އިންގްލެންޑް ފުޓްބޯޅައިގެ މައްސަލަ އަކީ މާ ގިނަ މެޗުތަކެއް ކުޅެން ޖެހުން: ކޮމްޕެނީ

May 6, 2026, 11:16 AM
ބަޔާންގެ ކޯޗު ވިންސެންޓް ކޮމްޕެނީ: އޭނާ ވަނީ އާސެނަލްގެ ކޯޗު އާޓެޓާ ދެއްކި ވާހަކަތަކަށް ރައްދުދީފައި.--- ފޮޓޯ: އޭއެފްޕީ

ބަޔާންގެ ކޯޗު ވިންސެންޓް ކޮމްޕެނީ: އޭނާ ވަނީ އާސެނަލްގެ ކޯޗު އާޓެޓާ ދެއްކި ވާހަކަތަކަށް ރައްދުދީފައި.--- ފޮޓޯ: އޭއެފްޕީ

މިއުނިކް (މެއި 6) - އިނގިރޭސި ފުޓްބޯޅައިގައި އޮތް އެންމެ ބޮޑު އެއް މައްސަލަ އަކީ ގިނަ މުބާރާތްތަކެއް ބާއްވައި، ގިނަ މެޗުތަކެއް ކުޅެން ޖެހޭ ގޮތަށް ކަންކަން ރޭވިފައި އޮތުން ކަމަށް ބަޔާން މިއުނިކްގެ ކޯޗު ވިންސެންޓް ކޮމްޕެނީ ބުނެފި އެވެ. 

މެންޗެސްޓާ ސިޓީގެ ކުރީގެ ކެޕްޓަން، ބެލްޖިއަމްގެ ޑިފެންޑަރު، ކޮމްޕެނީ ވަނީ އިނގިރޭސި ކްލަބް ބާންލީގެ ކޯޗަކަށް ވެސް މަސައްކަތްކޮށްފަ އެވެ.

އިނގިރޭސި ފުޓްބޯޅައިގެ ކަންކަމާ ބެހޭގޮތުން ކޮމްޕެނީ ވާހަކަ ދައްކާފައިވަނީ، އާސެނަލްގެ ކޯޗު މިކޭލް އާޓެޓާ، ބަޔާން އާއި ޕީއެސްޖީއާ ބެހޭގޮތުން ދެއްކި ވާހަކަ އަކަށް ދިން ރައްދެއްގަ އެވެ. އެ ގޮތުން، އާޓެޓާ ބުނެފައިވަނީ، ޕީއެސްޖީ އާއި ބަޔާނަށް އަމިއްލަ ލީގުގައި ކުޅުންތެރިން ރެސްޓް ކުރަން ފުރުސަތު ލިބޭ ކަމަށާއި އެކަމަކު، އާސެނަލަށް އެކަން ކުރަން ޖާގައެއް ނެތީ އިނގިރޭސި ފުޓްބޯޅަ ވާދަވެރިވުމުން ކަމަށެވެ. 

Advertisement

ކޮމްޕެނީ ބުނެފައިވަނީ، އާޓެޓާގެ ވާހަކަ އަށް މާ ބޮޑު ވާހަކަތަކެއް ދައްކަން ބޭނުމެއް ނުވާ ކަމަށެވެ.

އޭނާ އަކީ ޕްރިމިއާ ލީގުގައި ގިނަ އަހަރުތަކެއް ވަންދެން ކުޅެފައިވާ ކުޅުންތެރިއެއް ކަމަށާއި އާޓެޓާ ދެއްކި ވާހަކަ އަކީ ސީދާކޮށް ޕީއެސްޖީ ނޫނީ ބަޔާނަށް ފާޑުކިޔުމަށް ދެއްކި ވާހަކައެއް ގޮތުގައި ނުދެކޭ ކަމަށެވެ.

"އިންގްލެންޑްގެ ލީގުގައި 38 މެޗު ކުޅެން ޖެހޭ. ލީގު ކަޕް އޮވޭ. އެފްއޭ ކަޕް އޮވޭ. އެކަމަކު، ފިނި މޫސުމުގެ ބްރޭކެއް ނުލިބޭ. މިއީ އަހަރެން ދައްކަން ޖެހޭ ވާހަކައެއް ވެސް ނޫން. އެކަމަކު، މިއީ ހަގީގަތް. މި ހުރިހާ މެޗެއް ކުޅެފައި، ޔޫރަޕްގައި އެންމެ ރަނގަޅަށް ކުޅެން އުނދަގޫވާނެ. މިއީ ޔާގަން ކްލޮޕް (ލިވަޕޫލްގެ ކުރީގެ ކޯޗު) ވެސް އެތައް ފަހަރަކު ދެއްކި ވާހަކައެއް،" ކޮމްޕެނީ ބުންޏެވެ. 

ޖަރުމަނު ލީގު ޗެމްޕިއަންކަން 35 ވަނަ ފަހަރަށް ހޯދި ބަޔާނުން ޗެމްޕިއަންސް ލީގުގެ ސެމީ ފައިނަލުގެ ދެ ވަނަ ލެގުގައި މިރޭ އަމިއްލަ ދަނޑުގައި ޕީއެސްޖީއާ ކުޅޭނެ އެވެ. މިދިޔަ ހަފްތާގައި ޕީއެސްޖީ ދަނޑުގައި ކުޅުނު މެޗު ނިިމިގެންދިޔައީ 5-4 އިން ބަޔާން އަތުން ޕީއެސްޖީ މޮޅުވެގެންނެވެ. 

މިރޭ އަމިއްލަ ދަނޑުގައި ކުޅޭ މެޗުގައި، ޗެމްޕިއަންސް ލީގުގެ އެންމެ ފަހުގެ ޗެމްޕިއަން، ޕީއެސްޖީ ކައިރިން ބަޔާނަށް ނަތީޖާ ނެރެެވޭނެ ކަމަށް ކޮމްޕެނީ ވަނީ ބުނެފަ އެވެ. 

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox