ފުޓްސަލްގެ ތާރީހުގައި އޮޅުންއެރި ބައި ރަނގަޅުކޮށް، ކުރިމަގަށް އުންމީދުތަކެއް

ސާފް ފުޓްސަލް ޗެމްޕިއަންޝިޕް ކާމިޔާބުކުރުމަށް ފަހު، ގައުމީ ފުޓްސަލް ޓީމުން ބޭއްވި އުފާފާޅުކުރުމުގެ ތެެރެއިން، މިނިސްޓަރު ރާފިއު އާއި އެފްއޭއެމްގެ ރައީސް ތޯރިގު.---- ފޮޓޯ: އިމޭޖަސް.އެމްވީ

ސާފް ފުޓްސަލް ޗެމްޕިއަންޝިޕް ކާމިޔާބުކުރުމަށް ފަހު، ގައުމީ ފުޓްސަލް ޓީމުން ބޭއްވި އުފާފާޅުކުރުމުގެ ތެެރެއިން، މިނިސްޓަރު ރާފިއު އާއި އެފްއޭއެމްގެ ރައީސް ތޯރިގު.---- ފޮޓޯ: އިމޭޖަސް.އެމްވީ

ރާއްޖޭގެ ފުޓްސަލް ގައުމީ ޓީމުގެ ރަޖިސްޓްރީވުމާ ގުޅޭގޮތުން އޮޅުންއަރާ ގޮތަށް ދެކެވުނު ވާހަކަ ރަނގަޅުކޮށް، ގައުމީ ފުޓްސަލް ޓީމުތަކަށް އުންމީދީ ވާހަކަތަކެއް ޔޫތު އެމްޕަވާމަންޓް، ސްޕޯޓްސް އެންޑް ފިޓްނަސް މިނިސްޓަރު، އަބްދުﷲ ރާފިއު (ރާއްޕެ) ދައްކަވައިފި އެވެ. 

"ގައުމީ ޓީމަށް ބަލާއިރުގައި އަޅުގަނޑުމެން ދަންނަވާނީ، ފުޓްސަލްގެ ގައުމީ ޓީމު އެކުލަވާލައިފައިވަނީ 2 ޑިސެމްބަރު 2025 ވަނަ އަހަރު، މިއީ، ރާއްޖޭގައި ފުރަތަމަ ފަހަރަށް ގައުމީ ޓީމެއްގެ ގޮތުގައި ފުޓްސަލް އަޅުގަނޑުމެންނަށް، ފުޓްބޯލް އެސޯސިއޭޝަނުން ސްކޮޑެއް އެކުލަވާލައި ގައުމީ ޓީމެއްގެ ރަސްމީ ހައިސިއްޔަތު ލިބިގެންދިޔަ ފުރަތަމަ ފަހަރު ކަމުގައި ވެސް އަޅުގަނޑު ފާހަގަކޮށްލަން،" ރައީސް އޮފީހުގައި މި މަހު 13 ވަނަ ދުވަހު ބޭއްވި ނޫސްވެރިންގެ ބައްދަލުވުމުގައި މިިނިސްޓަރު ރާފިއު ވިދާޅުވި އެވެ. 

އެހެން ނަމަވެސް ރާއްޖޭގެ ގައުމީ ފުޓްސަލް ޓީމުން ކުޅެން ފެށިތާ 22 އަހަރު ވެފައިވާއިރު، "ރަސްމީ" ވުން މިނިސްޓަރު ރާފިއު، މާނަކުރެއްވީ ކިހިިނެއްތޯ، މިއަދު، "އަދަދު ސްޕޯޓްސް" އިން ސުވާލުކުރުމުން ވަނީ އެކަން އޮޅުންފިލުވައިދެއްވައިފަ އެވެ. 

"ދެން، އޭގަ، ފުޓްސަލްގެ ދެ ޓީމެއް އެބަ އުޅޭ، އަޅުގަނޑު ދެކޭ ގޮތުގައި އަންހެން ޓީމު ވަރަށް ފަހުން، އަޅުގަނޑުމެންނަށް ފޯމް ވެގެންދިޔައީ، އެއީ އެއް ކަންތައް، ދެން، އަނެއް ކަމަކީ، އެ ހަމަ އަހަރެއް ނުވެސްވޭ އަދި، ފޯމު ވީ ފަހުން، އެހެންވީމަ އެތަންކޮޅު އަޅުގަނޑު ރަނގަޅުކޮށްލަން ބޭނުން، ދެން، ފުޓްސަލް ޓީމު (ގައުމީ ފިިރިހެން ފުޓްސަލް ޓީމު) ކުޅެފައި އެބައޮތް ރާއްޖޭން އެކި މުބާރާތްތަކުގައި މީގެ ކުރީގައި ވެސް،" ރާފިއު ވިދާޅުވި އެވެ. 

ގައުމީ ފުޓްސަލް ޓީމުން އޭޝިއާ ލެވަލްގައި ކުޅުނުތާ 22 އަހަރު: އެފްއޭއެމް އިން އޮތީ އެކަން މިނިސްޓްރީ އަށް ވެސް އަންގާފައި

ދިވެހިރާއްޖޭގެ ގައުމީ ފުޓްސަލް ޓީމުން 2004 ވަނަ އަހަރުން ފެށިގެން އޭޝިއާގެ މުބާރާތްތަކުގައި ވާދަކުރަން ފަށާފައިވާއިރު، ފުރަތަމަ ދެ އަހަރު މުބާރާތުގެ ގްރޫޕް ސްޓޭޖުގައި ކުޅުމުގެ ފުރުސަތު ލިބުނު. އޭގެ ފަހުން ކޮލިފައިންގައި ހަ ފަހަރު ކުޅުނުއިރު، ފުޓްސަލް ޓީމުން ރަސްމީކޮށް މިނެކިރަން ޖެހޭ ތާރީހަކީ، މިދިޔަ ޑިސެމްބަރު ދެ ވަނަ ދުވަހުން ފެށިގެނެއް ނޫން.

ޖެނުއަރީ މަހު، ތައިލެންޑުގެ ނޮންތަބުރީގައި ދެކުނު އޭޝިއާގެ ގައުމުތަކުގެ މެދުގައި ބޭއްވި ފުރަތަމަ ފުޓްސަލް މުބާރާތް، ސާފް ފުޓްސަލް ޗެމްޕިއަންޝިޕްގެ އަންހެން އަދި ފިރިހެން މުބާރާތް ކުރިއަށްދިޔަ އެވެ. އެ މުބާރާތަށް ގައުމީ ފިރިހެން ފުޓްސަލް ޓީމު ޕްރެކްޓިސް ފެށީ، ޑިސެމްބަރު މަހު ފުރަތަމަ ހަފްތާގަ އެވެ. އަދި، އަންހެން ފުޓްސަލް ޓީމުން ޕްރެކްޓިސް ފެށީ ޑިސެމްބަރު ފަހު ހަފްތާގަ އެވެ. ސާފް ފުޓްސަލް ޗެމްޕިއަންޝިޕަކީ، އަންހެން ގައުމީ ފުޓްސަލް ޓީމުގެ ފުރަތަމަ މުބާރާތެވެ. 

މިއަދުގެ ނޫސްވެރިންގެ ބައްދަލުވުމުގައި، މިނިސްޓަރު ރާފިއު ވަނީ، ގައުމީ ފުޓްސަލް ޓީމުގެ ކަންކަން ހަރުދަނާކުރުމަށްޓަކައި، ގިނަ ކަންތައްތަކެއް ކުރާނެ ކަމަށް އުންމީދީ ވާހަކަތަކެއް ދައްކަވައިފަ އެވެ. 

"ގިނަ ބޭފުޅުންގެ ސުވާލެއް އެއީ، މިސާލަކަށް، ސްޕޯޓްސް އެވޯޑްގައި ފުޓްސަލް ޓީމުގެ ނަން ނާންނަނީ ކީއްވެތޯ، ފުޓްސަލް ޓީމަށް މުސާރަ ނުލިބެނީ ކީއްވެތޯ. މި ކަހަލަ ސުވާލުތަކެއް އެބަ އާދޭ،" ރާފިއު ވިދާޅުވި އެވެ. 

"ހުޅުވާލެވިގެން ނެޝަނަލް މުބާރާތެއް ކުރިއަށްގެންދަން އެބަޖެހޭ، ނެޝަނަލް މުބާރާތެއް، އެއް އަހަރު ދުވަހުގައި ކުރިއަށްގެންދެވިގެން، އެ ޕެޓާން އެ ހިސާބަށް ދިޔައީމަ މުސާރަ ދޭ ހިސާބަށް މި ދަނީ. އިރާދަކުރެއްވިއްޔާ، ދާދި އަވަހަށް އެކަން ފަހިވެގެންދާނެ، އެފްއޭއެމްގައި މިހާރު ވެސް އެ ވަނީ އޮފިޝަލީ ފިރިހެން ޓީމު ވެސް ރަޖިސްޓްރީ ކުރެވިފައި، އަންހެން ޓީމު އޮތަސް، އަންހެން ޓީމާ ވެސް އެއްކޮށް އެ ބީދައިން އަޅުގަނޑުމެން ކުރިއަށްގެންގޮސް، އެއީ ބަޖެޓް ކޮށްގެން ކުރަންޖެހޭ ކަމެއް ވީމަ، މުސާރައިގެ ކަންތައް ވެސް އިރާދަކުރެއްވިއްޔާ ހަމަޖެހިގެންދާނެ،" 

ގައުމީ ޓީމުތަކުގެ ކުޅުންތެރިންނަށް ދާދި ފަހުން ދޭން ހަމަޖެއްސި އިންޝުއަރެންސްގެ ކަންކަން ވެސް ފުޓްސަލް ޓީމަށް ހަމަޖެހިގެންދާނެ ކަމަށް ރާފިއު ވަނީ ޔަގީންކަން ދެއްވައިފަ އެވެ. 

"އިންޝުއަރެންސްގެ ތެރެއަށް މި ޓީމުތައް (ފުޓްސަލް ޓީމުތައް) ލެވިގެންދިއުން އަޅުގަނޑު އުންމީދުކުރަނީ، އޭރަށް އަޅުގަނޑުމެންނަށް މި ކަން އެންމެ ރަނގަޅަށް ހާސިލްކުރެވިގެންދާނީ، އިރާދަކުރެއްވިއްޔާ އަންނަ އަހަރަކީ ބަޖެޓް ހަދާއިރުގައި، ބަޖެޓަށް ލައިގެން، މުސާރަ ދެވި، އިންޝުއަރެންސް ވެސް ހަމަޖެހިގެންދާނެ،" ރާފިއު ވިދާޅުވި އެވެ. 

އެފްއޭއެމް އިން މި އަހަރަށް އެކުލަވާލި ކަލަންޑަރާއި ފާސްކުރި ބަޖެޓުގައި ފުޓްސަލް މުބާރާތްތަކެއް ކުރިއަށްގެންދަން ވަނީ ހިމަނައިފަ އެވެ. އެއީ، އެފްއޭއެމް ފުޓްސަލް އެޓޯލް ޗެމްޕިއަންޝިޕް އާއި އެފްއޭއެމް ފުޓްސަލް ލީގުގެ އަންހެން އަދި ފިރިހެން މުބާރާތެވެ. އެ މުބާރާތްތަކަށް ގާތްގަނޑަކަށް 2.3 މިލިއަން ރުފިޔާ ވަނީ ހިމަނައިފަ އެވެ. 

 

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox