މެޖޯރިޓީ ތާއީދު އޮތީ ކެރިކަށް ޔުނައިޓެޑްގެ ކޯޗުކަން ދޭން

May 5, 2026, 11:07 PM
ޔުނައިޓެޑްގެ ކޯޗު މައިކަލް ކެރިކް: މިއީ ޔުނައިޓެޑާ ވަގުތީ ގޮތުން ހަވާލުވެ އޭނާ އެ ޓީމަށް ކޯޗުކޮށްދޭ ދެ ވަނަ ފަހަރު.

ޔުނައިޓެޑްގެ ކޯޗު މައިކަލް ކެރިކް: މިއީ ޔުނައިޓެޑާ ވަގުތީ ގޮތުން ހަވާލުވެ އޭނާ އެ ޓީމަށް ކޯޗުކޮށްދޭ ދެ ވަނަ ފަހަރު.

މެންޗެސްޓާ (މެއި 5) - މެންޗެސްޓާ ޔުނައިޓެޑްގެ ފުޓްބޯޅައިގެ ކަންކަން ބަލަހައްޓާ ކުންފުނި، އިނިއޯސްގެ މެނޭޖްމަންޓު ޓީމުގެ މެޖޯރިޓީގެ ތާއީދު އޮތީ ވަގުތީ ގޮތުން މި ވަގުތު ޔުނައިޓެޑްގެ ކޯޗަކަށް ހުރި މައިކަލް ކެރިކަށް ދާއިމީ ކޮންޓްރެކްޓެއްގައި އެ ޓީމުގެ ކޯޗުކަން ދިނުމަށް ކަމަށް ރިޕޯޓްތައް ބުނެފި އެވެ. 

ކެރިކް ވަނީ މީގެ ކުރިން 2021 ވަނަ އަހަރު ޔުނައިޓެޑްގެ ވަގުތީ ކޯޗަކަށް މަސައްކަތްކޮށްފަ އެވެ. އެއީ، 2021 ވަނަ އަހަރު ނޮވެމްބަރު މަހު، ޔުނައިޓެޑްގެ ކޯޗު، އޮލެ ގުނަ ސޯލްޝެއާ ވަކިކުރުމުން އެ ސީޒަނުގެ ބާކީބައިގަ އެެވެ. އެ ފަހަރު ކެރިކަށް ޓީމުގެ ކޯޗުކަން ނުދީ ގެނައީ އަޔަކްސްގެ ކޯޗު އެރިކް ޓެން ހާގް އެވެ. ކެރިކް ވަނީ މިޑްލްސްބަރާގެ ހެޑް ކޯޗެއްގެ ގޮތުގައި މަސައްކަތްކޮށްފަ އެވެ.

ޕޯޗުގީސް ކޯޗު، ރުބެން އަމޮރިމް، ޔުނައިޓެޑްގެ ކޯޗުކަމުން ވަކިކޮށް އެ ޓީމުން ފުރަތަމަ ހަވާލުވި ވަގުތީ ކޯޗު، ޑަރެން ފްލެޗާއާ އެކު ނުކުމެ ދެ މެޗުން ވެސް މޮޅެއްނުވިއެވެ. އޭގެ ފަހުން، ޔުނައިޓެޑުން ވަނީ، ޖެނުއަރީ 13 ވަނަ ދުވަހު ކެރިކަށް ޓީމުގެ ކޯޗުގެ ޒިންމާ ވަގުތީގޮތުން ދީފަ އެވެ. 

ކެރިކްގެ ކޯޗުކަމުގައި ޔުނައިޓެޑުން ކުޅުނު 14 މެޗުގެ ތެރެއިން 10 މެޗުން މޮޅުވިއިރު، ދެ މެޗުން ބަލިވެ، ދެ މެޗުން ވަނީ އެއްވަރުވެފަ އެވެ. ޔުނައިޓެޑުން ވަނީ އިނގިރޭސި ޕްރިމިއާ ލީގުގެ ގަދަ ފަހެއް ކަށަވަރުކޮށް، ލީގުގައި ބާކީ ތިން މެޗު އޮއްވައި، އަންނަ ސީޒަނުގެ ޗެމްޕިއަންސް ލިގުގެ ޖާގައެއް ވެސް ހޯދައިފަ އެވެ. ޔުނައިޓެޑުން ޗެމްޕިއަންސް ލީގު މި ކުޅެނީ ދެ ސީޒަނަށް ފަހު އެވެ. 

ދާއިމީ ކޯޗެއް ހޯދުމުގެ މަސައްކަތް ޔުނައިޓެޑުން ކުރަމުންދިޔައިރު، ކެރިކް މި ވަނީ އެ ޓީމާ ހަވާލުވެ، ރަނގަޅު މަސައްކަތްތަކެއް ކޮށް، ސަޕޯޓަރުންނާއި ކުޅުންތެރިންގެ އިތުބާރު ހޯދައިފަ އެވެ. އެއާ އެކު، އިނިއޯސް އިން މިހާރު ކެރިކަށް ކޮންޓްރެކްޓެއް ދޭން ތައްޔާރުވަމުން އަންނަ ކަމަށް ރިޕޯޓްތައް ބުނެ އެވެ.  

ޔުނައިޓެޑުން ދާއިމީ ކޯޗެއް ގެންނަ އެންމެ ބޮޑު އެއް ޓާގެޓަކީ، އަލުން އިނގިރޭސި ޕްރިމިއާ ލީގުގެ ޗެމްޕިއަންކަން ހޯދައި، ޔޫރަޕްގައި ވެސް ކާމިޔާބީތައް ހޯދުމެވެ. ޔުނައިޓެޑުން އެންމެ ފަހުން ޗެމްޕިއަންސް ލީގު ކާމިޔާބުުކުރީ 2008 ވަަނަ އަހަރު އެވެ. އަދި، ޕްރިމިއާ ލީގު ޗެމްޕިއަންކަން ހޯދީ 2013 ވަނަ އަހަރު އެވެ. 

ލިވަޕޫލް އަތުން 3-2 އިން މޮޅުވި މެޗަށް ފަހު، ޔުނައިޓެޑަށް އަންނަ ސީޒަނުގައި އިނގިރޭސި ޕްރިމިއާ ލީގު ކާމިޔާބު ކުރެވޭނެތޯ ކުރި ސުވާލަށް ކެރިކް ދިން ޖަވާބުގައި ބުނީ، މި ސީޒަން މިދާ ގޮތުން ގިނަ ކަންކަން ދަސްކުރެވޭނެ ކަމަށާއި  ކާމިޔާބު ހޯދަން ކުރަން ޖެހޭ މަސައްކަަތް ކުރިއަށް ގެންގޮސްފިނަމަ، ޔުނައިޓެޑަށް ނުކުރެވޭނެ ކަމެއް ނެތް ކަމަށެވެ. 

 މި ސީޒަނުގައި ޔުނައިޓެޑަށް ބާކީ އޮތް ތިން މެޗަށް ބަލާއިރު، އަމިއްލަ ދަނޑުގައި ނޮޓިންހަމް ފޮރެސްޓާ ދެކޮޅަށް ކުޅޭ މެޗާއި ރަށުންބޭރުގައި ސަންޑަލެންޑާއި ބްރައިޓަންއާ ބައްދަލުކުރާ މެޗެެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox