިން އެންމެ ފުރަތަމަ 2024 ވަނަ އަހަރު މެއި މަހު، ނެރުނު ފުޓްސަލް ރޭންކިންގައި 110 ވަނައިގައި ރާއްޖެ އޮތް ނަމަވެސް، އޭގެ ފަހުން، 2024 ވަނަ އަހަރުގެ ނޮވެމްބަރު މަހު ނެރުނު ރޭންކިންގައި ރާއްޖެ ވަނީ 109 ވަނަ އަށް ޖެހިލައިފަ އެވެ. އަދި، މިިދިޔަ އަހަރު މެއި މަހު ނެރުނު ރޭންކިންގައި ވެސް ރާއްޖެ އޮތީ ހަމަ އެ މަގާމުގަ އެވެ.

އެކަމަކު، މިދިިޔަ ޖެނުއަރީ މަހު، ސާފް އިން މުޅިން އަލަށް ބޭއްވި ފުޓްސަލް ޗެމްޕިއަންޝިޕްގައި ކުޅުނު ހުރިހާ މެޗަކުން މޮޅުވެ، މުބާރާތުގެ ޗެމްޕިއަންކަން ހޯދުމާ އެކު، ކޯ އެފިޝަންޓް ޕޮއިންޓަށް ބަލާއިރު، ލިބިގެންދިޔަ 25.38 ޕޮއިންޓާ އެކު، ބޮޑު ކުރިއެރުމެއް ރާއްޖޭން ހޯދީ އެވެ.  އަދި، 200 އަށް ވުރެން ގިނަ މެމްބަރު ގައުމު އޮތް ފީފާގެ ގަދަ 100 ގައުމުގެ ތެރެއިން ރާއްޖެ ޖާގަ ހޯދީ އެވެ. 

ދެކުނު އޭޝިއާގެ ގައުމުތަކުގެ ރޭންކިން އަށް ބަލާއިރު، އެންމެ ކުރީގައި އޮތީ ރާއްޖެ އެވެ. ރާއްޖެއާ އެންމެ ކައިރިން އޮތް ނޭޕާލް ދުނިޔޭގެ 110 ވަނައިގައި އޮތްއިރު، އިންޑިއާ އޮތީ 130 ވަނައިގަ އެވެ. ޕާކިސްތާން 138 ވަނައިގައި އޮތްއިރު، ބަންގްލަދޭޝް އޮތީ 139 ވަަނައިގަ އެވެ. ސްރީ ލަންކާ އަށް 140 ވަނަ ލިބޭއިރު، ބޫޓާން އޮތީ ދުނިޔޭގެ 141 ވަަނައިގަ އެވެ. 

މިދިޔަ ޖެނުއަރީ މަހު ސާފް އިން ތައިލެންޑުގައި ބޭއްވި ސާފް ފުޓްސަލް ޗެމްޕިއަންޝިޕްގައި، ކުުޅުނު ފުރަތަމަ ތިން މެޗުން ވެސް މޮޅުވީ ފަރަގު ބޮޑުކޮށެެވެ. އެ ގޮތުން، ފުރަތަމަ މެޗުގައި ޕާކިސްތާން އަތުން 7-1 އިން މޮޅުވިއިރު، ދެ ވަނަ މެޗުގައި ބަންގްލަދޭޝް އަތުން 6-1 އިން މޮޅުވި އެވެ. އަދި، ތިން ވަނަ މެޗުގައި، 5-0 އިން އިންޑިއާ ބަލިކޮށް، ވާދަކުރާ ހުރިހާ ޓީމަކަށް ބޮޑު މެސެޖެއް ދިނެވެ.

އެކަމަކު ފަހުން ކުޅުނު ތިން މެޗުގައި، ރާއްޖެ ކައިރިން ނޭޕާލާއި ބޫޓާން އަދި ލަންކާ އިން ޑިފެންސިވްކޮށް ރަނގަޅު ކުޅުމެއް ދައްކައި، ރާއްޖެ އަށް އުނދަގޫތަކެއް ކުރިމަތިކުރި ނަމަވެސް އެ މެޗުތަކުން ވެސް ރާއްޖޭން ކުރިހޯދި އެވެ.

އެ ގޮތުން، ނޭޕާލް އަތުން 2-1 އިން އަދި، ބޫޓާންގެ މައްޗަށް 3-1 އިންނެވެ. އަދި، ފަހު މެޗުގައި، ލަންކާ އަތުން 5-2 އިން ވަނީ މޮޅުވި އެވެ.

ދުނިޔޭގެ ރޭންކިންގެ ގަދަ ފަހަކަށް ބަލާއިރު، އެއް ވަަނައިގައި އޮތީ ބްރެޒިލް އެެވެ. ދެ ވަނައިގައި ޕޯޗުގަލް އޮތްއިރު، ތިން ވަނައިގައި އޮތީ ސްޕެއިން އެވެ. ހަތަރެއްގައި އާޖެންޓީނާ އޮތްއިރު، ފަހެއްގައި އޮތީ އިރާން އެވެ. ދެން، ގަދަ 10 ގައި ހިމެނެނީ، މޮރޮކޯ، ރަޝިއާ، ކަޒަކްސްތާން، ޔޫކްރެއިން އަދި ފްރާންސް އެވެ. 

ފީފާގެ ފުޓްސަލް ރޭންކިންގައި ރާއްޖޭގެ އަންހެން ޓީމު އޮތީ 96 ވަަނައިގަ އެވެ. އެއީ، ރޭންކް ކުރެވިފައިވާ ގައުމުތަކުގެ ތެރެއިން އެންމެ ފަހަތުގަ އެވެ. ރާއްޖޭގެ އަންހެން ގައުމީ ފުޓްސަލް ޓީމުން މިހާތަނަށް ކުޅުނު ހަމައެކަނި މުބާރާތަކީ ސާފް ވިމެންސް ފުޓްސަލް ޗެމްޕިއަންޝިޕް އެވެ. އެ މުބާރާތުގައި ކުޅުނު ހަ މެޗުން ވެސް ވީ ބައްޔެވެ. 

ފުރަތަަމަ މެޗުން އިންޑިއާ އަތުން 11-1 އިން ބަލިވިއިރު، ދެ ވަަނަ މެޗުގައި ނޭޕާލް އަތުން 5-0 އިން ބަލިވި އެވެ. ތިން ވަނަ މެޗުގައި 3-1 އިން ޕާކިސްތާން އަތުން ބަލިވި އެވެ. ހަތަރު ވަނަ މެޗުގައި ބޫޓާން އަތުން 4-2 އިން ބަލިވިއިރު، ފަސް ވަނަ މެޗުގައި، ސްރީ ލަންކާ އަތުން ވަނީ 7-6 އިން ބަލިވެފަ އެވެ. އަދި، ފަހު މެޗުގައި، ސާފް ވިމެންސް ފުޓްސަލް ޗެމްޕިއަންޝިޕް ކާމިޔާބުކުރި ބަންގްލަދޭޝް އަތުން ރާއްޖެ ބަލިވީ 14-2 އިންނެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox